كم الطلعات الي تودي للعرمة

[المربوش]

يالربع بسئلكم كم الطلعات الي تودي للعرمة وايهم اسهل

[نايف العز]

أي طلاعات يا أخوي .. أنت وش تبي بالضبط ..
أصلاً تمسك طريق ترابي .. ويوجد أكثر من طريق وكلاهـا واحد ..
حتى توصل لـ جبل العرمه ..

[المربوش]

اشكرك يالطيب

اقصد مابين الشعب وفيضة نورة فيه طلعات للجبل تودي للشوكي وغيره

السؤال كم عدد الطلعات وما هو اسهلها

[نايف العز]

^
^
^

نورة موب لم العرمه .. ويالغالي الشوكي له طريق مسفلت .. ثم لدخلت الشوكي يجيك ممسوح .. ونورة لهـا طريق ممسوح ياصلهـا ..

والعرمه وما حولهـا .. روضة محيسن ـ أم قليدة ـ أبو سلم ـ دريبات الخيل ـ أم الشقوق .. ألخ ..
وماني فهم والله وش تقصد بالضبط ؟؟ .. وأخليهـا لأهل الأختصاص ..

[منادي]

المربوش (( يا كثر اسئلتك )) http://www.albrari.com/vb/images/icons/038.gif
مبروك تحميل الصور ..
،،،،،،،،
شف يالغالي ..
فيه طلعة اسمها ( ضاحك ) ولها خط ممسوح من البلدية ..
تبي الوصف حنا جاهزين ..

وفيه طلعة ثانية اسمها ( ام الارشه ) ..


اي خدمات .. منادي ينادي

[المربوش]

^
^
^

نورة موب لم العرمه .. ويالغالي الشوكي له طريق مسفلت .. ثم لدخلت الشوكي يجيك ممسوح .. ونورة لهـا طريق ممسوح ياصلهـا ..

والعرمه وما حولهـا .. روضة محيسن ـ أم قليدة ـ أبو سلم ـ دريبات الخيل ـ أم الشقوق .. ألخ ..
وماني فهم والله وش تقصد بالضبط ؟؟ .. وأخليهـا لأهل الأختصاص ..

ياخوي مدري وش اسمها عرمه ولا غيرها

السالفة وما فيها اني كنت متوجه لفيضة نورة من الشعب وكنت في ليل واشر لي بدوي ونشب في حلقي بالاسئلة وين

الطلعة الفلانيه الخ وقبل ما اقابل الاعرابي كنت اشوف انوار سيارات تنزل من الجبل واستغربت

نمت في فيضه قبل نورة والصباح اشوف سيارة نازله من طلعة ثانية

وهذا الي خلاني اسئل سؤالي ولكي استفيد في روحاتي القادمة عندما يصادفني احد يسئل

ما قصرت على معلوماتك وتعبك معي

[المربوش]

المربوش (( يا كثر اسئلتك )) http://www.albrari.com/vb/images/icons/038.gif
مبروك تحميل الصور ..
،،،،،،،،
شف يالغالي ..
فيه طلعة اسمها ( ضاحك ) ولها خط ممسوح من البلدية ..
تبي الوصف حنا جاهزين ..

وفيه طلعة ثانية اسمها ( ام الارشه ) ..


اي خدمات .. منادي ينادي

الله يبارك فيك

والله يعينكم مابعد شفتو شي من اسئلتي هههههههههه


( طلعة ضاحك وام الارشه )هذا الجواب المطلوب

ياليت بعد تعد الباقي وايهم اسهل للصعود وهل فيه شي يستاهل الصعود مثلا فياض الخ

مشكور منادي الله يعطيك العافيه

[منادي]

والله انك نشبه .. http://www.albrari.com/vb/images/icons/011.gif
هبلت بي انا ومخاوي تميرhttp://www.albrari.com/vb/images/smilies/57.gif

على العموم يا غالي اسئلتك عسل على قلوبنا يالمربوش ..
،،،،،،،،،

االطرق المؤدية الى الشوكي : الاسهل بالترتيب //

تطلع مع ( الشعب) وقبل ريضان هليل تلف يمين ( خط بر ممسوح ) ) وتمشي8 كيلو تقريبا وعلى طول في المخاشر ، ثم تنزل مع الشعيب ... الخ

او تطلع مع ضاحك .. ويحول بك الى المخاشر 7كيلو تقريبا

او تطلع مع ( ام الارشه ) وهذا طريق وعر جدا .. !! انصحك بالابتعاد عنه ..

واذا حصلت رايط لاحدى الخرائط راح اضعها هنا ..

اي خدمات ..
مخاوي يخاوي .. ومنادي ينادي http://www.albrari.com/vb/images/icons/icon82.gif

[المربوش]

يا منادي ادري اني اتعبتك

بس انت ما قصرت جبت المعلومات كاملة وعرفتنا على معلومات غير معروفه للبعض من الاخوان

تدري لو عندي بنت كان زوجتك اياها لانك رجال طيب وتستاهل وهذي بوسه على راسك والله يجزاك خير

[فتـى نجـد]

واحب ازيدك بعد فيه طلعة من عند ام قليدة

وطلعة ثانية عند ابو ركبة

لكن الاسهل ما ذكره الاخوان سابقا


فتى نجد

[المربوش]

بيض الله وجهك يافتى نجد على الاضافه

يعني طلع عندنا اربع طلعات وهي ( طلعة ضاحك وام الارشه وام قليدة وابو ركبة )

اشكرك على الزيادة

[منادي]

يا منادي ادري اني اتعبتك

بس انت ما قصرت جبت المعلومات كاملة وعرفتنا على معلومات غير معروفه للبعض من الاخوان

تدري لو عندي بنت كان زوجتك اياها لانك رجال طيب وتستاهل وهذي بوسه على راسك والله يجزاك خير

يالبى قلبي يالمربوش ..
والله لا يهينك ..
وتعبنا راحة لك وللطيبين ( شرواك ) ..
واتشرف بخدمتك في اي وقت ..
وترى فيها طلعات زيادة مدام فيها زواج http://www.albrari.com/vb/images/icons/icon66.gif

تحياتي يا بعدي http://www.albrari.com/vb/images/icons/icon82.gif