الذعذاع
2010-07-07, 05:35 AM
بسم الله الرحمن الرحيم
السلام عليكم ورحمة الله وبركاته
قصيده للشاعر المبدع / جوهر الحربي
من دولة الكويت
تحكي عن حال الشعر في حاضرنا
أرجو أن تحوز على رضاكم
صدفه لقيت الشعر في قسم الاعصاب
يبـي يشـق الثـوب ومحجزيـنـه
واسمع وراه بغرفته صوت وطـلاب
احدن يبـي يحمـاه واحـدن يدينـه
وسألت عنه اهل العنايـه والاطبـاب
وش صاب حال العود يـا معالجينـه
قالوا مريض ودخل شهـار منصـاب
والظاهـر انـه مقفياتـن سنيـنـه
قلت ابا زوره عجلـوا فكـوا البـاب
قالوا مريض ويزعجـك فـي ونينـه
قلت ان هجرته عمد يلحقنـي عتـاب
تكفـون لا تقفـون بينـي وبيـنـه
قالوا تفضـل دون تقييـد وحسـاب
لو ان حـال العـود ماهـي بزينـه
وجيته وهو من ضجة الناس مرتـاب
وقام وتنهـض فـي وقـار وسكينـه
جسمه نحيف ولحيتـه كلهـا تـراب
وبعـض الكوايـا واسماتـن جبينـه
معروف ما بين القرايـب والاجنـاب
شكل بدوي معـروف ملـه وطينـه
عليه مـن لبـس العيـادات جلبـاب
وسلك المغـذي رابطـه فـي يمينـه
وقلت انت وشلونك عسى مالك اسباب
وقـام يتلقـف عبرتـه فـي يدينـه
قلت انت لا تبكي ترى عندك اقـراب
قرابـت المولـود مــن والديـنـه
ومش الدموع وقال ويش انت يا شاب
فـلان وابـن فـلان وفـلان وينـه
ناس ثنوا من دون حقـي ولا غـاب
يـوم انهـم حيـيـن متوارثيـنـه
متوارثين الصيت والصيـت ماخـاب
ياطيـب صيتـي عندهـم شاهرينـه
حاميني مـن كـل جاهـل ونصـاب
مـن مـد كفـه للعبـث خاصمينـه
واليوم شـوه سمعتـي كـل مغتـاب
يلعب على الحبليـن محـدن يهينـه
الا قليلن مـن كثيـر العـرب طـاب
تالي رجايـه عقـب ذقـت الغبينـه
لعلهـم يبنـون بيـتـي بالاطـنـاب
في وجـه صلفـات الليـال المتينـه
وحقي عليهم ذبـح تسعيـن كـذاب
ومن فوق هـذا شرهتـي بالثمينـه
وان ما فعلوا هذا فانا مالي اصحـاب
بكره تبـي تصبـح عظامـي دفينـه
بلغ لي الشعـار فـي كـل الاشعـاب
تـراك فـي حكـم الوصيـه رهينـه
وانته تنوب وكل شاعـر ليـا نـاب
يصبح كما الربـان فـوق السفينـه
امـا قـدم ولا هفـا هفيـت غـراب
والشعر ما هو شـي لـولا سمينـه
بلغ شواعيـر النبـط تصـدر كتـاب
عن عالمـن شعـر النبـط ظالمينـه
قلت الوصيه واصلـه مابهـا طـلاب
ابـدا تطمـن والمراسيـل اميـنـه
وقام وتلحف وانسدح وغلـق البـاب
وبعد المرض عادت عليـه السكينـه
وسلامتكم
السلام عليكم ورحمة الله وبركاته
قصيده للشاعر المبدع / جوهر الحربي
من دولة الكويت
تحكي عن حال الشعر في حاضرنا
أرجو أن تحوز على رضاكم
صدفه لقيت الشعر في قسم الاعصاب
يبـي يشـق الثـوب ومحجزيـنـه
واسمع وراه بغرفته صوت وطـلاب
احدن يبـي يحمـاه واحـدن يدينـه
وسألت عنه اهل العنايـه والاطبـاب
وش صاب حال العود يـا معالجينـه
قالوا مريض ودخل شهـار منصـاب
والظاهـر انـه مقفياتـن سنيـنـه
قلت ابا زوره عجلـوا فكـوا البـاب
قالوا مريض ويزعجـك فـي ونينـه
قلت ان هجرته عمد يلحقنـي عتـاب
تكفـون لا تقفـون بينـي وبيـنـه
قالوا تفضـل دون تقييـد وحسـاب
لو ان حـال العـود ماهـي بزينـه
وجيته وهو من ضجة الناس مرتـاب
وقام وتنهـض فـي وقـار وسكينـه
جسمه نحيف ولحيتـه كلهـا تـراب
وبعـض الكوايـا واسماتـن جبينـه
معروف ما بين القرايـب والاجنـاب
شكل بدوي معـروف ملـه وطينـه
عليه مـن لبـس العيـادات جلبـاب
وسلك المغـذي رابطـه فـي يمينـه
وقلت انت وشلونك عسى مالك اسباب
وقـام يتلقـف عبرتـه فـي يدينـه
قلت انت لا تبكي ترى عندك اقـراب
قرابـت المولـود مــن والديـنـه
ومش الدموع وقال ويش انت يا شاب
فـلان وابـن فـلان وفـلان وينـه
ناس ثنوا من دون حقـي ولا غـاب
يـوم انهـم حيـيـن متوارثيـنـه
متوارثين الصيت والصيـت ماخـاب
ياطيـب صيتـي عندهـم شاهرينـه
حاميني مـن كـل جاهـل ونصـاب
مـن مـد كفـه للعبـث خاصمينـه
واليوم شـوه سمعتـي كـل مغتـاب
يلعب على الحبليـن محـدن يهينـه
الا قليلن مـن كثيـر العـرب طـاب
تالي رجايـه عقـب ذقـت الغبينـه
لعلهـم يبنـون بيـتـي بالاطـنـاب
في وجـه صلفـات الليـال المتينـه
وحقي عليهم ذبـح تسعيـن كـذاب
ومن فوق هـذا شرهتـي بالثمينـه
وان ما فعلوا هذا فانا مالي اصحـاب
بكره تبـي تصبـح عظامـي دفينـه
بلغ لي الشعـار فـي كـل الاشعـاب
تـراك فـي حكـم الوصيـه رهينـه
وانته تنوب وكل شاعـر ليـا نـاب
يصبح كما الربـان فـوق السفينـه
امـا قـدم ولا هفـا هفيـت غـراب
والشعر ما هو شـي لـولا سمينـه
بلغ شواعيـر النبـط تصـدر كتـاب
عن عالمـن شعـر النبـط ظالمينـه
قلت الوصيه واصلـه مابهـا طـلاب
ابـدا تطمـن والمراسيـل اميـنـه
وقام وتلحف وانسدح وغلـق البـاب
وبعد المرض عادت عليـه السكينـه
وسلامتكم