تسجيل الدخول

مشاهدة النسخة كاملة : ديار المحبين


Al-KHUSHAIBY
2010-07-03, 01:15 PM
ديار المحبين









**********

حمـزه جلينـا مـن ديـار المحبيـن

ولا عاد جانـا مـن سنعهـم علومـي

***
مشوا بنا العسكـر لـدار السلاطيـن

في مركـبٍ جـذواه تـركٍ ورومـي

***
خمسة عشر ليلة علي الوجه مقفيـن

ماحن نشوف الا السمـاء والنجومـي

***
ولي مشي المركب مشت دمعة العيـن

والصبر فـي الشـدة علينـا لزومـي

***
والنـوم يامشكـاي مـلاج بالعـيـن

والقلـب ياحمـزة تزايـد همـومـي

***
يالله ياقـابـل ســؤال المصـلـيـن

انـك تـروف بحالـنـا يارحـومـي

***
يـارب ياعـدال بـيـر المـوازيـن

يقابـلٍ منـي صـلاتـي وصـومـي

***
يامن لـه الدنيـا ويمـن لـه الديـن

يفـارج الشـدات جـاري الهمومـي

***
عسـي مقاديـر اليالـي لنـا زيـن

وانـك تساعـدنـا بـحـظٍ يقـومـي

***
وانـك تبـدل شـدة العسـر بالـيـن

وتفرج لمن كثـرت عليـه الهمومـي

***
حنـا هـلا لمـا دبـر الله ماضيـن

ونكافـح الدنيـا بكـثـر العـزومـي

***
هيا اركبوا مـن عندنـا فـوق ثنتيـن

وخلوا نجايبكـم مـع الـدو توضـي

***
لالـوعٍ بالوصـف مثـل القطاتـيـن

تبراء الشـراب ولايعتهـا السمومـي

***
لـي اصبـح كنـهٍ جريـد البساتيـن

نحال مـن كثـر الحفـا والرثومـي

***
تلفي علي ربـعٍ عساهـم عزيزيـن

وبالشجـاعـة كلبـوهـم قـرومـي

***
يـامٍ لـي رد الـبـراء للمعـاديـن

لطامـةٍ لـلـي عليـهـم يـزومـي

***
يـوم الخيانـه ليتهـم لـي قريبيـن

من فـوق جلبـاتٍ تبـوج الحزومـي

***

ولـي تهلـوا فـوق مثـل الشيهيـن

مركابهـم يشبـع وحـوشٍ تحومـي

***
وصلوا علي اللي وضح الزين والشين

وشيد منار الديـن وعـلا الرسومـي
((((((((منقول للاعضاء البراري هاذي أول قصيده أنزلها لك أن شاء الله تعجبكم)))))
أول مشاركه لي في هذا الموضوع

الركام
2010-07-03, 02:53 PM
صح لسانك ماشاء الله مشاركة رائعة
ننتظر الجديد

الذعذاع
2010-07-03, 03:48 PM
صح الله لسانك ولسان من قالها
وسلمت على النقل والاختيار
بدايه موفقه أخوي راشد
أتمنى لك التوفيق بارك الله فيك

Al-KHUSHAIBY
2010-07-03, 04:21 PM
الركام الذعذاع
الله يعطيكم العافيه