تعال وشارك معنا هنا با بيات من قصيدة غزلية اعجبتك .....

[ابو حمد]

إخواني وأخواتي شعراء منتدي الشعر وابيات القصيد
*******************
اشكركم جزيل الشكر على مشاركاتكم واثرائكم لمنتدى الشعر وابيات القصيد من ابيات شعريه كثيرة
ولقد لا حظت ان جميع الابيات تعبر عن حادثة او مناسبة وهي من كل بحر قطره..
لذا حبيت ان تضعوا هنا
المشاركات الغزلية التى تعجبكم او قراتم عنها من الشعراء الكبار وغيرهم
لذا لا تبخلوا علينا بما تقدمونه من ابيات شعريه غزلية على ان يراعى اقتناء الكلمات والقصائد الجميلة والمهذبة وبعيدة عن مايخدش حياء وآدابنا الاسلاميه..

فتفضلوا مشكورين..
ابو حمد،،

[ابو حمد]

بسم الله انا افتتح الشريط بهذه الابيات الجميله
**************************************************
حبيبي ليش ما تسأل ........ انا مشتاق لعيونك
نعم مشتاق يا عمري ........ وروف بحال مضنونك
دخيلك بس لا تقسى ........ على من هم يحبونك
انا اللى عاشق ومغرم ........ وانا والله مجنونك
يا اروع ما خلق ربي ........ يغار الورد من لونك
سحر عينك سلب عقلي ........ يا بدر ضاوي بكونك

ابو حمد،،

[الذعذاع]

مشكوووووووووووووووور أبو حمد على الموضوع الرائع بيض الله وجهك


الشاعر الكبير / محمد الخس

يامرحبا ياللي لك القلـب مفجـوج
عداد نسناس الهبايـب ليـا فـاج

حطيت ريع بوسط القلب هجهـوج
ياعيـن حـر بالخضيـرا ليـا راج

حبك طفح بي طفحت الساج بالموج
ماعاد لي عن حبـك اليـوم مخـراج

اودعتني لا شرب ولا أكل ولا أدوج
ولا استطعم المنطوق من كل هـراج

لا غبت عني دق بـي كـل دالـوج
قامت تواردنـي هواجيسـي ازراج

قلبي يجينـي نـوج واضيعـة نـوج
يجيه من فرقـاك سجـه وسوهـاج

كن البنات الشقر عندي من الهـوج
ماكن به غيـرك علـى الأرض دواج

عندي جميع ألسن بنات العرب عوج
الإ لسانك فيه لـي طـب وعـلاج

في هرجتك شي من السحر ممزوج
والنور من غرتـك يطلـع وينبـاج

وإليا ضحكت بذبل مابهـا فلـوج
مثل البرد من مزنـه تلعـج العـاج

وأغضيت في سودً بها السحر مدعوج
ترسل سهوم الموت من حجره أفواج

تنثرن شقـر مثـل كاسـي الغـوج
تاصل إليا الردف كما حزف ديبـاج

جاني بلى في القلب يسوجني سـوج
يتلني يمـك لـك الـروح تنعـاج

كني اليا شفتك على انهـار وبـروج
والإ ملك شعبٍ على راسـي التـاج

وإليا بديت بضحك وهروج وأغنوج
قلبي غدا زبدة على صالـي الصـاج

أو مير كني بين الأضـلاع مخجـوج
بشلفا مثل شلفا غنيـم بـن فـراج

عنيم بن شبلان مخـلً لـه سـروج
إليا صاح في تالي الرمك راحت امراج

تبـا تخلينـي مـن العقـل ممـروج
على العمر شامـان تدرجنـي ادراج

ياروح روحي كان مامنـك منتـوج
خف الغلا لا عاد تحرجنـي احـراج

خليتني يازيـن الأوصـاف محـروج
صليت فيُه شـرق ماعـاد يحتـاج

لو قلت سيـر وخـذ عندنـا روج
جيتك على الأقدام ممشى ودفـلاج

اجي وأنـا مبهـوج وروح مبهـوج
إليا حصل لي منك لو رفـة حجـاج

[ابو حمد]

ياناعس الطرف يافتان من قدك
=== ارحم قليبي ترا قد فاض بي صبري

الوجه كالبدر ظاوي من بها خدك
=== واعيان دمرقليبي شوفها السحري

اجمل من الدر والياقوت هو ثغرك
=== محلاك محلا كلامك يابعدعمري

ياريم ريم الفلا فيها شبه عنقك
=== من زود حسنه اشوف الدم به يجري

ابو حمد،،

[ام العنود]

السلام عليكم ورحمة الله وبركاته
مشرفنا بوحمد

مآآقصرت..

الله يعطيك الف عافيه على الابداع في الطرح تقبل مروري وخالص احترامي

ليته يناديني وانا بـس اناديـه


واجاوبه ياحسين ولو كان مره



عليه قلبي يابسـات عراويـه



اقفا ابقلبي من ضلوعي يجـره



ذالي ليال قاعده فـي حراويـه



ليننهـا زادت علـى المضـره



قمت اتوجد وجد من مات غاليه



قبوه اقبالـه كـل يـوم يمـره



أو وجد من خاوه والليل ممسيه



ينخا ولا حد من هل الهجن مره



خلي طريح والضواري اتحاضيه



بالمقطعه وامقابله ضلع حـره



على الذي ماشفت حي ايحاليه



شيخ على القوم المعادين شره



الشاعره بخـــوت المريه

[برق القوافي]

يا عين هلي صافي الدمع هليه
واليا انتهى صافيه هاتي سريبه
يا عين شوفي زرع خلك وراعيه
شوفي معاويده وشوفي قليبه
من أول دايم لرايه نماليه
واليوم جيتّهم علينا صعيـبه
وان مرني بالدرب ما اقدر احاكيه
مصيبة يا كبرها من مصيبة
اللي يبينا عيت النفس تـبغيه
واللي نبي عيا البخت لا يجيبه




الشاعره / نوره الحوشان

[cz527]

يازين أخذت قلوينا وياك =أمس العصر يومك تحرّانا
حنّا عرفنا غايتك ومناك = قصدك تولّـعنا وتهوانا
يا قبلة الله يا حلو ملقاك = زولك إلى شفناه سلاّنا
طعم العسل من مبسمك وشفاك = طعم العسل من ريقك أشفانا
لولاك مادسنا الخطر لولاك = لولاك ما كثرت خطايانا
ما هي مروة كلّـــما جيناك = وش لك تولّعنا وتجفانا
ياهايف الخصرين وش ادراك = ضحكك بسنّك حرّق احشانا
نصبر على هضمك ولا يخفاك = يجفاك ربك حين تنسانا

للشاعر/محسن بن عثمان الهزاني رحمه الله

[كمال البدور]

احبك..

يا من سرق قلبي مني
يا من غير لي حياتي
يا من احببته من كل قلبي
يا من قادني الى الخيال

......
حبيبي..

أهديتك قلبي وروحي
وبين ظلوعي اسكنتك
ورسمت معك احلامي
و وعــــــودي
.........
تواعدنا..

ان نبقى سوياً مدى الحياة
ان نجعل حبنا يفوق الخيال
ان نكتب قصة حبنا في كل مكان
ان نغسل قلوبنا من نهر العذاب
........

الفراق
من امام اعيننا الاحلام
ومن حبنا اوصلنا الحب الى الفراق
ومن نبضات انين اعتلت القرار
ومن قصة حبنا التي تجبر على الاحتظار

هكذا انتهينا
واصبح كل منا للآخر ذكرى عابرة
يغتالها الغياب

منقول/ بس لا اعرف اسم القائل

[ام الدانه]

ياصاحبي ولي خلق نعمة السمـع
................انك هنـا بيـن المعاليـق ثابـت
ماجيت لك صدفه ولا جيت لي رمع
...............وان غبت عني فرحتي معك غابت
غيري عبث بالحب بسياسة القمع
................لاكـن لا ودت ولا يـوم جابـت
إلا محبك من عشق يحسن الجمع
...............ماشاب حبه لـو قوافيـه شابـت
والدمع هذا اللي تشوفه ماهو دمع
................اشعلت عيني لجل اشوفك وذابـت
واللي نزل منها على خدي الشمع
.................ارقد مادام الشوق فالقلـب نابـت

[ابوحمد تمير]

موضوع رااائع يابوحمد
ياليت يثبت الموضوع لاهميه الشعر الغزل ولمعرفه جديده وقديمه
(ياما فرقى العين)

يامال فرقا العين كان احجزونـي &&& تضيق بي الدنيا وأنا مواعداحباب
يوم الخميس اللي يجي واعدوني &&& أحبابي اللي دونهم ترخص أرقاب
كافي مضت أيام فيهـا افقدونـي &&& عقب القهر مشتاق والشوق غلاب
يالعنبوه الشوق جـرح عيونـي &&& دمع أهلَه مادروا فيه الأصحـاب
لاجيت أبرقد هيضتنـي شجونـي &&& تاخذني الذكرى على ذيك الأهداب
وإن جتني الذكرى تجيني جنوني &&& أسهر وطيفه داخل العين ماغـاب
ياعاذليـن القلـب لاتعذلـونـي &&& الحب ماحشم طويليـن الأشنـاب

عادهو رتب افكاره وقال

يمال فرقا العين يومه نساني &&& الصاحب الي ما بقى غير طرياه
راح وتركني في حياتي اعاني &&& مع هاجس الذكرى عيوني تمنــاه
مدري وش الي في غرامه بلاني &&& راحت بي الذكرى مع ايام لقياه
واليوم اشوفه لجل غيرة رماني &&& نسى عيون الي تعذب بفرقـــاه
والله مدري المصيبه حداني &&& قلبن يحبه عزم اليوم فرقـاه
ابيه يذكر وش خذا من زماني &&& ضحيت من شانه وادور على رضاه
واليوم كانه عقب هجره نساني &&& عز الله اني قلتها اليوم بنساه
لاصورتن تبقى ولا له مكاني &&& بنسى عيون الي له المر ذقناه

[ابو حمد]

اشكر جميع الزملاء على التفاعل واثراء الموضوع بالقصائد الغزليه وهذا ليس بمستغرب من حبايبنا بهذا المنتدى تحياتي لكم جميعا وهذه هدية لكل من شارك ويشارك في المستقبل واشكر زميلي واللى يشرفنا هنا ابو حمد تمير على المشاركة وروعة القصيده ..
وهذه لك..
http://up.albrari.com/uploads/12778522601.gif (http://up.albrari.com/uploads/12778522601.gif)


ابو حمد،،

[الركام]

البــارحه جــاوبت لي حس عـاوي * * * ذيب عــوى لجيت بالحـــس ويـــاه
ذيب يجــر الصــوت حسه خــلاوي * * * ياقـلب ياللي جاوب الذيب بـــعواه
والصبح بانت في ضميري أهاوي* * * صوت (ن) زعجته ليت خلي توحـاه
يـادار ما شفتي ظبــي المــطاوي * * * أتلى عـلامي به غشنك رعايـــاه
أنا على شــوف الحبيب شــفاوي * * * كأنه هنـــيا خبرينـــي بممـــساه
قالت لي الأوطان جلــع ضحــاوي * * * اليـــوم رأس الرجــم هذا توطـــاه
أمس بــهذا وأصــبح اليوم نــاوي * * * يتلى ســلف بــدو بعيد معشـــاه
كشف لـهم بــرق سديد عشـــاوي * * * يخيــلونه يم خشــــم المسنــــاه
يبـــون مربــاع بـهاك الحــــراوي * * * لا زاف زملوقه وشبعت رعايـــاه
إخذ الخبر ما هوب خرص وهقاوي * * * أعطيك علم صويحبك وين تلقاه
أدنــي مرابيعه بخشــم الصـداوي * * * وبيــوت مقياضه بقرية مبنــــاه
مير اطلب الله لــو صوابك مخـاوي * * * كم واحد قبلك عشيره تمنــــاه
يالعين ما ينــفع كثــير الشكاوي * * * إلا على اللي دبر الغيث وأنشاه
يـــاونتي ونــة وحــيد جـــــلاوي * * * اللي سبب دينه من أقرب دناياه
ولا خـــلافه من يــحل الدعــــاوي * * * لا صار ربعه منه تبي المثــــاراة
عليك ياللي لك بقلــبي مكـــاوي * * * ثلالث ردعات هوادي وعرقــــاه
عقبه فقـدت من المنام الحـــلاوي * * * وحتى متاعي قامت الكبد تجفاه
يــالايمي ياعـــل مالك عــــراوي * * * بلاه ما ولعــك بالحـــب حليــــاه
مـن لا يعرف الحب عنده دعــاوي * * * يشره على راعي المحبه وينشاه
ويــقول هذا في ممـاشيه غاوي * * * وحنا نـــدل الـــدرب والحــمد الله
يالله عسى مثله كثير الـــهزاوي * * * يبلوى ببلوى من لسانه تهــــزاه
حتى يــعرف إن المحبه بـــلاوي * * * ويشوف مثل اللي من الحب شفناه
عساه يبلى في محبة حيـــاوي * * * حب الهنوف اللي يحده على أقصاه
تفرى ضــيره فري دلو الرواوي * * * إلا صفقها الجــال من حد ملقــــــاه
لا لجلجت له بالنظــير السهـاوي * * * كلامها (لبيـــه) عن قـــولة هــــــاه
كلامها للـقلـــب مثل المــــداوي * * * اللي عــرف علــــة مريـــضه وداواه
يــارب إني بالتفاتك رجــــاوي * * *تلم شمــل الولــف من عقب فرقــــاه
لو تنفع الفزعات ولا النخـــاوي * * * على المــحبة كان كل (ن) نخيـــناه
مير الرجاء والياس صار متساوي * * * يــــاقلبي أصبر في تدابير الإلــه
لو مابقى في حالك إلا شـــلاوي * * * مادبر الوالــي على العبد يرضــاه

الشاعر مرشد البذال

[ام الدانه]

مرحبا مشرفنا الغالي ابوحمد

عندي هذي القصيدة الغزليه اتمنى تعجبك



أعظم (وجـع) بالحب لا صرت تشتاق


لـ اللي تحب ولا أنت قـادر تشوفه!


يكويـك "جمـرٍ" داخـل القلب حرّاق


زود ٍعلــى نــاره تهـدّك طيوفه!


لا مـرّ بعيـونك كمـا نـوض برّاق


مـالك مجــال إلاّ تســاير ظروفه


ياصاحبـي لـو بينـي وبينـك آفاق


نفسي معـك في كـل حالـة شغوفة


ما كنت "قبلك" خلف الإحساس أنساق


وإن شفت درب الحب أسكت وأطوفه


يلين جـاني منعطـف سيل الأشواق


بأمر الغرام اللـي سطت بي سيوفه


قاومت لكـن! خافـي الحب ماطاق


صابه صمـود ٍ زلـزل أجزاء خوفه


بغيـت أردّه بـس حسيـت بإخفاق!


في لحظـة ٍ"مـد" لـ كفوفك كفوفه


جا لك ولا كنت أحسـب الحب دفاق


لين أغرق الخـافق وسال بـ نزوفه


أثْــر المحبـة نبضهـا دوم سرّاق


دمي وهـو دمـي بجسمـي تحوفه!!


حاولت أداري حـب قلبـي بالأوراق


وأثْر الورق ماهـي أمينـة حروفه


سـلّ المشاعر من متاهات الأعماق


وأصبح يفسـرّ كل وضـع بوصوفه


يكتب تقاريـر الغـلا وقت الإشراق

[ابو حمد]

اولاً اشكر الجميع على التفاعل وبارك الله فيكم وهذا العمل كله لاسعاد الجميع والقراء ورسم البسمةعلى محياهم وطرح الاشعارالغزليه كذلك نفرح بمشاركات احبابنا في هذا المنتدى وجميع الشعار والزوار...
وتقبلوا تحياتي
ابو حمد،،،

[ابو حمد]

جيت أنشد الشَّـــــيخ مير الشَّــيخ ما أفتاني
http://up.albrari.com/uploads/12774024101.gif
والشَّــــــــيخ وجهه بشوش .. ولاضحك سنَّه
http://up.albrari.com/uploads/12774024101.gif
ســمع ســـــؤالي .. بــعــد رحَّـب وحــيَّـاني
http://up.albrari.com/uploads/12774024101.gif
ثـم قــال : شـف شــــيخ ثاني وانشــده عنَّه
http://up.albrari.com/uploads/12774024101.gif
وأنـا ســـــؤالي: عـن اللي با الهــوى جــــاني
http://up.albrari.com/uploads/12774024101.gif
وأبـغى جـــوابه بحـكم الـشَّــــــرع والسُّـــنَّة
http://up.albrari.com/uploads/12774024101.gif
الآدمـي .. لا ســــرق قــلـب آدمـي ثـــــانـي
http://up.albrari.com/uploads/12774024101.gif
هو مـن هل الـنَّار ؟! وإلا مـن هـــل الجـنـة ؟!

كلمات الشاعر : سداح
ابو حمد،،

[ام العنود]

صحيح ماااالي من محبتـك مصلـوح
ادري ولكن همت واشقيـت حااااالـي
يافااااقد الاحساس مجـروح مجـروح
وشلووووون في لحظه تحطـم خيالـي
سمّيـت رفقتنـا صداااقـات ومـزوح
وبيّنت هجرك كل مااااجـا مجااااالـي
ظنيتها عشـره مـن الـروح للـروح
ولاهقيـت انـك تخيّـر بـدااااااالـي
مانيب لـك جسـرٍ تخطـاه وتـروح
ومارضا تهين النفس لو كنـت غالـي
وبيني وبين اللي تسلّـى بهـم شـوح
والعاااااذل اللـي حاكـي لـك حكالـي
طو الرحال وشد واقـووول مسمـوح
قلـب طلبـك اول بيرفضـك تـالـي
الا ان رضيت تعـود للعقـل وتبـوح
ولي تعترف بانك بـي تصيـر عالـي
بشووووف انا غيرك من الناس مملوح
وان كان ماتصفى فـغيـرك صفالـي

[حسين العمراني]

:: ::
لَمْـَلم ـآلخَآفِِِق جِرٌوُحَـه وَإآبتـِـدىـآ وَقْـــتْ ـآلـرِحِـيــَل
:: ::

[برق تمير]

هلا وغلا

ابياااااات للي يحبوون :ordh:

يانـاس والله قلبـي اليـوم بيطـيـر
لجل الفرح بإحسـاس غالـي وعالـي

إحساس رجــلٍ حيّر الوقت تحييـر
ولقـى مـراده بعـد طـول الليالـي

لقـى مـراده عنـد بنـت المناعيـر
بنـتٍ أصيـلـة ماتهـاب العوالــي

بنـتٍ ثقيـلة أصلها الطيـب والخيـر
بنت الكرام الأسْـد شهـم الخصالـي

إلى أقبلت لمّـي لهـا شعـري يديـر
حـرفٍ مثـل صقـرٍ بروس الجبـالي

سطّر لها حرفي من المـدح تسطيـر
مـا طالهـا قبلـه كبـار المعـالـي!

هي وصفهـا مالـه قيـاس ومعاييـر
هي زينها إيفـوق وصـف الخيالـي!

سبحان من صوّر بها الحسْن تصويـر
لين أصبحت بالزين مضرب مثالـي!

من زينها يبصر به أعمـى النواظيـر
ويشهد على حسنـه ملـوك الجمالـي

هي ريح مسك مقطّر بزيـن تقطيـر
وعيونهـا تسحـر قلـوب الرجالـي

سهلة طبوع وما بهـا حـب تعسيـر
أميــرةٍ للغيــد أصـل الـدلالـي

لا من حكت أصبح بالأنفـاس تعطيـر
أبيـع لجلـه كـل حالـي ومـالـي

هي وجهها مثل القمـر شـعّ تنويـر
وخدودهـا مـن زود نـوره يلالـي

هي قولها ما فيــه كـذبٍ وتقصيـر
ومـا فيه نـم وحكـي قيـلٍ وقالـي

يا غالية لك في حشـا القلـب تقديـر
يفداك قلبـي يـا بعـد عمـر حالـي

شانـك بقلبـي اعتـلا دون تبـريـر
قـدرك ثبـت مالـه فيـومٍ زوالــي

سخّرت لجلك حبـي اليـوم تسخيـر
وأرخصت لجلك كل من كـان غالـي

إذا غلطت أحمل لك أجمـل معاذيـر
محــال أزعلّـك في وقـتٍ محالـي

وإلى بغيتـي المـدح جيتـك بتعبيـر
مثـل الشهـد جـذّاب حلـوٍ وحالـي

واللـي يذمّـك يـا بعد قلبي إيصيـر
مثـل الـذي يـذم عمّـي وخـالـي!

أدعي عسى دايم تكونيـن فـي خيـر
والله يجّنـب عنْـكِ حـزن الليـالـي

[ابو حمد]

قال الخليفه المستنجد بالله
من شعره في الغزل:

عــيرتني بالشــيب وهــو وقـار**** ليتهــا عــيرتني بمــا هـو عـار
إن تكــن شــابت الــذوائب منـي **** فالليـــالي تزينهـــا الأقمـــار
----------
ابو حمد،،

[ام العنود]

أغلى القصيد ) أقدّمه لجل عينيك
وأهدي لك من بحور الأشعار ** درّه **


واصوغ .. عذب أبيات شعري ل ترضيك
ياللي يمين .. أيسر كتوفي .. [ مقرّه ]


من بدّ كل الناس يا خلّي أغليك
ومشاعري على الغلا [ مستمرّه ]


والله محدٍ في .. عيوني .. [ يساويك ]
وعذالك ما يسوون {’’ مثقال ذرّه ’’


أهواك .. وارسم في خيالي معانيك
وأتبع غرامك .. مثل تبّاع جرّه


تاهت حروف الوصف حين ابتدت فيك
مرّة تصيب .. وتخطي ألفين مرّه


كل ** .. الوصوف المبهره .. ** ما توفّيك
حتى الحروف تقول :/ لله درّه !!


لبّى .. عيونك وابتسامات اشافيك
يالله عساك لعين [ .. مغليك .. ] قرّه


يا ( نور عيني ) جعل ربي يخلّيك
وجور الزمان .. الله يكفيك شرّه


على طريق الوصل ثبّت خطاويك
ودرب بالجفا .. راع الوفا ما يمرّه


أشتاق لك لا غبت وأفقدك وأبكيك
وأشكي من الفرقا وفرقاك مرّه


وإن جابوا العربان فالهرج طاريك
يفزّ | .. قلبي .. | كن شيٍ يجرّه


حتى .. دموعي .. في غيابك تناديك
كنْها تعاتب "" غيبتك "" وتّشرّه

ما أعرف في غيابك سوى قولة ( آبيك )

ولا كل رجالٍ .. ’’ زمانه ’’ يبرّه


ولا ضاق صدري .. من عنا وقتي أجيك
وشوفتك ... مفتاح السعد والمسرّه


وليا [ .. تكدّر خاطرك .. ] جيت أسلّيك
وأبعدك ... عن جوّ الكدر والمضرّه


ولا صرت ( جنبي ) وضمت يديني يديك
كني ملكت الكون بحره ... وبرّه


وأنت وأنا ما بين هذي .. وهاذيك
أعظم ( .. حكاية ودّ .. ) تحت المجرّه


تعطيني أصدق صافي الحب .. وأعطيك
قلبٍ { شياطين الحسد** .. ما تغرّه


وإن كان قاموا يهرجون | الصعاليك |
سَفْه السفيه [ أحسن طريقة تحرّه ]


وهرج العواذل .. لا يهمك ويشقيك
عرّضْه [ .. لهبوب الرياح .. ] وتذرّه


( أغلى بيوتي ) صغتها لجل عينيك
وقدّمت | .. لك .. | من بحر الأشعار درّه.,,


ممـآ رـآق لي ...

[نسمات نور]

يا غزال علق الوسم في قلبي وراح
............يحسبني مثل ناس(ن) تضيع حقوقها
مدرى اني صاحي(ن) للهجد وللصباح
.............قعيد الفكر واعرف الديار وسوقهــا
وان بغيت ارميه رميت عداوة كان طاح
.............بندقي ترمي المنايا وانا ما ابوقها
مير اخاف من المناقيد يا ضبي البراح
.............الفشق وام الفشق قافل (ن) صندوقها
حالتي حالة اسير يهدد بالسلاح
.............بين عدوان(ن) يكض الزعل بحلوقها
ودي ارسل له مع الطير خفاق الجناح
............. عن عيون(ن) بالبكى ما تخص رموقها
وان هجرني مترف العين كل شي له مباح
.............المحبة للمحــــــبين يحــــــــرق شوقــــــها
كل ما ذعذع من الشرق ذعذاع الرياح
.............اتخيل صورة(ن) غايب(ن) مخلوقهـــــــا

واتمنى انها حازة على اعجابكم

للشاعر الكبير / خلف بن هذال العتيبي

[الذعذاع]

أحــبـــك خـــفـــا مـــابـــي أصــــــرح ولا أبـــاهـــي


على شان ما يسمع عذولك على غفلة


لـــعـــلـــي إذا بـــيّـــنـــت حــــبـــــك وأنـــــــــا راهـــــــــي


تــزاحــم عـلـيــك الــنــاس شــــرقٍ مــــع الـقـبـلـة


عـلــيــك الـعــيــون تـــغـــار يـــالآمـــر الــنــاهــي


لــو إن الـوصـل مـــن بيـنـنـا تنـقـطـع سـبـلـه


نسيـت الأوادم وأنتـي مانـي مـعـك لاهــي


أعــــد الـلـيـالـي فـــــي وعــدنـــا وأحــسّـــب لـــــه


وفـيــت بـغــلاك ومـــا بقـلـبـي لـــك أشـبـاهــي


محبـك علـى رجـم الهـوى مــا ثـنـى رجـلـه


دخيـلـك مــن النسـيـان فــي حـبـي وجـاهـي


مـفـاتــيــح قــلــبــي مـــعـــك يـــــــا مــحــكـــمٍ قــفــلـــه


حبشان الحميداني

[الشايب]

تسلم يابو حمد جعل عمرك طويل

[ولد عنيزة]

ياظبيتاَ تلعب بين الروض والتله
من وصفها شبهتها شينها زيني
من وجهها شبهتها بالقمر كله
ومن عينها لخشمها كالسيف حديني


ايضاَ


غرواَ نطحني يجر الغي وين امه
مثل امي انه عذاب الروح مثل امي
غرواَ ذبحني وانا من لحمه ودمه
وش بقى للي ماهو من لحمي ودمي
لاجيت اخمه وقلت الخمه الخمه
قال ابتعد ياولد بدري على خمي
مايدري انه خبر إن وانا ضمه
ياحلوي حلوا الخبر مرفوع بالضمي


تقبلوا تحياتي

[ام العنود]

ودي أشوفك (http://forum.al-wlid.com/t44327.html)ولامس (http://forum.al-wlid.com/t44327.html)أياديك


ودي اشـوفك ولامـس ايــاديك واحكيلك عند قلبي الي لاهي بغلاك
ودي تـنـاديــني يـاحـبـيـبي ولـبـيك ودي اجـيـلك وانـت فـي مـنامك


واقـولك يـاحـبيبي انـا الي يبيك انا اللذي فضل جنتك وعشق نارك
يــا حـبـيـــبـي ودي احــاكـيـك واقـــولـك انــي امــوت بـتــرابــك


ودي يــا حــبــيــبــي اوصــيــك عــلــى قـلـبي الي متـابع اخبارك
ودي قــبــل لا امــوت واخــليك مـتـمـتع بدنياك مع اهلك واحبابك


عــلــى دفــــــنـــتــي اوصــيــك ودي تــكـــون عــنـــد بـــابــــك
لاجـل تـمـشي عـلى تـراب قـبري بـرجـليك واقوم انا واقبل اترابك


صـدقـني مـاشفت انسان يجاريك لا بذوقك ولا احساسك ولا جمالك
ودي اسـمـعـك تـقـول احـبـك ابيك ابي اكون بدنيتك فارس احلامك


بـس دامــك بـدنـيـتي رفـض انـي اجـيـك اسـمع هالكلام وخله بالك
ارجــوك عــلى دفـنـتـي مــاوصـيــك ارجــوك خــلـهـا عـنـد بـابك


قـبـل الـختام ودي اراضيـك بس المشكله اجهل زعلك من مرضاتك
خـلـيـتـني تـايـه الله يــجازيـك خـليـتني شاعر يكتب ويرسل اعمالك
مماراقي