جرح العيون

[الركام]

(جرح العيون)...

الله أكــبر كـــيف يـــجرحن العــيون
كيف ما يبرى صويب العين ابد

احسب ان الرمش لا سلهم حنون
اثـر رمش العين مــا ياوي لحد

يـــــوم روّح لــي نــظر عــينه بـهون
فــزّ لــه قــلبي وصفّق وارتعد

لــفّني مـــثل السحايب والمـــزون
في عيوني برق وبقلبي رعــد

نــقّض جــروحي وجــدّد بي طعون
قلت يكفي قالت عيونه بـــعد

وانــعطف هـاك الشعر فوق المتون
وانثنى عـــوده وقفى وابــتعد

اشـــغلتني نـــظرة الـــعين الـفتون
حـــيّرتــني بالـــتوعد والـوعـد

هي تــمون الـــعين ولاّ مــا تـــمون
لى خذت قلبي وقفّت يا سعد

كلمات/ الأمير .. خالد الفيصل

[الذعذاع]

عساك سالم أبو سعود
صح الله لسانك ولسان شاعرها دايم
مشكووووووووور على الذوق

[شعيب جاري]

مشكور اخوي على الابيات الجميله
صح لسانك ولسان الأمير خالد الفيصل

[برق القوافي]

صح لسانك يابو سعود ولاهنت على الاختيار المميز

[شطر]

مشكور اخوي على النقل الرائع بروعة حضورك

دمت بود

[**ابوعمر**]

اوف يالكلمات , مشكووور يابو سعود , يا ذوّييق