برق القوافي
2010-06-17, 02:06 AM
السلام عليكم ورحمة الله وبركاته
هذي قصيده للشاعر الكبير / عبدالله ابن عون
وهي تعبر عن نفسها اتمنى ان تنال على اعجابكم
ياطيـر عقبـي كـن خاطـرك شـايـن
خاطرك شين وغيبتـي عنـك يوميـن ؟
النقـص فيـك مبيـنٍ لــه بـوايـن
في لمعة الريشـه وفـي ناظـر العيـن
ياطيـر انـا ويــاك كـنّـا خـدايـن
وبينـي وبينـك ولـف ومعامـلٍ زيـن
يـوم نتخـاوى مـع وجيـه الضعايـن
ونهمل سبوقك في مناكب ( خسيريـن )
ولاّ ( شمـال الهضبتـيـن القـرايـن )
شرقّ ( طلال) .. ومن ( سواحيق) ويمين
ولإ عطيـنـا سـكّـة ( التابـلايـن )
ولاقـد عطيناهـا عليـهـن حـراذيـن
نصبح علـى طـارات شهـب المكايـن
بيـن ( العراقييـن ) و ( الأردنيـيـن )
فـي خايـعٍ بـه كـنّ عينـي تعـايـن
ربد الحباري بـه علـى أربـع وثنتيـن
ونأخـذ لنـا أيـامٍ بـذيـك الدفـايـن
مابيـن برقـع والغـدف والبسيتـيـن
ونكسر علـى ماينحـدر مـن ضوايـن
وناخـذ هنـاك أسبـوع والاّ سبوعيـن
وننكـف نشـاط وسالميـن الصخايـن
ولـوّ كـان نتعـب عدنّـا مستريحيـن
قــدّام يطـلـع للصـقـاره زبـايـن
نـاسٍ تحـوش القوبعـه بـأم روحيـن
ليّـا روحــوّ بمشحـنّـات الخـزايـن
مافـي نحـاهـم ذوّقــوه الأمـريـن
واليـوم مابيـنـي وبيـنـك مـدايـن
أنا سعودي وأنـت جـايٍ مـن الصيـن
وأمّــا لقيـنـا للحـبـاري عـوايـن
والاّ تـوادعـنــا وداع المـحـبـيـن
الـوقـت ماتالـيـه معـنـا بـزايـن
والبرّ في حادور مـن حيـن فـي حيـن
أدنـاه ملـيـانٍ كراتـيـن ( فـايـن )
وأقصاه ضاق وضيّقوا به هـل الضيـن
وضاقـت مناهـج طيبيـن الضغـايـن
اللّي علـى المقنـاص يالطيـر ضاريـن
واليـوم كّـن اللـي يحاكيـك مـايـن
هـذي سبوقـك وأنتهـض بالجناحيـن
وهاجـر مهاجـر مبحـرات السفـايـن
للصين والاّ أهبط علـى ضلـع غزويـن
لوّ كـان عنـدي مـا فراقـك بهايـن
حنّـا عــزاز ولانهـيـن العزيـزيـن
خلّـك تـروح ولاتـشـوف الغبـايـن
شاملك عفـوٍ مثـل عفـو المساجيـن
وصح لسان ابن عون
هذي قصيده للشاعر الكبير / عبدالله ابن عون
وهي تعبر عن نفسها اتمنى ان تنال على اعجابكم
ياطيـر عقبـي كـن خاطـرك شـايـن
خاطرك شين وغيبتـي عنـك يوميـن ؟
النقـص فيـك مبيـنٍ لــه بـوايـن
في لمعة الريشـه وفـي ناظـر العيـن
ياطيـر انـا ويــاك كـنّـا خـدايـن
وبينـي وبينـك ولـف ومعامـلٍ زيـن
يـوم نتخـاوى مـع وجيـه الضعايـن
ونهمل سبوقك في مناكب ( خسيريـن )
ولاّ ( شمـال الهضبتـيـن القـرايـن )
شرقّ ( طلال) .. ومن ( سواحيق) ويمين
ولإ عطيـنـا سـكّـة ( التابـلايـن )
ولاقـد عطيناهـا عليـهـن حـراذيـن
نصبح علـى طـارات شهـب المكايـن
بيـن ( العراقييـن ) و ( الأردنيـيـن )
فـي خايـعٍ بـه كـنّ عينـي تعـايـن
ربد الحباري بـه علـى أربـع وثنتيـن
ونأخـذ لنـا أيـامٍ بـذيـك الدفـايـن
مابيـن برقـع والغـدف والبسيتـيـن
ونكسر علـى ماينحـدر مـن ضوايـن
وناخـذ هنـاك أسبـوع والاّ سبوعيـن
وننكـف نشـاط وسالميـن الصخايـن
ولـوّ كـان نتعـب عدنّـا مستريحيـن
قــدّام يطـلـع للصـقـاره زبـايـن
نـاسٍ تحـوش القوبعـه بـأم روحيـن
ليّـا روحــوّ بمشحـنّـات الخـزايـن
مافـي نحـاهـم ذوّقــوه الأمـريـن
واليـوم مابيـنـي وبيـنـك مـدايـن
أنا سعودي وأنـت جـايٍ مـن الصيـن
وأمّــا لقيـنـا للحـبـاري عـوايـن
والاّ تـوادعـنــا وداع المـحـبـيـن
الـوقـت ماتالـيـه معـنـا بـزايـن
والبرّ في حادور مـن حيـن فـي حيـن
أدنـاه ملـيـانٍ كراتـيـن ( فـايـن )
وأقصاه ضاق وضيّقوا به هـل الضيـن
وضاقـت مناهـج طيبيـن الضغـايـن
اللّي علـى المقنـاص يالطيـر ضاريـن
واليـوم كّـن اللـي يحاكيـك مـايـن
هـذي سبوقـك وأنتهـض بالجناحيـن
وهاجـر مهاجـر مبحـرات السفـايـن
للصين والاّ أهبط علـى ضلـع غزويـن
لوّ كـان عنـدي مـا فراقـك بهايـن
حنّـا عــزاز ولانهـيـن العزيـزيـن
خلّـك تـروح ولاتـشـوف الغبـايـن
شاملك عفـوٍ مثـل عفـو المساجيـن
وصح لسان ابن عون