قصيدة وقصتها الرائعة

[ابو فراس]

قصة وقصيدة

:القصة هي: أن الشاعر إبراهيم بن زيد المزيد التميمي رحمه الله من الشعراء البارزين في منطقة سدير توفي رحمه الله قبل عدة سنوات وقد تجاوز عمره المائة عام
:
عُرف عنه الكرم فباب بيته دائماً مفتوح خصوصاً عندما انتقل للرياض فصارأهل سدير ينصون بيته كل ما راحوا للرياض وكان الباب دائماً مفتوح..
:
وفي يوم من الأيام وعندما كبر به العمر جلس يفكر في حال البيت عقب ما يموت ووش يبي يصير في بابالبيت وأن العيال يبي يبيعون البيت أو يصكون الباب عقبه ..!
:
وهذا ماهيّضه رحمه الله وقال هالأبيات يتوجد على باب البيت من عقبه فقال رحمه الله:



يا عزتي للباب من صكـةٍ لـه



من عقب ما تركز على النصايب



ما في عيالي واحدٍ فزعـةٍ لـه



إلى وقف تذرى عليه الهبايـب



من عقب يوم إن النشامـا تدلـه



خلوه مجناب سـواة الخرايـب



الباب يشكي عقب عـزة مذلـة



يا باب لا تشكي وأنا عنك غايب



لومك على اللي باعوا البيت كله



كلٍّ خذا قسمه وخلـوك سايـب



بعض العيال إذا ظهر ما تملـه



وبعض العيال لوالدينه عقايـب



خسـارةٍ تغـذاه خلـه لعـلـه



يبقى على الدنيا كثير المصايـب



لا مقلطٍ سفره ولا شـال دلـة



ولا مع اللي ينطحون النوايـب



لعل مـن يبكيـه رمـحٍ يشلـه



على عروق القلب بين الترايـب






:


ولكن عياله استمروا على نهج والدهم رحمه الله وبقى الباب مفتوحاً حتى اليوم وبيته رحمه الله في الرياض في حي المصيف ..


ولذلك علق الشاعر محمد بن صالح الحسينان على قصيدة إبراهيم المزيد التميمي رحمه الله

:
ويذكر فيها حال الباب عقب موت الشاعر وأنه بقى على حاله وأن العيال صاروا مثل أبوهم:
:





بيتك يابو خالد أصحابـك تدلـه



الباب مفتـوحٍ ولا هـو بسايـب



من عقبكم باقـي ولا فيـه خلـه



ربعك يعودونه ولا غاب غايـب



البيت باقي فيـه فرشـه وزلـه



واليوم صار الملتقـى للحبايـب



من عقبكم ما كن شيٍ حصل لـه



البيت عامـر مدهـلٍ للقرايـب



خالد مع اخوانه عمـاره وظلـه



كـلاًّ يقـوم بواجبـه والنوايـب



لا غاب واحد سد الآخر محلـه



سفرتك ممدودة عليها الوجايـب



والبن والشاهي على النار كلـه



ودلال رسلان بها الهيل رايـب



الباب صاروا كلهم فزعـةٍ لـه



من يوم ما ركزت عليك النصايب





رحمة الله عليه وأسكنه الله الجنه وجزاه خيراً مثلما يتمنى وأكثر




وبيض الله وجيه عياله ولا حرمهم الأجر وحب الناس

منقول للمعلومية

[الذعذاع]

مشكور أخوي
بعض القصيد مثل الساس القوي اللي ما ينهد لين تقوم الساعه وهذا ما فعله الشايب في عياله ورسخ عوايده فيهم
بارك الله فيك

[الركام]

بارك الله فيك على هذا النقل والاختيار الجيد
ورحم الله موتانا وموتى المسلمين