نوع البشر فالطيب مثل السحابه

[الذعذاع]

بسم الله الرحمن الرحيم
السلام عليكم ورحمة الله وبركاته

















الله من قلب سطى فيه هاجوس
زاد العنا به يوم حالي سطابه
مكن صوابه دون دقات وجروس
واحتل دار مبطي ما هقابه
وأنا أدري إن الوقت تجريب ودروس
ونوع البشر فالطيب مثل السحابه
أحدن تمرك غيمته كنها شموس
وأحدن غمامه مير ما حدن درابه
أحدن سحابه رش هتان بطعوس
وأحدن تمري رشته في ترابه
أحدن مناقيعه مثل محكر رسوس
وأحدن يقشوع أرضها والشعابه
أحدن مثل مزن به السيل محسوس
وأحدن يضك الاوديه غزر ما به
هذا وانا ماني على الناس جاسوس
لكن فعول الناس ماهي تشابه
قلته ولا ودي على قولي فلوس
ولا اعد نفسي فاهمن بالكتابه
أوجزت موضوعي والاكثار منكوس
كثر الكلام يعيب من هو حكابه
وصلاة ربي ما ضرب قمع نادوس
وإعداد صيدن حايم في هضابه
على محمد سيرته خير محروس
نبينا المختار ربي هدابه


وسلامتكم
الذعذاع

[طلال الرحيلي]

بيض الله وجهك

وصح لسانك

ولي طلب
ودنا نسمع قصيدة من قصايدك

بالصيد

[الذعذاع]

بيض الله وجهك

وصح لسانك

ولي طلب
ودنا نسمع قصيدة من قصايدك

بالصيد

وجهك أبيض أخوي طلال وصح الله بدنك
وطلبك في قصيدة الصيد أبشر بها لكن هي يمكن بيتين من عرض قصيده
لكن على شانك بسوي كم بيت مخصوصه لك

[الركام]

صح لسانك على هذه الابيات الرائعة

[الذعذاع]

صح لسانك على هذه الابيات الرائعة


صح بدنك أخوي شاكر مرورك
بوركت

[قناص حرب المدينه]

صح لسانك يابو عبدالله

[ام الدانه]

صح السانك قصيدة رائعة جدآجدآ وبيض الله وجهك وربي يوفقك انشاءالله؛؛

[الذعذاع]

صح لسانك يابو عبدالله

صح بدنك يابو توفيق

[الذعذاع]

صح السانك قصيدة رائعة جدآجدآ وبيض الله وجهك وربي يوفقك انشاءالله؛؛
صح بدنك أختي
وجهك أبيض
يوفقنا وياكم يارب