دام البكاء ياريم مافيه تحريم

[ابو ناصر الشريف]

قصيدة سجين


كان شاعرنا المسجون ماراً من أحد الممرات وكانت


( ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه
فرأته ( ريم ) فقالت لأمها :
( يمّه الرجال يبكي !! ،، فقالت أمها زاجرة : ريم !!! )


عندها ،،



كتب الشاعر هذه القصيدة:



أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبـن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودام البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

غدر الزمن خلّى بوجهي مراسيـم

وما يذبح الرجال مثـل الهزيمـه

بعض المصايب شرها ياكل الهيـم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عرض ناسن لبسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه

وسلامتكم

منقووووووووووووووووووووووول

[جبل البراري]

الله الله
صح لسانك يا النشمي

[ابو ناصر الشريف]

صح بدنك اخوي عاشق الهبايب واشكر لك مرورك وتعليقك

[محمـد المحمـدي]

ماشاء الله تبارك الله

كل هذا الابداع عندك يابو ناصر ومخبية الله يهديك بس..ذاك اليوم واحنا رايحين ينبع اقولك عطنا من اللي عندك تقول ماعندي شيء ..

صح لساك انت والشاعر وبيض الله وجيهكم..

قصيدة جميلة جدا جدا الله يعطيك العافية..

دمت بود يالغالي

ننتظر ابداعك وجديدك..

[الضـــامي]

صح لسان الشاعر والناقل
قصيدة راائعه

[ابو ناصر الشريف]

ماشاء الله تبارك الله

كل هذا الابداع عندك يابو ناصر ومخبية الله يهديك بس..ذاك اليوم واحنا رايحين ينبع اقولك عطنا من اللي عندك تقول ماعندي شيء ..

صح لساك انت والشاعر وبيض الله وجيهكم..

قصيدة جميلة جدا جدا الله يعطيك العافية..

دمت بود يالغالي

ننتظر ابداعك وجديدك..



صح بدنك اخوي ابو فوزي وانت ذاك اليوم تبيلك قصيد الصبح يالله على بابك مابعد افطرنا ههههههههههه
لاكن تبشر المرات القادمه بأذن الله ويعطيك العافيه على مرورك العاطر

[ابو ناصر الشريف]

صح لسان الشاعر والناقل
قصيدة راائعه
صح بدنك اخوي الضامي والله يعطيك العافيه