الله أكبر يازمن

[عبدالمحسن الرحمه]

بسم الله الرحمن الرحيم

(( الله أكبر يازمن ))


دنياك هذي يا سعد ما تغير=أرض بها سهل وجبل مع هضابه

مير البلا من ناس صارت تحير=أطباعهم صارت سوات الذيابه

نوبه يجونك مثل طفلٍ صغير=يضحك ويخفي بالحشا سم نابه

ونوبه يجونك يا هلابك تسير=ما هو كريمٍ با المصالح سعابه

والجار ناسي جيرته ما يسير=لاهي ورا ماله يحسب حسابه

والبعض منهم مثل شيكٍ مجير=معروف في صدقه وفيّ ٍ جنابه

والبعض منهم مثل ريمٍ مذير=دمعه دوات الحبر حزنه كتابه

محتار بالدنيا وعجزٍ يغير=حاله طواها الهم من شدّ مابه

له حنه بالليل مثل الحوير=كفه على خده زمانه غدابه

والبعض منهم صار دربه محير=سالك دروب الغي ضيّع شبابه

الدين سبه يحسب انه بغير=نهج الولي نهج النبي والصحابه

المشكلة دايم يسب ويعير=حكامنا هم درعنا والمهابه

والبعض خده صار مثل الصغير=يلبس من الموضه وخلا ثيابه

وده ينافس بالملابس نوير=ويكون له اسم الدلع مع صحابه

والبعض مع حظه صراحة تطير=لا شاف له بومه يزيد كتأبه

الله أكبر يا زمانٍ تغير=صار القوي ياكل حقوق الغلابه

[ابوطارق]

صح لسانك وبيض الله وجهك وعز الله ان الاوادم تغير ويشرفني ان اكون اول من رد وماقصرت يابو مالك وغفر الله لوالدينك ووالدينا وجميع المسلمين ااااااااااااامين00

[أعالي السحاب]

مشكور على هالقصيده الطيبه بارك الله فيك

[الركام]

صح لسانك على هذه القصيدة ومشكور

[النومسي]

صح اللسانك ياخوي وتقبل مروري