خيمة صباحية عمودين للبيع

[بن سليمان]

السلام عليكم

عندي خيمه عمودين صباحية جديدة لم تستعمل الا مرة وحدة ولمدة يومين فقط

للبيع لعدم الاستعمال مخزنه لها عندي اربع سنوات

تراها اخت الجديدة وعلى الشرط

السعر 2500 ريال غير قابل للتفاوض

[ابو فرح]

كم مثبات اذا هي 24 شريناها

بس تكفى جبها لي بتمير وتقهو عندي يا ابو ناصر

ولو جبتها الليله تراه افضل

خل نطقها بالحوش ونشب الضو فيها

انتظرك بالاستراحة الليله ونكسر راسك بالسعر

[عبدالهادي المفرج التميمي]

والله وسبقتنا عليها اخوي ابو فرح

مبروووووووووووووووووك



سلام

[وضاح]

راحت علينا

لكن ننتربص للي جاي

[سلوم]

تكفون وين حنا عنها
اخوي نبي ربحك فيها اذا انت شريطي

[نجم الثريا]

والله لقطتوها

وانت وشوله عجل في بيعها

[الوافي]

السلام عليكم ..
مسرع وبيعت
الله يخلف على البايع ويرزق الشراي

أخوك الوافي

[الحارثي]

الربيع جاي والخيام تباااع

ودنا بوحده

[راعي الذود]

انا عندي خيمة مثله بنفس السعر

بس ترى اللي تحت خيش وماكلته الارضة اللي تحت الرواق

[سلوم]

اجل مافيه امل

يالله الله يرزقكم وتلقون لي بعد وحده

[الربع]

الله يربحك

ويرزقة

وكل عام وانتم بخير