تانكي لخلفية اللكزز

[الروضة]

السلام عليكم ورحمة الله وبركاته
أخواني أعضاء وزوار البراري
مع بداية الربيع إن شاء الله والخير في هذه المناسبة هذا تانكي لخلفية اللكزز بدل ماتنزل الأستبنة
والتانكي طوله 107سم وأرتفاعه 25سم وعرضه 30سم ويحمل من الماء حوالي 70لتر
ويكون بعده طبق نفس الأرتفاع ولكن عرضه 123سم وعمقه 70سم وجوانبه متحركة من أجل المخابي اللي على جنب
ماأطول عليكم أرجوا أن تكون الصورة تعبر أكثر وأي ملاحظات نتقبلها بصدر رحب
((( شكر خاص للأخ هادي وأبو هشام ))




http://www.albrari.com/up/upload/tan.JPG

http://www.albrari.com/up/upload/tba1.JPG


http://www.albrari.com/up/upload/tba2.JPG

http://www.albrari.com/up/upload/kta.JPG

[دافنشي]

ما شاء الله

قبل كل شي الحمد لله على السلامة

ومن طول الغيبات جاب الغنايم

والله تانكي على كيف كيفك

طيب ما يصلح للجيوب الثانية ؟؟


ليونارد دافنشي

[محمد القحطاني]

بارك الله فيك اخي الكريم

فكرة ممتازة جدا ولا تأخذ حيز من السيارة

لك كل شكر وتقدير

[ابو فرح]

شف عاد ما حلفتني

اليوم في المدرسة واحد من المدرسين شاري لكزز وكنا نسولف وين يحط تانكي فيه ؟

وانت جبت المفيد

بكرة ابعلمه يسوي مثله

ولك الحقوق كلها

[الروضة]

الأخ دافنشي
الله يسلمك من كل شر وجميع المسلمين
التانكي يصلح لكن تعرف اللكزز مايكون له أستبنة خلف
أخوي البري
حياك الله ومشكور على مرورك الكريم
أخوي أبو فرح
حياك الله ومصدق إن شاء الله بدون حلف وغن شاء الله يعجبك ويعجب رفيقك
وبعدين أخبره إن مافيه تخريم في السيارة مثل ماتشوف رابط التانكي في قواعد المرتبة الثالثة
ولايتحرك سم
ومشكور على تشريفك الكريم

[النايفات]

لله درك

ما تجيب الا الجديد والمفيد

من عرفناك

ربي يسلمك

والحمد لله على السلامة

[صاهود]

فكرتك ممتازة جدا

وما تضيق مثل ما قال الاخوان
لكن لو خليت التانكي ياخذ نفس ميلان المرتبه ما يكون اكبر شوي او يسبب مشكلة ؟

[عبدالوهاب العطالله]

ما يمكن يزود عن السبعين لتر شوي

على الاقل يوصل مئة

بس استغليت مساحة ضايعه بالجيب

[الروضة]

الأخ النايف
حياك الله وهذا من طيبك ومشكور على المرور
الأخ صاهود
حياك الله والتانكي آخذ ميلان المرتبة ولذلك يأخذ بالتحديد 66لتر ولو ماأخذ الميلان الكان يشيل 80لتر
( من أعلى عرضه 24سم ومن تتحت 30سم

الأخ الزلفاوي
حياك الله ومشكور على تشريفك
وممكن يأخذ أكثر أجعل طوله 110سم وعرضه 35سم وأرتفاعه 30يشيل 115لتر

[بن سليمان]

والله موقع ضايع في السيارة

وحنا دائما نستغل بالسيارة كل مكان

شكرا اخوي الروضة

[عبدالهادي المفرج التميمي]

هلا وغلا بالغااااااااالي

وش هالافكااااااااار

اخوي ودي اعرف شي الفتحة اللي بالجلسه الشبك ليش ؟

مشكووووووووووووور مقدما




سلام

[الجنوبي 2000]

مشكور اخوي الغالي على هذا الموضوع ويعطيك الف عافية

[سعدون]

شغل نظيف الله يبارك فيك

[سلوم]

شغلك تكتكه ومرتب صح

هذا الشغل والا بلاش

شكرا لك اخوي ابو عبدالعزيز

[قاهر الصحراء]

شكرا اخوي على هذي الفكرة المتميزة

ما بعد وصلتنا بحائل

ما قصرت اخوي

[صـ نجد ـقر]

الله يسلمك على هذه المعلومات القيمة
وانت ابو الافكار
وربي يجيب الخير

اخوكم أحمد الشايقي
صـ نجد ـقر

[الروضة]

السلام عليكم ورحمة الله وبركاته
الأخ بن سليمان
حياك الله ومشكور على مرورك
الأخ هادي
حياك الله وأهم شيء تعجبك الفكرة وإن شاء الله إذا تواجهنا تشوف اكثر
وبخصوص الفتحة التي في الشبك هذه للدافور إذا كان صغير وإذا كان كبير بدون ما أفتح الطبق إذا كان معي عفش واجد
ومشكور على تشريفك
الأخ الجنوبي 2000
حياك الله ومشكور على تشريفك
الأخ سعدون
حياك الله وياهلابك
الأخ سلوم
حياك الله ومشكور على مرورك الكريم
الأخ قاهر الصحراء
حياك الله ومشكور على تشريفك
الأخ صقرنجد
حياك الله وياهلابك
وجزاء الله الجميع كل خير

[ولد سدير]

السلام عليكم ورحمة الله وبركاته
جزاك الله خير هذا العمل
وما تقدموا لانفسكم من خير تجدوه
الف شكر والله ينفع بما كتبت
وعندى استفسار بسيطليش ما يكون الطبق اللي بين العفش تانكي ماء وممكن يكفي نع اللي ذكرت

ولد سدير

[الروضة]

أخوي ولد سدير
وعليكم السلام ورحمة الله وبركاته
مافهمت قصدك ؟
أنا واضع طبق على شان العفش كله يكون تحته وأنا واضع تحه
1- رواق عن المطر وأغراض الطبق ( الغداء ) وأغراض القهوة والشاهي 0000
ولو وضعت تانكي بدون طبق أصبح حوسة والأولاد مايستطيعون الركوب في الخلف

[طير السعادة]

..

فكرتك ممتازة

بس ما يسبب سكب للماء اثناء التعبئة ؟؟

تقبل**طير السعد** تحياتي

[ذيب نجد]

السلام عليكم

ياسلام عليك اخوي الروضة

كل شي مرتب ومنظم

ماقصرت على هذا الموضوع

ونحتاج مثل هذي الافكار




ذيب نجد

[عاشق الدحول]

انشهد ان فكرتك للتانكي مافيه مثلها

ولا يضيق ولا شي

بس مثل ما قال اخوي اخاف الماء يتكبكب على الفرشة

[الـــوردي]

ياملا العافية يا ابو عبدالعزيز

انت كلك خير وبركة وين ما تحط يدك

شكرا لك

[الروضة]

الأخ طير السعد
حياك الله وكلامك صحيح يمكن يتسبب في سكب الماء
لكن تقدر تضع لي التعبية مع نفس الحنفية وتضع نقاص من فوق ويكون فيه ليمكيف صحراوي ويكون طرف هذا اللي خارج السيارة وإذا أمتلىء يخرج الماء خارج الغمارة
الأخ ذيب نجد
حياك الله ومشكور على هذا المدح وتراي ماأتيت بشي جديد
الأخ عاشق الدحول
حياك الله وياهلابك
بس لاتخاف مثل ماقلت ضع لي التهوية خارج السيارة ولا تجد نقطة واحدة داخل السيارة
الأخ الوردي
حياك الله وأنت كلك خير وبركة ومشكور على مرورك الكريم

[نقا الجمل]

لاهنت يالغالي

فكرة رائعة ماشاء الله

مبروك . الله يطعمك من خيره ويكفيك شره

[الهدد]

فكرتك اخوي الروضة متازة جدا ولا تاخذ حيز مثل ما قال الاخوان

لكن انا اخاف ان التانكي مع المطبات يتخلخل من مكانه ويحوس الدنيا

انت تعرفنا في البر مطافيق ونسرع

الا على طاري خلفية اللكزز تعرف كيف ادخل احداثية في جهاز اللكزز

[راعي زاهبه]

وين ادلارة المنتدى المفروض اخوي الروضة تسمونه خبير أدوات رحلات

اتمنى تنتبه الادارة لهذا الامر

[الروضة]

الأخ نقا الجمل
جزاك الله خير ومشكور على مرورك الكريم
الأخ الهدد
حياك الله وياهلا بك
وبالنسبة للمطبات تقدر تثبت التانكي بلحام على الجوانب لكن التانكي إذا كان مليان موية مايتحرك وبعدين أنا رابطة بسبت مايتحرك ولو تحرك وضعت له مسامير
وبالنسبة لأدخال الإحداثية في اللكزز ماأستطيع أفيدك
ومرة أخرى مشكور على تشريفك
الأخ راعي زاهبه
ياسلام عليك تراي صدقت نفسي بعدين يكبر راسي عليكم
ومشكور على مرورك الكريم

[الدوار]

اخوي الروضة اشكرك على تفاعلك وافكارك
سؤال ليش ما تكون الاستبه فوق وتخلي التانكي تحت مثل السيارات الاوله

[الروضة]

أخوي الدوار
حياك الله وياهلاوغلا
أنا عندي الأستبنة تحت ( مكانها الأصلي )
ولو وضعت الأستبنة داخل ووضعت التانكي تحت ضيقت علي أكثر من وضع التانكي داخل
وبعدين يكون الماء أبرد في الصيف خصوصاً إذا مسكت خط
ومشكور على مرورك الكريم

[فهد9999]

http://img401.imageshack.us/img401/7456/e43ij6.gif

[ذهول العاصفة]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
اخي الكريم
الله يعطيكــ العافية بارك الله فيكـــ وجزاكـــ الله كل خير
في انتظار جديدكـــ الممتع لامحاله
لك مني خالص
الاحترام والتقدير
!!!اخـــــــــوكـــــــــــ ذهـــــــــــول العاصفة ــــــــ!!!