مساعدات السفاري

[التاكسي]

شباااااااااااااب المشوره
اهل البر والتطعيس


عندي سفاري 97 ومن المطامره تفقعت مساعادته وش افضل مساعادت
ولاتنسون البواجي وش افضل بواجي مع العلم ان سيارتي جايبها بنفسي من الامارات لها اكثر من سنتين
عزم واشاء الله عليه والبنزين مثل صرفيت الكامري :19:

[4×4]

انا اعرف ان افضل مساعدات هي جبريل ولكن ترى علمي قديم

وبالنسبة للبواجي حسب قوة البوجي

[ابن بدران]

المساعدات خذ جبريل الأزرق (الغاز) وانحش عن الاصفر تراه ردي
سعر الأزرق اخبره بمية ريال والاصفر بثمانين
فيه مساعدات استراليه قوية وتتحمل الكرف بدويرة الخرج بالرياض
اذكر سعرها بمية وخمسين وهي الأقوى لكن مطبها قوي شوي
أما البواجي لا تتعدى الوكالة ولا تأخذها الا برقم الشاص

[طير شلوى]

ماشاء الله لا تنظل موترك

اخوي انا معي سفاري نفس الموديل وحاط له مساعدات مورنو الصفراء موجود وكيل لها بالصناعيه القديمة
ومزبوط ميه على ميه
وقبل حاط جبريال ماهيب مزبوطة تفقعن على طول ماتمن السنة

[طير شلوى]

ولا البواجي مثل ماقال اخوي ابن بدران خذها من الوكاله ولا وكيل ثاني لها مثل بن ماضي ومشعل ومشاعل وابن حميد وغيرهم وبرقم الشاص

لانهم قد عطوني حقت مكسيما ولا دريت الا عقب فترة من تركيبها ورحت غيرتها

[التاكسي]

الاخوان


4×4
مشكور علي مرورك

ابن بدران
مشكور والله يجزاك الف خير

طير شلوي
مشكور لوتكرم وجيب اسم المحل




بعدين وش رايكم في وضع يايات مع المسعدات يقولون افضل

[طير شلوى]

اسم المحل مورنو مكتوب بالانقلينزي

والمحل موجود بالصناعيهى القديمه بالرياض صناعه الخرج

في الدويرة


قصدك الياي الاسترالي الي بالرمايه

حلو وحاطه انا بالجيب ومزبوط ولكن تراها انواع هاليايات في شي اقوى من الثاني ويتحمل اكثر ويرفع الموتر
ولا يخلية يطيح ينزل من الخلف اذا صرت شايل عفش واي شي ثقيل وسعر اليايين 550 ريال تقريبا

[التاكسي]

طير شلوي عزالله انك اسم علي مسماء



قصدك الياي الاسترالي الي بالرمايه

حلو وحاطه انا بالجيب ومزبوط ولكن تراها انواع هاليايات في شي اقوى من الثاني ويتحمل اكثر ويرفع الموتر
ولا يخلية يطيح ينزل من الخلف اذا صرت شايل عفش واي شي ثقيل وسعر اليايين 550 ريال تقريبا
----------------------------------



ب550 الواحد عزالله هونت

[النمر]

اذا تبي مساعدات زينه.
عندك مساعدات مونرو الأمريكيه و خذ الي لونه اصفر تراه حليو .

بس اذا تبي واحد ما عليك كلام و يتحمل المطامر و التحميل (( مساعد اولد مان الأسترالي و لونه اصفر )) موجود عند الرمايه ، انا مجرب كل النوعين بس الأسترالي اقوى .

[عبدالوهاب العطالله]

انا ابي مساعدات للهايلكس ايش اللي يصلح لي

[زايد الخيرات]

الربع بيقولون لك لكن انا خبرتي قليلة في هذا الامر
الله يوفقك

[عين السيح]

الهايلكس فيه مساعدات جمس تصلح تمام

[عبدالرحمن العسافي]

الزلفاوي

ركب قدام بلستين حق مرسدس مرسدس
و ورا اسحب سسته اذا كنت راعي تحميل
او انك تسحب سستتين و تركب اماراتيه مقوسه يقصونها على مقاس الرابعه

جرب و بتدعيلي ان شاء الله

[النمر]

فيه مساعدات مونرو غازيه لونها أصفر ممتازه و قويه تركب على الهايلوكس .

[محمد212]

افدوك الشباب ,,,,,,,,,,,,,,,,,,................................ ......,,,,,,,,,,,,,,,,,,,,,,,

[جاسم]

الشباب ماقصرو الله يبارك فيهم

[صياد الضبان]

كل يمدح لكن اظن شد البلد ازين

[محمد القحطاني]

بارك الله فيكم اخوتي

معلومات مفيدة جدا

لكم كل شكر وتقدير

[كشات كوول]

والله يالتاكسي
ترى ذكر مساعدات (مونرو)
بالحيل طيب
....
وودي اسئل الاخوان
وبالاخص اخي ..طير شلوى
هل تصلح مساعدات (مونرو) لليوكن2002 ؟
وسؤال اخر...هل يوجد نوع طيب من اليايات لليوكن ؟

وياليت تعطينا اسم وكيل(مونرو) ورقم هاتفه


تحياتي للجميع

[طير شلوى]

حياك الله اخوي كشات كووول


بالنسة لليوكن مادري عنه بالضبط لكن رح لمحل مورونو اللي بالصناعية القديمة بالرياض بالدويرة

محله تراه صغير

واسئلة ويعلمك عن كل شي حتى لو مايركب له المساعد ولا ماعنده حق اليوكن يقدر يجيبلك واحد يركب له