جزنا عن الكيف ياراعـي المعاميـل=ويش عاد لو جبت لك نجرٍ ومحماس

[رشيد الهديرس]

.


.






جزنا عن الكيف ياراعـي المعاميـل=ويش عاد لو جبت لك نجرٍ ومحماس
والدلـه اللـي تبهرهـا مـن الهيـل=والحمس بقيـاس والتبهيـر بقيـاس
لوإنهـا العجرفيـه دلــة هـذيـل=اللي شذاهـا يعطـر كـل الأنفـاس
وحافظ مقاديرهـا بالـوزن والكيـل=ومجمّع بهارها من خمسـة اجنـاس
والنار جمر الحطب والما من السيـل=لاأقول ماكـل كيـفٍ يقعـد الـراس
أنا شربـت الكثيـر مـن الفناجيـل=ولازلت اعاني صلف بالراس وعماس
اشكي وغيري كثير مـن الرجاجيـل=ناسٍ تعاني وانا واحـد مـن النـاس
نذكر زمانٍ وصلنا الجـدي وسهيـل=وجبنا نجـوم المجـره در والمـاس
نتوارث المجد جيلٍ مـن بعـد جيـل=واليـوم شفنـاه بالأقـدام يـنـداس
يامـا بكينـا وغرقـنـا المنـاديـل=وخيّم علينا السكـوت وخيّـم اليـاس
مانرفـع اصواتنـا إلا بالمـواويـل=نظهر فرحنا ونخفي صدق الإحساس
جرحٍ بصدر الزمان يسيـل ويسيـل=وقلوب تنزف قهـر وكبـود يبّـاس
ماعـاد للكيـف ذوق ولا التعالـيـل=واخواننا يشربون المر فـي الكـاس
الكيـف والله لوإنـا نعـدل المـيـل=ونـرد كـل الحقـوق بقـوة البـاس
نتبع دروب السلـف ونصلـي الليـل=ونصبح نعِد السيوف وقب الأفـراس
ونحرر القـدس والجـولان ونزيـل=عن وجه بغداد ماصابه مـن اتعـاس
لابد من يوم نركـب ضمّـر الخيـل=ونطهر الأرض من تدنيس الأنجـاس
وليا إنتصرنـا تطيـب لنـا التعاليـل=والدلـة العجرفيـة تقعـد الــراس

الشاعر الكبير عبدالله الطلحي الهذلي

[نجداوووووي]

صح لســــــــــانة

وصح عليك القصيدة الرائعة

يعطيكم العافيه يارب

في امــــــان الله

!

[الركام]

.





الكيـف والله لوإنـا نعـدل المـيـل=ونـرد كـل الحقـوق بقـوة البـاس



صح لسانك ولسان الشاعر ومشكور على الاختيار الجيد

[عبدالمحسن الرحمه]

أنا شربـت الكثيـر مـن الفناجيـل =ولازلت اعاني صلف بالراس وعماس
اشكي وغيري كثير مـن الرجاجيـل= الناسٍ تعاني وانا واحد مـن النـاس


صح السان الشاعر وصح ذوقك الرائع