شوقي نشا غيمه وهاضت بنوّه=ديمومةٍ ومن الوله رفرفت فوض

[رشيد الهديرس]

.
.



شوقي نشا غيمه وهاضت بنوّه=ديمومةٍ ومن الوله رفرفت فوض
وجدي نسيم وساق غيمي بقوّه=أشواق لسعيدان ومعانق الروض
عنها اغترابي ليل ما لاح ضوّه=ولاغير حايل في رجا غربتي نوض
دارٍ زرعت العشق بارضه وجوّه=عشقٍ من أيّام الطفولة ومحفوظ
مكتوب أفارقها وافارق هدوّه=البعد والحرمان قسمه ومفروض
سود الليالي لوّعتني بسوّه=تعرضن من جورها كم عاروض
عشرة أعوامٍ واحسب الوقت توّه=واليوم مرواحي به أسرار وغموض
لا يناسب المجلاس للي تموّه=ولا يناسب المرواح والحبل منقوض
صرت الشقا المذكور وآخر علوّه=بذلت مجهودي ولا ني بمحظوظ
بعض الوجيه اللي ترحّب عدوّه=تمثيل والتمثيل خدعة ومرفوض
يقطع وجيهٍ فارقتها المروّه=من شوفها قلبي عليل وممروض
وملّيت من ضيّع دروب المخوّه=واشتقت لسعيدان ومعانق الروض

للشاعر القدير حاشم خلف العمودي الشمري

[عبدالمحسن الرحمه]

سود الليالي لوّعتني بسوّه = تعرضن من جورها كم عاروض

[فارس الأجواد]

صح لسانك ولسان الشاعر

[الشيخ قوقل]

تسلم يالغي وصح لسان الشاعر حيث اتصفت هذه القصيدة بأصعب القوافي
أعجبني هذا البيت
لا يناسب المجلاس للي تموّه=ولا يناسب المرواح والحبل منقوض ..

[هامـة مضر]

ابيات راااااااااائعة جداً
صح لسانك ولسان الشاعرحاشم خلف الشمري

[رشيد الهديرس]

هلا وغلا باالجميع والف شكر لكم على مروركم