ادخلوا ترا الصدر ياسعكم كلكم

[ابو فراس]

في هذا اليوم الخميس 10/11/1430 بعد صلاة الفجر جتني خرمة شبة نار من الغضا ومن جرب شبة الغضاء يعرف وش هي الخرمة والله يا هي ادمان (تراي صادق الصدر وسع القصيم كله وحياكم الله في اي وقت)

المهم من المسجد الو يا ام فراس ترا منب جاي ابطلع للمصفر قالت استودعك الله وكل الوقت ستة دقائق بالتمام والكمال والاي بهالمحل اللي يحبه قلبك

1
http://www.alrahalat.com/vb/uploaded/18_01256801249.jpg
2
وهالمحل اللي الكثير من اهل عنيزة يعرفونه (مخيم كلية التقنية الرائع)
http://www.alrahalat.com/vb/uploaded/18_11256801249.jpg
3
شبيت الضو من حطب الغضاء وللعلم لم اكسر عود واحد من الشجر بل تلقيط من حوالينك بس
وش رأيكم بهالفنجال ما يسمر الراس(قولوا ما شاء الله)
http://www.alrahalat.com/vb/uploaded/18_21256801249.jpg
4
ما يتهيا قهوة الفجر بدون قدوع سكري من ايدين ما نعدمهن
http://www.alrahalat.com/vb/uploaded/18_01256801281.jpg
5
وش رايكم بهالصورة عاد تراي اتعلم التصوير لحد يطبق مثلي (جاب الله هالديجتال)
http://www.alrahalat.com/vb/uploaded/18_11256801281.jpg
6 جايزن لي هالفنجال ما ادري ليش
http://www.alrahalat.com/vb/uploaded/18_21256801281.jpg
7فيه شيئ غريب بهالصورة مهب معقول يعرفونه الكييفة
يالله اختبار تحريري واللي يحله حياه الله على فنجال بالمصفر
http://www.alrahalat.com/vb/uploaded/18_01256801270.jpg
وسلامتكم

[عبدالله العيدي]

حي الله ابو فراس ..منور..

الصور ياولد الديره ماطلعت..:smi71:

[عبدالهادي المفرج التميمي]

وانا اقووول وش سالفة الصوووورة اللي الصبح وصلتني
ابو فرااااس
اثنان لا يجتمعان في وقت واحد ولشخص واااحد
الا في حالة واحدة اذا عباااس معك فهنا نستثني الغلط
مشكوووووووووووووووور
لي عودة



سلام

[ابو فراس]

حي الله ابو فراس ..منور..


الصور ياولد الديره ماطلعت..:smi71:


وشلون ما طلعت عندك ياعبدالله جرب ياولد مرة ثانية يمكن تنجح وتحل السؤال وتفوز بالفنجال


وانا اقووول وش سالفة الصوووورة اللي الصبح وصلتني
ابو فرااااس
اثنان لا يجتمعان في وقت واحد ولشخص واااحد
الا في حالة واحدة اذا عباااس معك فهنا نستثني الغلط
مشكوووووووووووووووور
لي عودة



سلام


هلا ببو ناصر كنت انتظر منك مكالمة بعد ان ارسلت لك الصور بس يافرحة ما تمت يمكن انك مصفر هاك الوقت ما بك حيل تكلم جوال

وبعدين بالنسبة لحلك يعني تراك قريب بعيد

حاول مرة ثانية يمكن يصير حظك ماشي بعد الظهر

[مرقاب الشرق]

بالعافيه والماهو طبيعي خشم البريق لازم يكون بتجاه خشم الدله سيم سيم . يالله وين الفنجال خخخخخخ

[محمد النجيبان]

حيا الله الغالي أبو فراس
والله يوسع صدرك بالصحة والعافية
ما شاء الله
وش خليت شبت غضا وفنجال قهوة وسكري وبالمصفر
تنسى همومك كلها

[ابو فراس]

بالعافيه والماهو طبيعي خشم البريق لازم يكون بتجاه خشم الدله سيم سيم . يالله وين الفنجال خخخخخخ

حياك الله اخوي فارس ومالك لوا


حيا الله الغالي أبو فراس

والله يوسع صدرك بالصحة والعافية
ما شاء الله
وش خليت شبت غضا وفنجال قهوة وسكري وبالمصفر
تنسى همومك كلها



حياك الله ابو حمد عاد انت مجرب شبة الغضا صدق كلامي او لا

وبعدين ما حليت اللغز اللي بالصورة رقم سبعة

[النايف]

ماشاء الله عليك يابو فراس وش هالكشتة السنعة

قهوه + سكري + وشبة غضا

الله يهنيك ويوسع صدرك بالعافية ويعطيك ألف عافية على التصوير الحلو يامخرج

بس غلطت يوم حطيت الفنجال مع البيالة

:a_laugh2:

[ابو فراس]

اهلا بابو عبدالمحسن

حلك صحيح وشلون هالمزاج اللي يشرب شاهي وقهوة مع بعض

[محمد النجيبان]

اهلا بابو عبدالمحسن

حلك صحيح وشلون هالمزاج اللي يشرب شاهي وقهوة مع بعض


الله يهديك يالنايف كنت أبقول الحل وسبقتن :a_laugh2:
نبي سؤال ثاني يابو فراس و تبي تلقى الجواب قبل ما تكمل السؤال :z-attack:

[عبد الله الحقيل]

حيا الله أبو فراس ،،،

ماشاء الله تبارك الله ،،،

أنا اشهد انها جلسة توسع الصدر وتنسي الهموم وياحظ الي معك ،،،

أما الفنجال ماشاء الله فهذا موضوع بلحاله ،،،

[الراعبيه]

ماشاء الله عليك
اجل هاالخرمه طقت الناس
هاالأسبوع
انا من شدة الخرمه فتحت التكييف
لأعلى درجه وشبيت النار يوم جمرت
حطيته بمنقل وسويت القهوه والشاهي ودلة الحليب
وفليت الحجاج وانا اختك

[هامـة مضر]

يعطيك العافيه
لكن الصور ماطلعت

[عبدالهادي المفرج التميمي]

ما من نوووم اخوووي
ولكن خفت اتصل بك وادق سلف واجي لك
لاني اعرفك تقنع اللي ما يقتنع
ولكن عااااد حل اللغز الظاهر انك ما شفت جوابي زين
والا الدعوى شهاااااااااوي




سلام

[ابو فراس]

يا عل من رد وشارك بالموضوع ما ينحرم هالجو الزين

اما انت يابو ناصر
انت قلته شهاوي
حنا نبي النايف كوده يرضى علينا ويجينا بعنيزة

اقول كوده

[ابو حمد]

شوفتك تغنى عن الف قهوه يابو فراس..
رجل وعلومك غانمه ومجلسك ماينمل منه وجه وجاه
وجلسة معك هي المطلوب وأخذ علوم الرجال وشبت الغضى ونارها ودخانها اطيب ريحه..
ابو حمد،،

[الشيخ قوقل]

السلام عليكم ورحمة الله وبركاته
هلا بعمّي الفاضل
ما يحتاج أقرأ الموضوع لأن اللي كاتبه ابو فرااااااس وتستاهل عليه 5 أقمار
ما عليكم منّا يالحسّاد ..... شاب يداعب شايب

بارك الله فيك وأصلح الله لك النيّة والذريّة وأطال الله بعمر والديك على عمل صالح

.

[أحب الشنانه]

مشكووور ابو فراس خلتنا نروق لو بالمشااهده

[rhaal]

يمال العافيه أبو فراس
عز الله إن الخرمهـ لآجت قشرهـ
وياعلها تسلم يمناك على هالفنجال

دمت بود وبخير

[نواف الديحاني]

الوصف الزين شوقني اشوف الصور بس للأسف ما طلعن
يمكن ما حملتها على مركز البراري
عموما خيرها بغيرها ومشكور يا راع عنيزة على علومك الطيبة

[قلم رصاص]

ماشاء الله ست دقايق وأنت كاشت بالرياض أقل شيء 60 دقيقة لأقرب مكشات
تستاهل ياعمدة