مطلوب قارمن نظيف

[فارس تمير]

هلا بكم
يالربع ابي لي قارمن كفي اتريكس اي نوع منه ولو حصل اليقاندا يكون افضل
ويكون اخو الجديد

في انتظار عروضكم

[ضلع السروات]

عندي ايميت جوال وقارمن ونظيف ويدعم الجيل الثالث
اذا لك نظر راسلني على الخاص

[المصرقع]

النوع هذا اول مره اسمع عنه ؟

ليتك تعطينا معلومات اذا تعرف عنه شي

[القديم]

اخوي
مادورت في المرسلات ؟
نراه يتهيا شي زين ورخيص

[فتى البراري]

اصبر شوي والشباب ما يقصرون
اذكر عند حاتم قارمن للبيع قريب من اللي انت طالبه

[جراح]

تكفون يالربع وانا بعد ابي اخوي الجديد

[الغيث]

طلبكم موجود عندي يالله وين اللي ببيشري

فتحوا السوم

[مبسوط]

ممكن يااخوان صوره لهذا القارمن اول مره اسمع فيه

[سلوم]

القارمن عندي يا اخوي

يالله افتح السوم

وتراني بياع

وهذا شكله للي ما يعرفه

http://www.gpsreview.net/wp-content/uploads/garmin-etrex-vista-cx.jpg

واسمه بالانجليزي etrex

[زايد الخيرات]

يالله نفتح السوم بـ 700 ريال بس ويش معه من الملحقات

[مخاوي المطر]

وانا اقول بـ 800 ريال بشرط معه ملحقاته وصلة الكمبيوتر ووصلة البطارية

[الخيبري]

كم حدك فيه يالغالي وكم سعره جديد وهل فيه كرت ذاكره او لا

[زايد الخيرات]

وينك سلوم

اها حول الجهاز والا لا

ننتظرك

[امبراطور]

وين اللي عرض الجهااااز
هذي 820 ريال شرط المعاينه

[بن غازي]

اهم شي راعي الجهاز لاهي باخبار الامطار

والله سعر طيب

[عاشق الدحول]

راح بـ 850 ريال يالله يا شباب

بيعوني

[راعي الذود]

سعر متاز جدا

يالله ليه ما تبيعه

[صبا نجد]

ماحولكم احد
الناس في البر

[الجدي]

وين اللي يبي يبيع

جاز لك السوم فبع تراه سعر طيب

[يحيا]

شكلكم ما تابعوووووووووووووووون المواضيع

[طرقي]

انا لي رغبه في الشرا لكن وين البياع

[راعي الاوله]

وانا لي رغبة في الشرا

[سلوم]

موجود انا حولكم

بس توه ما جاب اللي براسي

ابي زود

[نجم الثريا]

والله انك طماع

يالله نزود بـ 900 ريال ولا هلله وحده ازود

[محمد القحطاني]

بارك الله فيكم

اعطيتوه سعر ممتاز جدا

اخي لا تصير طماع

لك كل شكر وتقدير

[الوافي]

السلام عليكم ..
سعر مهوب صاحي بع وافتك

أخوك الوافي

[الحارثي]

جاك السعر الي ما تحلم به
950 ولا تصير طماع