تكفون ابي المشوره يا ربعي

[ابو البر]

حافله او باص كبير مجهز من الداخل بغرف نوم ودورة مياه ومطبخ وكل شي يحتاجه الواحد في البر
ودي واتمنى انكم تعطوني رايكم في مثل هالكرفان وهل فيه اشياء ما يعرفها الشخص اللي ما ملك مثلها من قبل / وبصراحه ودي أمتلك مثل هالنوع من البيت المتنقل بس ابي من عنده خبره في مثل هالنوع يعطيني رأيه ان كان سلبي او ايجابي .

هل هي فكره حلوه
هل فيه شي خافي علي .

علما اني من اللي يحبون يطلعون للبر للأستمتاع بالهدؤ فقط وليس للقنص او المطامر هنا وهناك (:ordh:)
تحياتي .

ملاحظه مهمه : بالنسبه لصيانة الباص او اي شي ميكانيكي فالآمكانيات موجوده ولا هي عائق ابدا ..انا ابي رأئي عن البت المتنقل فقط.

[النايف]

والله يالغالي من منا لايتمنى هذه الأشياء

ولكن الماده فوق كل شي

وإذا كان الله منعم عليك أنا أقول أستعن بالله ودوها تلقاها أكثر شي في الشرقيه

أو تسوي لها طلبيه من امريكا تكون أفصل ومضمون وأنظف

وصدقني كانت عند واحد من ربعنا ومبسوط منها لكن لاتوقفها كثير

وعلى فكره صيانتها تبطي يعني مايبي لها صيانه على طول

هذا رأيي يالغالي وأتمنى في القريب العاجل نشوفها معك في الكشتات

تقبل مروري

[عبدالهادي المفرج التميمي]

البيت المتنقل فكرة رائعة جداا
ولكنها تحتاج الى ميزانيه محترمه
وتبي لها راااس صاحي يضبطها وفق احتياجاته
ولكن يعيب على السيارة اللي ذكرت انها طامنه واعتقد انها مهيب دبل
يعني تبي ترفعها عن مستوى الارض اول شي
ومن ثم توفر المتطلبات الاساسية ( مطبخ - حمام - مشب نار - خزان ماء - خزانة )
ويبقى الاشياء الثانوية عاد على راحتك فيها
مشكوووووووووووور



سلام

[s a m e e r]

ماشاء الله تبارك الرحمن الله يبارك لك في حلالك

اللي أفيدك فيه شوف هذا الموقع يبيعها ويرسلها لك وفيها جميع الأنواع والموديلات .
http://www.rvtraderonline.com/find/browse/type

[ابو البر]

شكرا لك يالنايف على كلامك الطيب واللي يدل على ما تتمتع فيه من صفات راقيه لاعدمناك .
وبالنسبه للسياره فهي جاهزه من الى وتجهيز محلي وسعرها حليو .


اخونا الكبير الهادي / مجرد مرورك على اي موضوع واعطاء رأيك يجعل الموضوع مهم للجميع لمكانتك لدينا حفظك الله .


سمير / وين وين
يا اللي انت خليتني احلم حلوم .........يا اخي اللي بالرابط شي خرافي بمعنى الكلمه ........وبصراحه السياره اللي ناوي اشتريها .....أرحم بكثير لو كل يوم تخرب ههههه
شكرا على مرورك حبيب الكل .

[هدام]

والله ياخوك ..انا رائي ..وش لك بهالأمور وها الدوشه
عش البر بما به وانا مثلك احب الهدؤؤؤؤء
فصلك خيمه محترمه اقل كلفه وريح بالك
,,,,,
واسف اذا حطمتك هذا رئي بس :nosweat:

[الشيخ]

وانا اقول اعقلها وتوكل على الله

[عبدالله الخالدي]

الله يوفقك اخوي
لكن مثل ما تفضل به الإخوان
الماده لابد تكون متوفره

[ابو البر]

هدام كيف الحال / بالنسبه للخيام جربناها يا رجال وما منها الا قل صحه غبار على الطبخ او وحن ناكل / النومه ماهي مريحه في البرد وقل النوم يخلي الواحد يعصب على اوخياه ويمكن سمعت بالمثل اللي يقول ( تعصيبة اخر الكشته ) وكلها من قل الراحه وعيال اليوم ماهو مثل عيال الآمس وانا خوك . والشي الآخر انشاء الله ما فيه دوشه والبال مرتاح ...وشكرا لمرورك .

الشيخ / عقلناها وتوكلنا وعطينا العربون ويوم الجمعه بنتكاتب ....وشكرا لمرورك . وشرطتك ......امزح .


اسعد عمر : كل شي حاسب حسابه وكان هدفي من الموضوع الآطمئنان ان ما فيه مشكله غير الفلوس .....تحياتي لمرورك .

[هدام]

طاب حالك يابعدي
( تعصيبة اخر الكشته )هههههههههههههههههه
تحصل معي دايم اثاريه من تعب الخيمه :new3:
الله يوفقك اخوي ..وتاصل لمرادك انشاء الله
تحياتي


:ordh:

[حر الزلفي]

الله يرزقك بشيء طيب ..



وفكره جميله وهي أحسن من الخيمه بعدة أمور ..