حطب سمر للبيع للي يبخصون الزين

[أبــ سعد ـــو]

بسم الله الرحمن الرحيم


السلام عليكم ورحمة الله وبركاته

الإعلان موجه للكل وبالأخص أهل السمر اللي يعرفونه . .

نوع الحطب : سمر نجد والمدينة والجنوب ولا يخالطه أي عود مهوب سمر على

الشرط افحصها عود عود .

وصف السمر : يابس ما فيه ولا عود أخضر على الشرط وبدون أي خروق أو نخور

وكله مشلخ أو مشضّف أو مشلّق يعني

ما فيه ولا عود مبروم (وهذا أفضل في الشبة ).

الكمية : حمولة تريلتين جوانب (يعني تستوعب أكثر)

والحطب ما يبي له وصف بإذن الله يجوزلك لاشفته

والزبون الجاد والمعزّم يتصل علي ويشرّفنا ياخذ له فنجال ويعين من الله خير ويشوف الحطب على

عينه وبراحته عشان يتطمن ان تمت البيعة الله يطرح فيها البركة وان ما تمت الله يرزقه خير منها ويكفينا تشرفه محلنا والله

يحفظه.


كل الموجود للبيع دفعة وحدة أو الحد الأدنى للبيع حمولة تريله يعني ما أبيع أي حموله أقل من

حمولة تريله وحدة والأفضلية للي بيشتري كامل الحمولة



عذراً لعدم ذكر السعر ولن يتم ذكره الإ للزبون الجاد بعد ما يشوف الحطب ويجوز له.



الموقع : الرياض


للإستفسار

0559399084

[عيوب]

وين نلقى احد مثلك وبذمك.
الله يرزقك البيعة الطيبة.

[ابو البر]

بسم الله .
سومتي 5000 الاف ريال .....حسب مواصفاتك .

[أبــ سعد ـــو]

وين نلقى احد مثلك وبذمك.
الله يرزقك البيعة الطيبة.

الله يطيب فالك ويزود مالك ويعافيك في دينك وحالك

ولاهنت على المرور

[أبــ سعد ـــو]

بسم الله .
سومتي 5000 الاف ريال .....حسب مواصفاتك .





الله يسامحك . .

سومتك في وادي ووصفي بوادي !!

وعلى كل حال لا هنت على مرورك

[ابو البر]

صباح الخير ابو سعد
سومتي طال عمرك (7500) ريال للتريلتين .
وعفاك .

قل تم / حنا بالصيف .هههه

[أبــ سعد ـــو]

صباح الخير ابو سعد
سومتي طال عمرك (7500) ريال للتريلتين .
وعفاك .

قل تم / حنا بالصيف .هههه


----------------------------------

منت بحولي ولا انت بيمي لا في سومتك الأولى ولا في الثانية . ههه

ولاصرنا في الصيف يعني نبيع بخسارة !؟

السلعة الطيبة غالية عند أهلها سواء في صيف وإلا شتاء والطيب ما كلن يعرفه ويثمنه

[ابو سعد الحربي]

الله يرزقك بزبون الصامل وزين

[ابو البر]

اجل السموحه
انا ما اعرف اثمن الحطب ................شغلتي اشتري من البقاله بعشرة ريل ويكفيني ليله .........هاذا حد الحظر اللي مثلي .
تحياتي .

[ابـــ فهد ـــو]

التريلتين ب 8500 قل تم

[أبــ سعد ـــو]

نوع السلعه /

حطب




وصف السلعه / ( سمر نجد

و المدينة و الجنوب ولا يخالطه أي عود مهوب سمر على

الشرط افحصها عود عود )


الكمية : حمولة تريلتين جوانب

وبيرتفع الحطب من جوانبها ذراع لو تصفّه


الحالة العامة / يابس ما فيه ولا

عود أخضر على الشرط وبدون أي خروق أو نخور وكله مشلخ أو مشضّف أو مشلّق

موقع البيع /الرياض

إمكانية التوصيل / لا ولكن (أتكفل بإيجاد من يقوم

بتوصيله ولكن الدفع على المشتري)


إمكانية البدل /لا

يبدأ السوم من /صفر

الحد /25 ألف

الملاحظات /للبيع دفعه واحده (يعني ما أبيع بالتجزئه)
الصور المرفقة أدناه تم تصويرها قبل تشليخ الحطب




وكل ما ورد في الاعلان تحت مسؤليتي الخاصة والمنتدى لا يتحمل أدنى مسؤلية


وأن ألتزم بدفع العموله للموقع
__________________

الصـــــور / رفعت خمس صور وإذا ودكم بزود حطيت

http://www.feqrh.com/samr/7a-1__10_.jpg

http://www.feqrh.com/samr/7a-1__2_.jpg

http://www.feqrh.com/samr/7a-1__3_.jpg

http://www.feqrh.com/samr/7a-1__31_.jpg

http://www.feqrh.com/samr/7a-1__30_.jpg






الزبون الجاد والمعزّم يرسل لي رقمه علي الخاص ويشرّفنا ياخذ له فنجال

ويشوف الحطب على عينه وبراحته عشان يتطمن ان تمت البيعة الله يطرح فيها البركة وان ما تمت الله يرزقه خير

منها ويكفينا تشريفه محلنا والله يحفظه

" الله يرزقكم السلعة الطيبة لو ماهيب عندي "

[ابو البر]

اقول يا ابو سعد / سومتي النهائيه ( 10000) عشرة الاف ..................والله يرزقك با حسن منها .

[أبــ سعد ـــو]

اقول يا ابو سعد / سومتي النهائيه ( 10000) عشرة الاف ..................والله يرزقك با حسن منها .

----------------------------------------------------------

الله يجزاك خير ويرحم والديك ويوسع رزقك والمسلمين آجمعين

سومة طيبة من وجه طيب (ما لك لوى)

[أسير الصمت]

الله يرزقك البيعه الطيبه
والحطب واضح إنه من النوع الجيد

[هاوي الطيور]

انا اسومه 12000 الف ريال بشرط التوصيل

[أبــ سعد ـــو]

لاهنتوا على المرور وطيّب الله فالكم

وسومه طيبه من وجه طيبه اخوي هاوي الطيور (مالك لوى)

[غيم الطايف]

والله وانا اخوك حسب رؤيتي للصور اتوقع انه اقل من حمولة التريلة بالنسبة للهبج الواحد وحسب علمي ان التريله فالصيف ماتعدا 6500 وفالشتاء 10000 تقريبا وحنا في عز الصيف الحين كان ودك تحول شويتين عن سعرك فلي نظر بعد الشوف

[هاوي الطيور]

اذا كنت بياع دق علي انا شراي 13000 الف ريال
الجوال 0503121011