يامن يخبرلي باترول ربع من 97 الى 2003ب

[ابووو عبدالله]

يامن يخبرلي باترول ربع من 97 الى 2002
بشرط النظافه عامه للبدي والمحركات

تعبت والله وانا ادور تكفون فزعتكم يالاخوان


اخوكم ابو عبدالله

[كريم]

ابشر بندور لك

ولكن عالوقت ترى الجيوب غاليه اخوي بسبب الصيد

لو تصبر الى اخر رمضان تبي ترخص

[المصرقع]

انا عندي لك ربع تايوتا نظيف ومرهم موديل 99

ولكن طلبك نبي نسأل الاخوان ونشوف

[ابووو عبدالله]

الله يعطيكم والله ما تقصرون

بس اخوي المصرقع انا ادور نيسان الله لا يهينك

والله يجزاكم خير
ابووو عبدالله

[دافنشي]

فيه موجود ربع نيسان لونه فضي ماعليه موديله 96 بس نظيف اذا لك نظر كلمت راعيه

ليونارد دافنشي

[ابووو عبدالله]

السلام عليكم اخوي دافشني ومبروك عليك الشهر المبارك والله يجعلنا من صوامه وقوامه

اخوي انا ادور باترول سلقه (( سياحي ))
اذا هو سياحي ونظيف حطلي رقمك واللي الله كاتبه يبي يصير

ابووو عبدالله

[صاهود]

اصبر خذني على قد عقلي وش معنى سياحي انا اعرف سلقه لكن سياحي اول مرة

خل نستفيد منكم

[ابووو عبدالله]

اخوي صاهود اول شي اذا منت خابرلي موتر ماني معلمك هههههههه
هذا الله يسلمك السياحي اقل فئه من الباترول وبذات الربع يصير قزاز هندل وازره غير مركزيه وهو مشهور عندنا بالسلقه
ها بشر وصلت ولا لا عاد الله الله بالجيب النظيف بعد المعلومه


ابووو عبدالله

[حـاتـم]

أخوي الغالي ابو عبد الله


عندي لك ربع نيسان سلقه (( سياحي ))

اللون ابيض الموديل 2003

ونظيف بدي محركات

واذا تبي تشوفه راسلني على الخاص او حطلي رقمك

مع العلم انه بالدرعيه


وشكرا

أخوك / حاتم

[معشي الطير]

طلبك عندي يالي يبي السفاري 97 وهذا رقم جوالي 0504404628

[ولد سدير]

فيه واحد عند ولد عمي بس عذروبة جايه صدمة مع الرفرف القدامي وسمكره عند ورشه شغلها مهوب زين وبين اثر السمكرة

وانت وراحتك

[ابووو عبدالله]

السلام عليكم
يالربع الله يجزاكم خير وبيض الله وجيهكم بالعلم الغانم

اسف على التاخير بس انا اشتريت جيب باترول سلقه 99 ابيض بس ادعولي بالبركه

ومشكورين وما قصرتو واي خدمه من القصيم تراكم تامرون امر

محبكم ابووو عبدالله