تمر مناقيط عام 1430 (زهب دلك والحقني لمدينة تمير )

[ممسح البراري]

بسم الله الرحمن الرحيم


السلام عليكم ورحمة الله وبركاته


استغربت هذا اليوم عندما قيل لي انه طاح الون والتمر نقط :0022:
قلت مهوب معقول يصير في ذا الوقت قلت مشينا نتأكد بعيونا
ورحت اشوف انا ومعي (عرب تمير) الا والله الدعوة صدق :36_1_25:



استغربت وبشدة

عاد قلت نوثق الحدث بالصور ونوريها الاعضاء


1


http://www.albrari.com/vb/uploaded/20770_01241737375.gif (http://www.albrari.com/vb/uploaded/20770_01241737375.gif)



2




http://www.albrari.com/vb/uploaded/20770_11241737375.gif (http://www.albrari.com/vb/uploaded/20770_11241737375.gif)





3




http://www.albrari.com/vb/uploaded/20770_21241737375.gif (http://www.albrari.com/vb/uploaded/20770_21241737375.gif)








في النهاية اذكرو الله على النخلة لاتموت بعد ونارط براعيها .....هع

[خالد عبدالله]

مشاء الله تبارك الله
الله يعطيك العافية اخوي
خوش تأكيد بالبرهان والصور
بس اشك ان النخلة في محمية بلحاله؟
او نابته بجنب مخبز..ههههههه
الخبر اليقين عندك يالغالي هههههه

[طير شلوى]

وعليكم السلام ورحمه الله وبركاته


لاهنت يالغالي على الموضوع واعجبني توثيقكـ بالصور

والحر هاليومين توقع انه يسوي كل شي
ويمكن موقع هالنخله في مكان مخليها تطبخ طبخ

[عقـــــــــاب]

أول شيء ماشاء الله تبارك الله .

ثانيا طبعي جدا أنت تثمر هذه النخله لأنها أولا مزروعه داخل بيت ثانيا مغطاه

بكيس شفاف .

ونعلم أن حرارة البيوت والمدن أعلى من المزارع و البيوت مكتومه والمكيفات تزيد حرارتها .

فلو كانت هذه النخله داخل مزرعه لتأخر طلعها بسبب البروده والهواء المار على المسطحات

الخضراء.

سلام .

[مالك بدر]

ماشاء الله عليك أخوي ماجد

بين كل فتره وفتره طالع لنا بسبق

عز الله انها غريبه ان النخل الي عندنا توه يادوب ملقحينه هههه

[ابو عدنان]

ودي اصدق لكن صعبه

[ابو مشعل]

ماشالله تبارك الله
مثل ماقال اخوي عقاب
اكيد حرارة المنازل اثرت عليها
مشكوررررررررر

[ممسح البراري]

قول عني ماتقول... صوبي ترا صعب الوصول... ولي مايطول الرطب ؟ يابس عنة يقول....
)الله الله(

[عبدالهادي المفرج التميمي]

ابو عدناااااااااااااااااان
تكفى فزعتك جب لنا خبر هالنخلة
اخوووي ممسح البراري وصلها وانت لا ؟؟
تكفى ترى تكفى تهز الرجاجيل



سلام

[ممسح الريضان]

من حق ذي يابو عدنان

تكذب الرجال !!

يا أنك تتحاقون

واللي يطلع الحق معه يعشي أعضاء المنتدى :)

عند بندق تميرية

وش قلت ؟

وهادي هو الفاصل بينكم

[النجدي]

ممسح البراري ...

صعبة شوي ... وصعبة نكذبك ...

لو قلت في الوادي ...

[برق تمير]

يعطيك العاافيه ممسح

صدقناااااااك والله صدقناااااك


مشكووووور على التميز

[ممسح البراري]

يعطيك العاافيه ممسح

صدقناااااااك والله صدقناااااك


مشكووووور على التميز
يابرق تمير
الله يعاافيك) ( ولاكن للاسف البعض تعبيرة خاطى جدا

[عبد الله الحقيل]

وعليكم السلام ورحمة الله وبركاته ،،،

مصدق اخوي ممسح البراري ،،،

في الإمارات نوع يسمونه نغال (على ما أعتقد) يحمل ويستوي عجل مرة ،،،

شكله يشبه الي في الصورة ،،،

وفيه أنواع تتأخر مرة يعني مايلون الا بعد الصرام بوقت

[عرب تمير]

والله انهم صاديقين بعض الشباب لانة مهوب من المعقول الي نشوف الناس توهم عندهم درار
ولولا اني ماشفتها بعيني ماصدقتك يابوحمد

[ممسح الريضان]

ماشاء الله الجميع
موافقين لممسح البراري
أجل شكل العشاء بإذن الله على ابوعدنان

تحت بندق تمرية
ونبيه عكر ضبـان مقصدر و مبهر
ونسق مع ممسح البراري تراه خبرة في هالأمور

[ممسح البراري]

:hlaqla:
)الله مير يحييكم على قل الكلافة( )وان شاالله ان البيرق برفعة على البندق. وهو عبارة عن سطل تمر منقط.

[صقر الحراملة]

الله قادر على كل شيء

لا هنت على الخبر المتميز ممسح البراري

تحياتي

[عبدالهادي المفرج التميمي]

الموضوع حقيقي يا اخواااان وليس فيه اي كذب او مزح
وقد تأكدنا من الخبر ومصداقيته
فماله داعي الاتهامات الباطلة
واللي مكذب الله يحييه يشوف بعينه بس يجيب ذبيحته معه
مشكووووورين



سلام

[ابوتركي]

مشاء الله تبارك الله ها النخله تبكر واجد
اذا عنده منها افراخه للبيع رد لي الله يعافيك

[وسم 1418]

اتوقع انها من شكل النخله انها نبتت خلاص
وان كان لها فرخ حده
اخاف حاط الدفايه على التمر
هههههههههه

[أبو ناصر]

ما أتوقع إنك مصور النخلة هذي العام وحاط تاريخ السنة الجاية إللي هي السنة هذي ويوم جاء وقتها طلعتها ، ويبي يلعب على اعضاء البراري ، لكن أبو عدنان رجال فاهم في النخل مهوب مثلك

اخي الكريم الرجاء التحدث بأسلوب لبق وترك الكلام اللي ما فيه فائدة
النخلة موجودة وحقيقة وليست اكاذيب
سامحك الله وهداك لطريق الصوااااب

اخوك هادي

[عادل سدير]

مشاء الله
:tfkyr:السراحة أمرها غريب سبحان الله مخبط كمبيوترها الظاهر

[الشيخ]

يبدو انها من مناقيط جلاجل والله اعلم وليس من مناقيط تمير

وش رايك ياممسح البراري

على العموم جزاك الله خير

[ممسح البراري]

:0007:
معلومتك 100 %

[رمث]

ماشاء الله تبارك الله اللهم صلي على محمد
لكن ياليت يفيدونا الخبراء عن هذه النخله وليه صدرت بهالوقت

يعطيك العافيه ممسح البراري ولاتعبت

[عبدالهادي المفرج التميمي]

هذه النخلة تسمى هلالية
وحسب ما وردنا ان صاحبها يلقحها من لقاح العام الماضي
وانه يخزنه في الفريزر كل عام
وهذي ثاني مرة تحمل النخله
ولكن مصدرها الاساسي لا نعلمه وقد تكون من نخيل العراق


سلام

[المشراق]

السلام عليكم ورحمة الله وبركاته
إخي الغالي دائماً تتحفنا بالغريب العجيب
مواضيعك كله ذات نكهة خاصة وتحير الأعضاء وفي النهاية تكون انت الفايز
بما تقدمه من دلائل وبراهين تثبت صحة ما طرحت
ونصيحة لاتأتي بأي دليل على هذه النخلة حتى تضمن حقك
مثل ما شرط
الذبيحة اولاً
ومشكور يا غريب المواضيع
ههههههههههههههههههههه

[ابو حمد]

ماشاء الله تمر في ها الوقت عينى عليكم بارده انتم ونخلتكم
صراحة تخوفون يا اهل تمير منتدى وتمر ...ههههههه ههههههه
اجل ..
عزا الله ان العزبه والدله والمه والهيل من احسن الانواع وحياكم الله على القهوه من تمر نخلة تمير.. هههههههههه
ابو حمد،،

[الركام]

بسم الله الرحمن الرحيم




السلام عليكم ورحمة الله وبركاته


استغربت هذا اليوم عندما قيل لي انه طاح الون والتمر نقط :0022:
قلت مهوب معقول يصير في ذا الوقت قلت مشينا نتأكد بعيونا
ورحت اشوف انا ومعي (عرب تمير) الا والله الدعوة صدق :36_1_25:



استغربت وبشدة

عاد قلت نوثق الحدث بالصور ونوريها الاعضاء


1


http://www.albrari.com/vb/uploaded/20770_01241737375.gif (http://www.albrari.com/vb/uploaded/20770_01241737375.gif)



2




http://www.albrari.com/vb/uploaded/20770_11241737375.gif (http://www.albrari.com/vb/uploaded/20770_11241737375.gif)





3




http://www.albrari.com/vb/uploaded/20770_21241737375.gif (http://www.albrari.com/vb/uploaded/20770_21241737375.gif)









في النهاية اذكرو الله على النخلة لاتموت بعد ونارط براعيها .....هع

ماشاء الله تبارك الله اللون و الرطب قبل الحر حسب التاريخ يعني اكيد انهم صرمو الان وشكرا

[مهب الهيف]

بارك الله فيك اخي الكريم
ولا نشك في ذلك
شكرآ لطرحك
الرائع