اخواني دلوني على محل أو موزع يبيع الفايروخ بحائل أو القصيم الله يعافيكم

[ابو عبد اللــه]

السلام عليكم ورحمة الله


اولا اشكر جميع اعضاء ومشرفي المنتدى لأني فعلا استفدت منكم استفاده مالها حصر


والله يجعل ما تقدمون بموازين حسناتكم



ثانيا من ثمرات الفوائد بهذا المنتدى اني نويت اشتري بندق هوائي الماني فايروخ << على نصيحة الكثيرين


وبعدها خرازه برنو بإذن الله تعالى


ولكن ما وجدت بحائل ولا حولها محل يبيع الفايروخ الا عند الرميح وماله فروع بالشمال


فياريت اذا فيه احد منكم يقدر يدلني على محل او موزع اقدر اشتريها من عنده وله من كل الشكر والتقدير




ثالثا انا جربت قبل شهر الفايروخ 80 ولكنها ثقيله ومتعبه جدا في القنص لمسافت وأوقات طويله


فقررت اني آخذ 35 أو 75 أو 85 ولكن اهم شي عندي انها تصيب القمري من مسافه


في حدود الأربعين متر فهل جميع هذه الموديلات عمليه وياريت اذا تعرفون الاوزان



ولكم مني جزيل الشكر مقدماً

[ابو زيد]

هلا بخوي

ابو عبد الله ابي انشد لك ولعني افيدك غداً

الله يعينك اخوي


سلامي

[ابو عبد اللــه]

انا في انتظارك يا ابو زيد

[ابو زيد]

هلا ابو عبد الله

آسفين على التأخير لأن الرجال طالع للبر ومن يوم اكتب المشاركة وانا ادق عليه مغلق!!

يوم نزل اليوم دق علي وقلت له

قال لا والله مااعرف محلات ...

قلت ولا تخبر احد يبي يبيعها قال ابي اتلمس لك ..



اسفين مرة ثانيه ..

[ابو عبد اللــه]

الله يعطيك العافيه

امس رحت للزلفي واخذت واحد من محل الرميح

بيض الله وجهك ابو يزيد اشهد بالله ما قصرت