حنا والجيران

[شيخ المنتدى]

السلام عليكم ورحمة الله
الله يسلمكم باتكلم عن نفسي وعلاقتنا مع جيرانا . انا اصلا من احدى بلدان سدير وعايش وساكن في حي العزيزيه في الرياض
الشارع اللي فيه بيتنا بالكامل عماني واخر بيت جهة المسجد خالي اخو امي
وحولنا زهارنه وغمد وناس من الخرج واثنين من الزلفي
كل يوم احد - اوروبيين على غفله خخخخخخخ - بعد المغرب اجتماع جماعة المسجد كل مره عند واحد
مذن المسجد ابو خلف الزهراني والله والف نعم رجال طيب وكبير في السن وراعي طاعه ماشاء الله عليه
هذا شغلنا دايم واذا غاب احد لازم يبلغ واحد يقول للجماعه انه مسافر او عنده شغل
يعني متكاتفين وعايشين بخير والحمد لله وكاننا ايام زمان على قولة الكبار
الشيء الغريب ان البعض من سكان الرياض يقول انه مايعرف جاره ولا يعرف اسم المذن او الامام في مسجدهم يقول يركع الركعتين ويهرب ما يشوف احد
ياساتر وش الفايده من الجيران صايرين كانهم في بر مااحد يعرف احد
الله لا يبلانا
للجار حق على الجار ما ينتهي ابدا حتى اذا مات لازم يمشي في جنازته وما ينساه من الدعاء
الرسول صلى الله عليه وسلم يقول : مازال جبريل يوصيني بالجار حتى ظننت انه سيورثه
الكلام كثير عن جيراننا وحارتنا لكن ماابي اكثر عليكم
ان شاء الله اقول في المرات القادمه
وصلى الله على محمد واله وصحبه وسلم
اخوكم في الله
شيخ المنتدى

[ولد نجد]

اشكرك ياشيخنا على ايراد هذا الموضوع
من المعروف ان هذه العادة قديمة اتخذها الآباء والاجداد للتواصل والتكاتف فيما بينهم
ولكن الحياة المدنية الحديثة غيرت الناس
كم اتمنى ان تعود تلك العادة الجميلة لما فيها
من تطبيق لقول الرسول صلى الله عليه وسلم (مازال جبريل يوصيني بالجار حتى ظننت انه سيورثه)

[عبدالهادي المفرج التميمي]

يا حظكم

ولكن حنا في تمير الحمد لله ما زلنا متماسكين

لكن صدق انشد ناس في بعض الحاراااااات في الرياض عن جيرانهم ويقولون ما نعرفهم

والله الجدار في الجدار ولا يعرفه

لا حووووووووول الله

مشكوووووووووووووور




سلام

[ابو ناصر]

الله المسنتعان كل شيء اختلف اليوم
بارك الله فيك ياشيخ

[وحيد111]

اذا صفت القلوب وخلت من الحسد والغل على الاخرين سواء جيران او غيرهم تشوف المحبة والتقارب والاحترام المتبادل

بين الجيران والاقرباء لابل بين المسلمين عموما ..

بعض الجيران للاسف احسن وصف لهم ( جيران قبور )

اخوي شبخ المنتدى

الله يديم بينكم المحبة

[الصلبوخي]

وعليكم السلام ورحمة الله وبركاته

اخي الكريم شيخ المنتدى

فعلا ومع الأسف الشديد هذا الذي يحصل في كثير من الأحيان ان الجار لا يعرف جاره ولا حول ولا قوة الا بالله

اذكر قبل فتره كنت في سكنت في شقة وكان مقبل لي جار ومع الأسف جلست قرابة السنتين ولم يقلط عندي ولم اقلط عنده وكلما حاولت معه لا يقبل الله يذكره بالخير

اما ألان ولله الحمد فقد اننتقلت لمنزل آخر وحارة اخىرى والحمد لله هناك ادورية فيما بيننا كل تقريبا شهر

وقد عرفت كثيراًطيب اصلهم ومعدنهم خلا ل فترة مرضي فنعم الجيران كانوا

بارك الله فيك اخي على طرحك لهذا الموضوع المهم فا لجار في بعض الأحيان يكون اقرب من الأهل

فمتى ما اطمأن الشخص ان جاره امين ومخلص فالحمد لله رب العالمين وان كلت عكس ذلك فالله يؤلف بين القلوب

وآسف للإطالة

كل الشكر والتقدير

[دواس علف]

هذا شيء افتقدناه فيي زحمة المدن بكل اسف
لكن الله كريم

[nahham]

اخي الكريم : شيخ المنتدى

طرح جميل يبشر بميلاد عضو نشيط

اهلا بك

[محمد القحطاني]

بارك الله فيك اخي الكريم

وسوف ازيد قليلا بخصوص حقوق الجار

حب الجار

إكرام الجار

عدم تحقير الجار

عدم إيذاء الجار

حماية بيت الجار

لك كل شكر وتقدير

[شيخ المنتدى]

السلام عليكم ورحمة الله
الله يثيبكم جميعا على الزيارة وحسن الرد
جمعنا الله واياكم في الفردوس الاعلى من الجنان
شكر الله لك اخي في الله نهاااام على المديح وارجو ان اكون عند حسن الظن
ستتوالى القصص ان شاء الله تعالى
وصلى الله على نبينا محمد واله وصحبه اجمعين
اخوكم في الله
شيخ المنتدى

[@الذيب@]

مشكور على الموضوع اخوي وبارك الله فيك

[صقر تميم]

بارك الله فيك شيخنا على الموضوع المميز
اثابك الله

[المخاوي]

هذا اسلوب المدن كلها مو الرياض
بكل اسف هذا الواقع ان الناس ماتعرف احد

[ريــم البراري]

مشكور اخوي ع الموضوع الحلو ماتقصر

[مهبول تطعيس]

الله يرحم الحال ما صرنا نعرف احد من الجيران
هذا الرياض ياخوي

[رحال الجزيره]

ابشرك انا مثلكم عندنا دوريه ونشوف الربع الظاهر ان اهل النسيم ديرة لحالنا
مشكور

[الغربي]

والله يالغالي سكنت مايقارب 11 سنه في ام الحمام

وكان لنا جار حتى السلام مايسلم الله يهديه

بس جيد في الشكاوي والمشاكل

لكن عوضنا الله بجيران فيهم الخيروالبركه في حينا الجديد






ومشكووووووووووور على الموضوع القيم

[كمال]

المدن وما تسوي
واختلاف الناس والعادات اعتقد من اسباب عدم التالف

[الرياضي]

الله يجزاك خير
احنا في البديعه مااحد يعرف احد
انا لله

[رحال الصحرا]

ياخسارة على المدنية الحديثه اللي هذي من اسبابها

[فواز]

الله يرحم والديك على الحكاية الزينه

[صافي النيه]

كل يتعذر بالمدن لكن اللي يبي شي يحصله

[مغرز بالمسفلت]

ماشاء الله تبارك الله شيء رائع يالغالي

[حكيم زمانه]

مصيبه قطع الارحام وعدم الاهتمام بالجيران

[شيخ المنتدى]

شكر الله لكم اخوة الاسلام واثابكم الله
ردود وتفاعل جميل بارك الله فيكم

[معدي المرقاب]

مشكور على الموضوع اخوي وبارك الله فيك

وجزاك الله خير

[الجنوبي 2000]

والله صلة الرحم زينه والاقاارب والجياران والله يوفقكم

[A7MAD]

ابشرك الى الحين احنا ذا في القويعيه
الله يديم المحبه يارب
تعييييييييييييييش