حسبي الله عليهن خربن علينا كشتتنا

[اسبطر]

السلام عليكم ورحمة الله وبركاته
في يوم الخميس 6/12/1429 خرجت انا والعائلة الى ملف الطوقي وكان الجو جميل وعند وصولنا بدين نصلح القهوة والشاهي لكن الي في الصور المرفقه ماعجبهم وضعنا فحصل بيننا وبينهم مناوشات تطورت بعد ذلك الى حرب عالمية ثالثة (( يعني اذا سألك احد كم الحروب العالمية فقل ثلاث ولا تقول ثنتين )) المهم ان الحرب لم تستمر طويلاً فقد ازدادت الغارات الجوية علينا فولينا هاربين لا نلوي على شيء .

http://www.albrari.com/vb/imgcache/7495.imgcache (http://www.albrari.com/vb/imgcache/7495.imgcache)

http://www.albrari.com/vb/imgcache/7496.imgcache (http://www.albrari.com/vb/imgcache/7496.imgcache)

http://www.albrari.com/vb/imgcache/7497.imgcache (http://www.albrari.com/vb/imgcache/7497.imgcache)


واخيراً شف من لعانته واقف على رجليه على حبة فصفص
http://www.albrari.com/vb/imgcache/7498.imgcache (http://www.albrari.com/vb/imgcache/7498.imgcache)

اعزائي المشرفين والأعضاء والزوار الله يكرمكم لكن من القهر الي صار لي ولأولادي حبيت انقل لكم صور من قلب المعركة .
كل عام وانتم بخير

[@ أبو راشد @]

والله مشكله


لكن انصحك خذ معك ناموسيه كبيره اريح لك بواجد :)

[دندشه]

الله يكون بعونك اخوي

مشكلة الذباب عويصه حايسك حايسك

لكن يقولون سنة الذباب ولا سنة الغراب

دندشه

[ولدالعز]

والله مشكله البر هاذي الايام بس

يقول المثل

سنة ذباب ولاسنة غراب

يعني سنة الذباب سنة الربيع والخير
وسنة غراب كثرة موت البهايم والجوع

مااقول الى الله يصبرنا

بس


وشكرا اخوي

[اسبطر]

اشكركم الله يكرمكم

[برق الظلام]

والله مشكله البر هاذي الايام
بس اذا شفت حواليك وشفت الربيع
يهون شوي

[زلطه]

اخوي لاتصير بشعيب او مسيلة اوشغية خلك في مكان ظاهر وانشاء الله تسلم منهن اي مطرق هواء

[اسبطر]

كلام اخي برق الظلام واخي زلطه

كلام صحيح اشكركم
وعيدكم مبارك

[عبدالهادي المفرج التميمي]

ربي يعينك ويعيننا
لكن مع دخلة المربعااانية قلت شوووووووي
والله انها حرررررررب مهيب سهله
ما جربتوووا معهن فليت ؟؟
مشكووووووور
لكن لو حطيت شي حولك سكر في ماء يروحن له كان يمكن تفتك منهن !!!

سلام

[اسبطر]

اخي المحترم هادي
اباخذ بشورك والمره القادمه نمر على سوق الجملة وناخذ كرتون فليت وكيس سكر ونشوف نهايتها معهن

تشرفت بالرد على مقامك .... في حفظ الله ياهادي

[ابو مشعل]

كل عام وانت بخير

[عاشق ديرتي]

اي والله انها دمار وبس
لافي كشته ولا اي شي

سوت لنا بلاوي الله لايبارك فيها

[عبدالعزيز]

سنة ذباب ولا سنة غراب

--------

[كابريس]

والله مشكله
لازم نصبر

[الغانمي]

الله يكرمك اخوي





والله يعينك


وشكرا

[اسبطر]

ابو عدي
عاشق ديرتي
الراعد
كابريس
حياكم الله جميعاً ومشكورين على المشاركه

[الرااااااااايق]

الله يعينا وياك,,الذباب سالفته سالفه
الله يكفينا شره
الله يعطيك العافية

[rhaal]

شف وأنا أخوك ما فيه شيء موجود إلآ له حكمة من رب العالمين بس يا هن قلق ومن العوامل اللي تخليهن قليلة حولك إنك تدور مكان نظيف وتنظيف المكان أول بأول وكذلك تشب لك ضويهـ وتخليها تغمتهن بالدخنه لأنه دخان الحطب ما مثله طارد لهن وعدو لدود وإللي بنت لأبوها تقول أنا ذبانه تجي حول دخان الحطب والله يأنها تفنعش (أي تموت) على طول وتقبل مروري

[اسبطر]

شف وأنا أخوك ما فيه شيء موجود إلآ له حكمة من رب العالمين بس يا هن قلق ومن العوامل اللي تخليهن قليلة حولك إنك تدور مكان نظيف وتنظيف المكان أول بأول وكذلك تشب لك ضويهـ وتخليها تغمتهن بالدخنه لأنه دخان الحطب ما مثله طارد لهن وعدو لدود وإللي بنت لأبوها تقول أنا ذبانه تجي حول دخان الحطب والله يأنها تفنعش (أي تموت) على طول وتقبل مروري

ياولد الذين آمنوا اثر لك خبره في مكافحة الذباب ومسكت كل هالوقت

ابشر اخوي رحال الكشته القادمه اطبق نصيحتك ونشوف يأنا ياهن:h42:

[rhaal]

ابشر اخوي رحال الكشته القادمه اطبق نصيحتك ونشوف يأنا ياهن:h42:[/quote]

بس وأنا أخوك لا تقرب أنت من الدخان لآ تفنعش أنت الله يستر عليك همن بكرة خبرك بالجرايد وفاة اسبطر مختنق بدخان حطب (بعيد الشر عنك)

[اسبطر]

يعني اخوي رحال
لو اموت يكتبون اسمي في الجريده

ياسلام ودي يطلع اسمي في الجريده:36_1_5[1]:

[أبو تميم الفيصل]

ياشين الذباب هالسنة

[اسبطر]

ياشين الذباب هالسنة

هلابك ابو تميم
هو دايم شين هالسنه وغيرها

اشكرك ابو تميم:36_3_12:

[اليــخت]

ولله في خلقه شؤن

[طبيب المواتر]

الله يعينك

[فهد التميمي]

سنه الذباب ولا سنه الغراب
الله يعطيك العافية

[عاطف دياب]

والله يااسبطر منظر الذباب في الشاي صعب اقشعر بدني من المنظر ارجو بعد ذلك تخير الاماكن الخاليه من الذباب ياخي

[فهدالفهد]

هههههههههههههههههههههههههه
معليش خيرها بغيرها

[ابوبسام]

سمعت ان فيه طريقه لطرد الذباب بس ما جربتها ياليت الي جربها يقول لنا عنها
هل هي مجديه ولا لا

الطريقه :

انك تقطع ليمونه قطعتين او اربع قطع وتخزز فيها اعواد قرنفل(عويدي أو مسمار)
تكون قريبه منك وخصوصا وقت الأكل وبكذا تطرد الذباب عنك

[سفير الجنوب]

ربي يعينك ويعيننا
لكن مع دخلة المربعااانية قلت شوووووووي
والله انها حرررررررب مهيب سهله
ما جربتوووا معهن فليت ؟؟
مشكووووووور
لكن لو حطيت شي حولك سكر في ماء يروحن له كان يمكن تفتك منهن !!!

سلام






تراك لو تحط سكر تراه خديعة وماهي طيبة في حق النشاما بعدين يكتشفون الحقيقة ويصير شيء ماهو طيب إيش يكون موقفك بعدين ؟؟؟؟؟؟

ترى يحطونك في القائمة السوداء

انتبه

[الشايب]

سمعت ان فيه طريقه لطرد الذباب بس ما جربتها ياليت الي جربها يقول لنا عنها
هل هي مجديه ولا لا

الطريقه :

انك تقطع ليمونه قطعتين او اربع قطع وتخزز فيها اعواد قرنفل(عويدي أو مسمار)
تكون قريبه منك وخصوصا وقت الأكل وبكذا تطرد الذباب عنك

http://up.syriaroses.com/upload/2007/12/d2cc70fd78.jpg (http://up.syriaroses.com/upload/2007/12/d2cc70fd78.jpg)

مثل ما شفت الطريقة بسيطة جدا
عبارة عن طبق فيه ليمون وبه اعواد من القرنفل
جربها وشف النتيجة وخصوصا بالعزايم
وانت منت خسران شي بحول الله
اقل شي لتفادي الإحراجات وقت العزايم
موفق خير يالغالي

[راكان الربيعه]

الله يعونك

[عاشق عيون الجواء]

الله يكون بعونك . . .

هذي مشكلة الذباب يخرب على الإنسان الكشته . .

مشكور على طرحك للخبر . .

[ابوشعيل97]

الله يكون في عونك
الحمدلله انكم رجعتو سالمين بعد المعركه الحاميه

[الزنبقي]

اخوي لاتصير بشعيب او مسيلة اوشغية خلك في مكان ظاهر وانشاء الله تسلم منهن اي مطرق هواء

هذا هو الحل الوحيد هذة الأيام

[عاشق ديرتي]

ياكثرهن والله
حتى في شعيب ابوسلم
سوون بلاوي

[الرفيعة]

مافي خلاء او صحراء فيها ريحة طعام بدون ذباب
الله المستعان

[ثاري]

معليك فيه شفاء

[خالد الميزاني]

والله مشكلة هالذباب وخاصة في فصل الشتاء أعانك الله