مطلوب قارمن 276c

[مفتون صيد]

مطلوب قارمن 276c بكامل عدته وعتاده ولو فيه صوره افضل .......... ويكون اخو الجديد يعني نظيف

[الشقراوي]

موجود وعلى طلبك يالغالي بس انا شاريه ابي اتكسب فيه ربحني وابشر به

[مفتون صيد]

هلا اخوي .......... والله ما اقدر اعطيك سعر الين تعلمني وش اللى معه
يعني اسلاكه وسيدياته وقاعدته وكرتونه وباقي شغلاته وضمانه كم فيه ........ وهل معه ذاكرة خرائط وكم سعتها وهل فيها خرائط على اساس اقدر اقيمه واقدر اسومه منك وان شاء الله ما صاير الا الخير
انا في انتظارك

[محمد القحطاني]

موجود يالغالي كل اللي ذكرته بس مغلي في سعره شوي

حادة 2500 ريال بس اخو الجديد

لك كل شكر وتقدير

[مفتون صيد]

السلام عليكم

والله يالبري مادريوش اقول لك بس ترى سعرك او حدك غااااااااااااااااالي مره يعني سعرك يفوق سعر الجديد او حوله
انا سأل امس دار موجه ولا بعد درا موجه الحين صار ينافس ويعطي سنتين ضمان استبدال الجهاز

ان كا لك سعر وحد غير هالحد علمني وما يصير الا كل خير ........ لكن على حدك 2500 ما اظن اشتريه غالي مره سعره سعر جديد

[سلوم]

اخوي البري راعي الرجال شوي في السعر

هو صادق سعرك غالي بالحيل مهوب شوي وبس

تكفى عاد لا تفشلنا

[صـ نجد ـقر]

انا اقول بالفين وميتين اذا هو جديد بالحيل وضمانه ساري المفعول

وش رايك اخوي مفتون تراك تستاهل الفزعه يالغالي

[قناص الاردن]

لا يا اخوي البري والله غالي

الا اذا ذاكرته من 32 ميقا وفوق ومحمل فيه خرائط السياري او دار موجه ومعه كامل عدته وعتاده

لان الجديد بحوالي 2800 ريال

[دواج]

اي نعم ياشباب ابي انا بعد واحد لكن يكون عربي

[al7rbi]

اللي تبي عربي موجود يالله سم وترانا بياعين

وبالنسبه لاخوي مفتون صيد السعر منايب 2200 توكل على الله واشتر اذا هو اخو الجديد

[خيال الدهما]

جهاز قارمن بكامل معداته وذاكرة 32 ميقا ومحمل عليه خرائط الصحراء مع سي دي برنامج مابسورس وقاعدة وتوصيلة سيارة واريل خارجي

يالله ننتظر منك السوم والضمان باقي فيه 4 شهور

[عبدالهادي المفرج التميمي]

ما شاء الله الربع فازعين معك فزعة طيبه

اجل ما نقوول الا مبروك يا ابو عبد الله وشكلك تتشتري منهم

لكن لو بغيتني ادور لك عند اهل تمير مستعد بس علمني كم نهايتك برسالة خاصة وابشر بعزك

مشكووووووووووووور على ثقتك بنا





سلام

[الصاعق]

اخوي خيال الدهما

ذاكرته الاساسة معه او مرجعه للوكيل ؟؟

اذا هي معه انا لي نظر في الجهاز بعد اذن اخوي مفتون صيد طبعا لان الموضوع يخصه في الاساس

انتظر الرد

[مواطن]

طارت الطيور بارزاقها الظاهر ماهنا شي الا اذا جو الناس من الاجازات

[ابو فرح]

صار الموضوع حراج اجهزة وصاحب الشأن نايم في العسل

المهم انا اشتري جهاز اخوي خيال الدهما بـ 2300 بشرط الذاكرة الاساسية معه

[ذباح الحيل]

السلام عليكم

تستاهل اخوي ابو فرح وسومتك طيبه مثلك واذا الله ما كتب لك بيع لنا ردت راس في بعض الاشياء المعروضة للبيع



اخوك
ذباح الحيل

[الـــوردي]

ما شاء الله

بيع وشراء وحنا مالنا نصيب في الحراج

اذا احد عنده جهاز يبي يبيعه ترانا ودنا بواحد معبى ومليان خرائط واحداثيات

[خيال الدهما]

هلا اخوي ابو فرح

نصيبك والذاكرة الاساسية 6 ميقا مع الجهاز ولك فوق البيعه كل البرامج المتخصصه في الخرائط مثل ماب اديت والايرث والاوزي وبعد لك سيدي فيه خرائط الصمان وغيرها

تستاهل

وانتظر مراسلتي على الخاص

ادعوا له بالتوفيق

وسوف ارسل لك رقم جوالي للمفاهمة على التفاصيل وتشوف الجهاز بعينك

[وميض البرق]

مبروك ابو فرح

وربي يوفقك

واذا تخبرون جهاز مثله تراني ادور بعد

[صقر البر]

وين اخوي مفتون صيد

انا شايف انه غائب عنا من فترة عسى المانع خير

تكفون اذا احد يعرف عنه شي يخبرنا

[عاشق القمرا]

مفتون صيد شكلك ما اعجبه السعر وقال ابعد

والا المفروض يتابع موضوعه

شكرا لكم وربي يوفق اللي شرى الجهاز

[شمالي غير]

السلام عليكم ورحمة الله

اولا انا ضيف جديد عليكم واعجبني المنتدى وماترددت اسجل به

ما اقول الا ما شاء الله تبارك الله



ثانيا انا ابحث عن قارمن 276 واللي عند جهاز للبيع انا شراي والافضل مراستلي على البريد [email protected]


ولكم الشكر