اراكم نحو المخيم

[الخفوق]

السلام عليكم
ياشاباب انا ناوي اسوي مخيم متواضع في الشتاء وبيكون المخيم شبابي ومدته خمس ايام
وش تنصحوني اسوي تقريبن عدد افراد المخيم 5او7 ابيه مخيم ماينسي على مايقولن
وراحيكون المخيم في النفود وشتنصحون اجيب معي وشاسوي:36_11_14[1]:

[دندشه]

حياك الله اخوي

* المخيم يتحاج اول شي النظافه يجب المحافظه عليها . ولا تستحي من احد اذا شفت احدهم يرمي شي قله يشيله الى برميل الزباله اجلكم الله

* خيمه تكون مشب واجهته جنوبيه عن البرد

* وخيمه تكون خاصه للنوم والباب مايكون شمالي ولا غربي حاول اقرب ماله انه جنوبي

* مكان الغسيل يكون بعيد عن خيمة النوم وقريب شوي للمشب

* الاناره حيب رغبك

* انتبه من بعض الشباب لا يفحط اذا تهاونتوا تكبر السالفه ولا تحمد عقباها

* عليكم بالمحل الزين النظيف البعيد عن جحور الحيوانات

وفقكم الله اخي والتنسى (( اترك المكان انظف مما كان بقدر الامكان ))

لا تنسى الذكر والورد ولا تنسانا من صور المخيم والكشته .

دندشه

[الخفوق]

مشكور اخوي وماقصرت كلامك كله بنحطه في عين العتبار
تكفون ترانا نطمع في ردودكم ونصايحكم

[أبوصالح الزعاقي]

لأخ دندشة ما ترك لنا شيء
1- لكن إذا كنتم شباب فابتعدوا عن أماكن تخييم العوائل حتى لا يتضايقوا

2- كذلك البعد عن التخييم في بطون الأودية والشعبان

3 - أيضا إذا خيمتم في النفود فحاولوا أن لاتخيموا في النقر القعيرة لأنها مكان للطل والصقيع

4 - إذا كان تخيمكم في حزوم فاحرصوا على البعد عن مجاري المياه ( الشغايا ) واجعلوا مخيمكم في مكان مرتفع عنه

5 - عليكم بالاسعداد التام من حيث العزبة والغذاء والفرش واللباس لأنك في البر قد يأتيك مطر أوبرد شديد أو عج فاحتط لهذه الأحوال الجوية المختلفة

أسأل الله أن يوفقنا وإياكم لما يحب ويرضى

[مهب الهيف]

نتمنى لكم التوفيق وان يكون أجتماعكم على خير وبركه والمحافظه على الصلاوات في وقتها وعدم التهاون بها ولاتنسون ابوفروه بدونه ماتصلح الجمعه ..... تقبل مرور اخوك مهب الهيف

[الخفوق]

مشكورين وما قصرتو

[النايف]

مشاء الله يالخفوق طيب اعزمنا على الأقل <<<< أمزح

على العموم خلنا في الموضوع

1- تجميع العده من خيام وعقود+ لمبات وماطور وتانكي ماء أو جراكل وفرشات ومسحات

وشواكيش ... طبعا الحطب عندكم في النفود ولا تقطعون الرطب !!!!!!

نجي لعدة الطبخ

1- الغاز والمواعين من قدور وصحون ( والمقلى ) وسكاكين وملاعق وذرايه هواء

2- الزيت والملح والبهارت

عدة الشاي والقهوه

1- البرقان والدلال

2- الشاي والسكر + القهوه والهيل والمسمار والزعفران

يبقى لنا اختيار الوقع كما ذكرو الأخوان

* بالنسبه لنصب الخيام يجب أن تكون على شكل حرف أل بالأنجليزي

ويصير بالوسط الوجار وتكون وجهتهن وحده تفتح جنوبب ووحده تفتح غرب

* توصيل الكهرب تبدى من الخيمه البعيده عن الماطور ثم القريبه من الماطور

* عدم وقوف السيارات أمام واجهات الخيام بحيث تكون السيارات خلف الخيام

والله الموفق

[طيب الفالى]

نظافه المكان ولا ازودعلى كلام الاخوان
رحله سعيده مقدماً

[لمعة برق]

مشكور تم المرور

[الشيخ]

جعلك على القوه

وانشاء الله انك ماتقصر