التانكي مصدي .. وش الحل

[هامـة مضر]

السلام عليكم ورحمة الله وبركاته

عندي تانكي مصدي من برا حلو وشوفته جديد . لكن أول ما اعبيه ماء ينزل ماء مصدي (موية حمراء) ونفس الحكاية حتى لو طول بيصب موية حمراء . وش الحل فيه ياأخوان .
للمعلومية أبيه للغسيل فقط .
أنتظر آرائكم

[الفجر2002]

وعليكم السلام ورحمة الله وبركاته
الحل واناأخوك إنك تغيره وتدورنوعية احسن استيل أو المنيوم أو أرخص مثل الصاج الياباني ابو نجمة ان وجد ( يوجد تقليد ) ويكون 2 ملم وتحرص على عدم تركه فاضي فقد استخدمت وبقي معى حوالى 7سنوات ولم يتغير الماء فيه :36_1_39[1]:

[دندشه]

حياك الله اخوي

الحل بسيط بإذن الله بس يبي تصبر عليه ايام

عليك بكيس ملح خشن وحطه كامل في التانكي وخل المويه فيه اكثر من النصف وخله اسبوع الى اسبوعين ثم فرغ الماء وعاود الكره مره ثانيه
وثاليه لكن قلل نسبة الملح وان شاء الله ينفع معك

انا سبق واستمعلت العمليه على تانكي سياره ونجح معي والحمد لله

لكن اهم شي لايكون النانكي كله مصدي بالكامل حاول قبل انك تولع بوسطه بالتريك وتشوف ان كانه عده اماكن متباعد ينجح ان شاء الله

اي استفسسار ابشر بسعدك اخوي

دندشه

[هامـة مضر]

يعطيك العافية أخوي الفجر 2002

[هامـة مضر]

مساك الله بالخير أخوي دندشه
التانكي مهوب تانكي سيارة . وحجمه نص متر في نص متر وأرتفاعه نص متر وفيه فتحتين اللي فوق ثلاثة بوص والثانية نص بوص . هل ينفع الملح فيه وهو غير متحرك . انا مستعد أصبر عليه أسبوعين بس يزين . سمعت أنهم يحطون فيه ماده مثل البويه ويروًح الصدأ . هل هذا صحيح , ووين موجود .

[ابونواف التميمي]

حياك الله اخوي

الحل بسيط بإذن الله بس يبي تصبر عليه ايام

عليك بكيس ملح خشن وحطه كامل في التانكي وخل المويه فيه اكثر من النصف وخله اسبوع الى اسبوعين ثم فرغ الماء وعاود الكره مره ثانيه
وثاليه لكن قلل نسبة الملح وان شاء الله ينفع معك

انا سبق واستمعلت العمليه على تانكي سياره ونجح معي والحمد لله

لكن اهم شي لايكون النانكي كله مصدي بالكامل حاول قبل انك تولع بوسطه بالتريك وتشوف ان كانه عده اماكن متباعد ينجح ان شاء الله

اي استفسسار ابشر بسعدك اخوي

دندشه

هذا هو الحل

بس انا اختلف مع اخوي دندشة لو كل ثلاثة ايام كان احسن

وراح تشوف النتيجة بعد فترهـ

تحيتي لكـ

[الشيخ]

الحل هو انك تفتح فتحه صغيره وتقوم وترشه قار لين ماتغطيه بالكامل

ثم تغطي الفتحه بعد ماترش سقفها بالقار ثم بالحام وهذه الطريقه مجربه

بعدين خله ييبس ثم عبه ماء فل

ثم قل شكراَ ياشيخ

[دندشه]

مساك الله بالخير أخوي دندشه
التانكي مهوب تانكي سيارة . وحجمه نص متر في نص متر وأرتفاعه نص متر وفيه فتحتين اللي فوق ثلاثة بوص والثانية نص بوص . هل ينفع الملح فيه وهو غير متحرك . انا مستعد أصبر عليه أسبوعين بس يزين . سمعت أنهم يحطون فيه ماده مثل البويه ويروًح الصدأ . هل هذا صحيح , ووين موجود .

مساك الله بالنور والسرور

بهذي مدري والله هل ينفع ولا لا

لكن ان شاء الله تلقى حل

دندشه

[زلطه]

مدام مصدي اعتقد ماينفع معه اي شي وحفاضا على صحتك يجب عليك تغيره بعينه ممتازه حتى لو كان للغسيل كما ذكرت

[هامـة مضر]

مشكورين ياخوان على الردود والإقتراحات . لكن عزمت أكب فيه عشر أكياس ملح وأملاه فل وأبتركه شهر وكل ثلاث أيام بزوده ماء . زان زان مازان أقرب ضلع

[دندشه]

مشكورين ياخوان على الردود والإقتراحات . لكن عزمت أكب فيه عشر أكياس ملح وأملاه فل وأبتركه شهر وكل ثلاث أيام بزوده ماء . زان زان مازان أقرب ضلع


راي سديد بس وشوله اقرب ضلع

دور على راعين الحلال وعطهياه معلف

دندشه

[هامـة مضر]

راي سديد بس وشوله اقرب ضلع

دور على راعين الحلال وعطهياه معلف

دندشه

ههههههههه أبشر

[ولدالعم]

مدام مصدي اعتقد ماينفع معه اي شي وحفاضا على صحتك يجب عليك تغيره بعينه ممتازه حتى لو كان للغسيل كما ذكرت
:0007::0007::0007::0007:

[عبدالهادي المفرج التميمي]

ابنتظر شهر واذا ما ضبط معك علمني
فيه بخاخ غراء يذكرونه في ساكو ولكني ما جربته
مشكووووووووور


سلام

[المزروع الرس 55]

اخوي عليك بالملح

[جراب]

يااخي لاتتكلف لن يذهب الصدا
فصل غيره ستيل اوفيبر
احسن لك