ماذا تفعل اذا نسيت الصحن بالبر

[الفجر2002]

السلام عليكم ورحمة الله وبركاته
إذاكنت في البر واستوى الغداء ودورت الصحن ولالقيته ماذا تفعل ؟؟؟
1 / احفر حفرة دائرية على المقاس الى تريد وتكون نازلة عشرة سم تقريباً ثم ضع السفرة داخل الحفرة وبعد ذلك ضع الغداء وسم الله 0
2 / إذا كان معك جيب فك غطاء الاستبنة وضع الغداء داخلها 0

[مخاوي المزن]

وعليكم السلام ورحمة الله وبركاته

اكل من القدر
بعد تبريده بها
واذا كان عندك صخور ما احلى الاكل عليها
تحياتي لك اخوي

[الفجر2002]

شكراً لمروك يامخاوي المزن ولكن الموضوع لاهل السفرات البعيدة الربع الخالي .. النفود ........ اللي مافيها صخور الا ان كان تبي تاخذ معك صخرة خذ معك صحن وتريح
اما القدر يكون كاتم وحار والجماعة كثيرين وشلون تاكلون :h31:

[دندشه]

الله يعطيك العافيه

موضوع جميل تشكر عليه

بالامكان الاستفاده من الغطاء بديل للصحن

دندشه

[ابونواف التميمي]

الله يعطيك العافية على الطرقة الرائعة اخي الفجر

تحيتي لك

[الساري]

عليكم السلام ورحمة الله وبركاته
الحقيقة طريقة الحفرة هي المناسبة جدا خاصة انه تتحكم بالحجم حسب حاجتك
مشكور على الطرح الجميل

[الفجر2002]

يعطيكم العافية ياأخوان على الردود وشكراً لمروركم

[الداكوتا]

شكرا لك اخي الكريم.....
لكن اقول مادام معك سفره ماله داعي الحفرة ..على السفرة مباشره...ولا ويش رأيك

[الفجر2002]

شكرا لك اخي الكريم.....
لكن اقول مادام معك سفره ماله داعي الحفرة ..على السفرة مباشره...ولا ويش رأيك

شكراً لمرورك ورأيي أنك تسوي الطريقتين على السفرة وفي الحفرة وتقول لنا رأيك !!!! :h62:

على السفرة سلمك الله _خاصة إذا كنتم مجموعة _ يروح الرز يمين ويسار
اما في الحفرة تقدر تتحكم به كنه في صحن

[هامـة مضر]

ما دام معك سفره أكف القدر عليها مباشرة والدعوه رز ولا مكرونه مهوب مرقه
تحياتي لكم

[عبدالهادي المفرج التميمي]

ما شااااااااء الله
خلاص ما عاااد نبي الصحن معنا في البر
من فكرة تولدت الف فكره
مشكووووووووور





سلام

[زلطه]

فكره طيبة جدا

[ابوشعيل97]

هامة مضر

والله انك صادق الدعوه كبسه مهب مرقه هههههههههه

وان انشقة السفره في الحفره ناكل رز بالتراب يعني

احسن شي في القدر احفظلها وان كانو كثيرين نوزع ارقام بالدور :0055: ياذكي

[الفجر2002]

هامة مضر

والله انك صادق الدعوه كبسه مهب مرقه هههههههههه

وان انشقة السفره في الحفره ناكل رز بالتراب يعني

احسن شي في القدر احفظلها وان كانو كثيرين نوزع ارقام بالدور :0055: ياذكي

يابو شعيل شكلك تاكل الرز بمسحاة مهوب باصابعك :myt: لذلك دبل السفرة

[ابوشعيل97]

يابو شعيل شكلك تاكل الرز بمسحاة مهوب باصابعك :myt: لذلك دبل السفرة
هههههههههههه

حلوه :h25:بمسحاة ماصارت كبسه الظاهر نحفر نطلع ضب

هههههه

[الفجر2002]

لاتزعل يأبو شعيل خيرها في غيرها وشكراً لمرورك

[الراقي]

وان كانو كثيرين نوزع ارقام بالدور :0055: ياذكي

إما نبي نجلس نطالع متى يجينا الدور والجماعة حاضبين على القدر ياكلون

والله اللي ماهيب صايرة

الا حفرة وسفرة اهون

[أسير الصمت]

فكره طيبة جدا

[الريماوي]

وش رايكم ياخوان في القصدير تفرشه وتسويه على شكل صحن وهذي الطريقه كنا نسوها يوم كناندرس في الخارج ولامعنا صحون تكفي الجماعه

[حسان القصيمي]

مشكووووووووور وفكرة القصدير طيبة

[فتى الكهول]

افكار جميلة

يسلموووو

[الفجر2002]

شكراً لمروركم ونبي تفاعل وطرق جديدة

[أسير الصمت]

طيب إذا كان ما فيه سفره وش الحل يا إخوان ؟؟

[الفجر2002]

اذا كان مافيه سفرة وانا اخوك كل في القدر والا زي ماقلنا فك غطاء الاستبنة وضع الغداء داخلها :36_1_11[1]:

[أعالي السحاب]

بارك الله فيك ونفع بك وجزاك خير الجزاء

[ابو عبدالغني]

بسم الله الرحمن الرحيم
يعطيكم العافية اخوني على المشاركة
الحلوة بالفعل مادام معكم سفرة في صندوق
السيارة وسم بالله وبالهنا والعافية

[صدى المطر]

يعطيك العافيه

[الواهبي]

مناسب لكن ما تشوف إنها بتصبح وجبة بالرمل..

فيه طريقة اخرى..
ازبر (جمع) لك كومة رمل وافتح في منتصفها دائرة على شكل صحن وحط السفره
وهنا يكون الاكل مرتفع عن الارض..

تقبل مروي

ابو سياف