تكفون وش اسم الشجره هاذي

[الجيب الاسود]

بسم الله الرحمن الرحيم

هاذي الصوره التقطها باحث اثار قبل مده من التنهات اوخريم المهم انا اخذتها . تدرون

ليش لانها تذكرني ايام الطفوله حيث ان هذه الشجره لها ازهار جميله جدا وكنا نقطفها يوم

كنا بزارين وحنا بالبركاشتين بالسبله . المهم اللحين ماعاد اشوفها مدري انقرضت ولا وش

السالفه .

من ذاك الوقت ماشفتها الا بالصورة اللي عرضها باحث اثار في المنتدى . اللي ابيه منكم

فضلا وليس امرا تعلموني وايش اسم الشجره عطونا معلومات وافيه و وايش الحيوان اللي

ياكلها مثل البعير الغنم الضب الارنب الحمار اعزكم الله المنطقه اللي تنبت فيها . لاني معاد

شفتها ابد. شـكــ وبارك الله فيك ـــرا لك ... لك مني أجمل تحية .










http://www.ksa9.net/uploads/d02a2b47bb.jpg (http://www.ksa9.net/)

[النايف]

هذا ياطويل العمر زهرة الشفلح طبعا لايوجد حيوان يأكلها لأن طعمها مر

والشفلح ينبت في الريضان وكذلك قديماً في الخرابه ( الأرض المهجوره ) وبجور مزارع النخيل .

وثمرتها تشبه البطيخ ولكن بحجم بسر الحلى .

وهناك وقت لقطف الثمره حيث إذا قطفتها وهي لم تنفلق تعتبر مرة وأفضل القطف لها قبل

غروب الشمس بساعه بحيث تنفلق بطول 1 سم لها طعم حلو جداً طبعا هذا من واقع تجربه


صوره توضح الثمر قبل وبعد الأنفلاق ولكن أنفلاقها على مايبدو لي أنه مفتعل للتوضيح
لأن الثمره إذا نضجت انفلقت وداخلها بالون الأحمر مثل البطيخ وبها حب أسود

http://hafralbatin.jeeran.com/13.jpg

الثمره وقد أسقطت البذور للأستعداد لموسم آخر

http://www.mzayan.com/vb/images/uploads/63_187014352ba7577a21.jpg

والله أعلم

.

[دندشه]

الله يعافيك ابو عبدالمحسن

[عبد الله الحقيل]

إضافة إلى كلام أخونا النايف333

الشفلح منتشر وبكثرة في المستوي وبين شقراء وأشيقر وعند النخيل والمزارع بالمجمعة

وثمارها ذات مذاق حلو ورائع عند نظجها

ولكن ينصح بعدم مضغ الحبوب عند أكل الثمار

بقي على نظجها من الآن حوالي شهر أو أقل

[الجيب الاسود]

النايف333 شكرا على المعلومات الطيبه وبيض الله وجهك وشكرا على الشرح الوافي ياوافي شكرا على مرورك. عاشق البران شكراعلى الاضافه وماقصرت وشكرا على مرورك دندشه شكرا على مرورك الكريم واشكرك على شكر النايف333 لانه بمحله وهو فعلا راعي الموضوع. تقبلوا تحياتي اخوكم سليمان

[الساري]

ماشاء الله عليكم
زادكم الله علما
استفدت منكم
بارك الله فيكم

[الجيب الاسود]

ماشاء الله عليكم
زادكم الله علما
استفدت منكم
بارك الله فيكم

هلابك يالساري وشكرا على مرورك