متابعة الأحوال الجوية والطقس (( 1 ))

[ديم نجد]

أبشركم بدت ترش خفيف في المجمعة والجو غائم كلي ويبشر بالخير .

أخوي عاشق البران كنت بنزل الخبر لكن سبقتني ماشاء الله عليك :18:
على العموم الجو الحين في المجمعة حلو كأنك في الشتاء

[راعي مدينة حرمة]

اخوي راعي مدينة حرمه النشوء الي تتحدث عنه سحب متوسطه ماهو مزون للأسف لكن الله يجيب الخير
اخوي الحقيل من جاب لك طاري المزن او ماتعرف تقرا قلنا لك نشوا طيب ماقلنا لك مراويح مزن ركامي والآن ولله الحمد والمنه بداية رش خفيف من هذا الغمام المتوسط واول الغيث قطرة وبإذن الله تعالى ترى السحب الركامية مساء هذا اليوم وان شاء الله تسيل جميع اودية المنطقة وما ذلك على الله بعزيز (اللهم اغثنا)
ملاحظة:لا ننسى الدعاء وقت نزول المطر لانه من ساعات الاجابة.

[راعي مدينة حرمة]

اخوي ...............................................

[ديم نجد]

[

الله يهديك

المتعارف عليه ان النشوء في هذا الوقت هو المزون

على العموم اقلط عندي بعد العصر حياك الله

[عبد الله الحقيل]

أخشى أنك فهمت كلامه غلط وترا كلنا أخوان والدليل اننا أنتقلنا هنا بعد (اختفاء) مكشات :smile: :smile:

[ديم نجد]

المتعارف عليه ان النشوء هذا الوقت هو المزن

[أبوريان]

ياخوان من يجيب لنا اخبار رفحاء

عليهم سحاب طيب ماشاء الله

الساعة18-4 عصراً

[nahham]

الاخوان

الحقيل
راعي البران
راعي مدينة حرمه

ياحبي لكم كلكم

افول بروح الحين للمجمعه عندي شغل هناك توصون شيء من الرياض ؟

اللي يبي شي يرسل رساله خاصه بس بسرعه

سلااااااااااام

[أبو خالد]

اليوم سيول على الطائف (( أمطار غزيرة ))
جدة لا زلت السماء صافية مع غبار خفييييييييف

[العنبري]

يوجد صورة

http://www.up.mixq8.com/uploads11/df.gif

[راعي مدينة حرمة]

على العموم انا اقدم اسفي واعتذاري لك اخي الحقيل ولكل الاعضاء وحتى نبقى على المحبة والاخاء المطلوب بين جميع المسلمين حيث قال صلى الله عليه وسلم "لايؤمن احدكم حتى يحب لاخيه مايحب لنفسه" او كما قال صلى الله عليه وسلم كيف لا ونحن يجمعنا حب الخير والذي فيه ادخال السرور على اخيك المسلم وما فيه من الاجر لذا اكرر اعتذاري وارجوا قبوله واودع الجميع في مكشاتنا الحبيب والبراري الاعزاء بكل الحب والتقدير والاحترام اللهم اغثنا آمين

[الراصد]

يظهر لي ان اتجاه السحب اليوم في المنطقه الوسطى من الجنوب الى الشمال..وهذا يبشر بهطول امطار طيبه على منطقة القصيم ..قد تطال المجمعه بعد الغروب
والله على كل شي قدير
بأذن الله تعالى تغير مسار السحب عصر هذا اليوم واحذ المسار اتجاه من الغرب الى الشرق والشمال الشرقي
..هذا ناتج عن رياح نفاثه في طبقات الجو العليا تتاثر بها حاليا الأجواء الغربيه للمنطقه الوسطى..
دلائله بالأضافه الى التوةقعات السابقه ..زيادة احتمالية المطر على المناطق الغربيه للمنطقه الوسطى ..القويعيه وماجاورها

[مرات عشقي]

بأذن الله تعالى تغير مسار السحب عصر هذا اليوم واحذ المسار اتجاه من الغرب الى الشرق والشمال الشرقي
..هذا ناتج عن رياح نفاثه في طبقات الجو العليا تتاثر بها حاليا الأجواء الغربيه للمنطقه الوسطى..
دلائله بالأضافه الى التوةقعات السابقه ..زيادة احتمالية المطر على المناطق الغربيه للمنطقه الوسطى ..القويعيه وماجاورها


هل ستتأثر الايام الجايه او اليوم مدينة الرياض بالامطار؟؟

[الراصد]

هل ستتأثر الايام الجايه او اليوم مدينة الرياض بالامطار؟؟
اليوم لايوجد احتماليه للمطر في الرياض..ولكن ..نراقب بكره ربما تتغير الضروف..والأمر بيده تعالى

[هاوي بر]

اليوم سيول على الطائف (( أمطار غزيرة ))
جدة لا زلت السماء صافية مع غبار خفييييييييف



الله يبشرك بل الخير

ان شاء الله باقي مناطق المملكه

[ديم نجد]

على العموم انا اقدم اسفي واعتذاري لك اخي الحقيل ولكل الاعضاء وحتى نبقى على المحبة والاخاء المطلوب بين جميع المسلمين حيث قال صلى الله عليه وسلم "لايؤمن احدكم حتى يحب لاخيه مايحب لنفسه" او كما قال صلى الله عليه وسلم كيف لا ونحن يجمعنا حب الخير والذي فيه ادخال السرور على اخيك المسلم وما فيه من الاجر لذا اكرر اعتذاري وارجوا قبوله واودع الجميع في مكشاتنا الحبيب والبراري الاعزاء بكل الحب والتقدير والاحترام اللهم اغثنا آمين

أعتذارك مقبول يابعد حيي :5:

ان شاء انا وياك نتقابل بكره على فرق حرمه وهو يصب السيل من فوق ااااااااااامين يارب العالمين

[التميمي]

السلام عليكم

اتصال من احد الاخوه في الشعراء ذكر ان عندهم مطر والشوارع نقعت والبروق يقول فوق رأسي الان وجيده

واتصال ايضا من مطارد البروق ابو نواف من الدوادمي يذكر البروق ما تفصل يشوفها شوف العين شمال الدوادمي

وان شاءا لله باذن الرحمن الرحيم الخير جاي

اللهم اسقنا الغيث يا ارحم الراحمين

[هاوي بر]

السلام عليكم

اتصال من احد الاخوه في الشعراء ذكر ان عندهم مطر والشوارع نقعت والبروق يقول فوق رأسي الان وجيده

واتصال ايضا من مطارد البروق ابو نواف من الدوادمي يذكر البروق ما تفصل يشوفها شوف العين شمال الدوادمي

وان شاءا لله باذن الرحمن الرحيم الخير جاي

اللهم اسقنا الغيث يا ارحم الراحمين




الله يبشرك بل الخير


الان الرياض سماء صافيه

الله يجيب الخير ان شاء الله

[هيثم المحيلان]

أبشرك يالذيابه علينا بالمدينه


توقعات أمطار يوم الثلاثاء والأربعاء


أما الآن درجت الحراره 34

والجو صحو

[أبورهف]

السلام عليكم


ما تذكرون قبل اسبوعين وش قال الأخ رعدان في منتدى مكشات إنه باقي على وقت موافقة مشيت الوادي مشية عظيمة

عام
1402/7/16


16 يوم

يعني يوافق في 9مايو 2006



عسى الله يعيد تلك الأيام علينا بخير ويعم بنفعها أرجاء البلاد






استغفر الله استغفرالله استغفرالله

[محب الخير]

مشارك جديد هل من مرحب اما انا فأرحب بكل الاحباب وحياكم الباري

[هيثم المحيلان]

حياك الله بين أخوانك


وإن شاء الله تفيد وتستفيد

[راشد بن محمد]

أهلاً وسهلاً بــــ محب الخير


وكلنا نحب لك الخير

[محب الخير]

شكرا لك اخي القصيم الرس وبارك فيك ووفقك ومن تحب للخير يا وجه السعد والخير

[محب الخير]

شكرا لك اخي ابومحمد وبارك فيك ووفقك ومن تحب للخير باوجه الخير والسعد

[محب الخير]

بشروا ياجماعة الخير اهل القصيم الاعزاء عليكم بروق ولا لا

[هيثم المحيلان]

حياك المولى
أشكرك على تفاعلك

وأعيد

أبشركم يالذيابه علينا بالمدينه


توقعات أمطار يوم الثلاثاء والأربعاء


أما الآن درجت الحراره 34

والجو صحو

[محب الخير]

اهل حائل بعد حي ورفحاء والشملي بشروا وش اخبار البروق عندكم

[محب الخير]

لا تلوموني يا احباب انا ما صدقت عثرت على شرواكم

[][وســمي][]

حياك الله اما الاخبار وردني اتصال من القصيم الرس يشوفون البرق جنوب وجنوب غرب بعيده شوي ويقولون انها بروق حيه

[التميمي]

السلام عليكم

وصلني اتصال من احد الأخوه شرواكم

الساعه 11.55 السبت 8 ربيع الاخر

الدوادمي عليهم بروق وريح الندى والله يجيب الخير

يا كريم ان شاء الله نصبح على سيل وخيرات وبركه

[محب الخير]

اخواني وسمي وحمد التميمي اشكركما من الاعماق وجزاكم الله خير اهل حايل اوحائل وينكم نايمييييييين

[محب الخير]

هاه فيه علم جديدة ولا ننام ويجيب الله خير

[محب الخير]

اذا تصبحون على خير وسيل انشاء الله وماقصرتو ا وارجوا منكم العذر والسموحه على اشغالكم معي

[أبو خالد]

حيا ك الله وبياك أخيو محب الخير
مشاء الله تبارك الله نشط من البداية
بس وين مكانك لكي يتم التواصل بيننا
عذرا على الحذف

[هيثم المحيلان]

ياشباب عليكم بالأستغفار


والمطر بأذنه جاي والخير مقبل

[أبو خالد]

اليوم ظهرت في سماء مدينة جدة سحب متوسطة متفرقة
حينما نظرت إليها لكي أعرف اتجاهها
يا واد ................ تتحرك بشوييييييييش وهذه من الظاهر الفليلة بل النادرة سبحان الله العظيم

[محب الخير]

يا جماعة الخير ما فيه علوم عن وادي الرمة وين وصل الآن وما فيه اخبا ر امطار البارح وينكم وين علومكم الزينة الله يرحمنا برحمته ضيعنا صلاة الفجر مع الجماعة الا ما رحم الله وضاعت معها علومنا والطاسة الله يردنا اليه ردا جميلا

[عبدالهادي المفرج التميمي]

اليوم الصباح من يوم الاحد 9/ 4 في تمير الجو صافي والهواء سهيلي والجوفيه رطوبه

وعسى الله يجيب الخير

مشكووووووووووووورين



سلام

[خالد العوض]

صبحكم الله بالخير
هذا رابط يمكنك من خلاله متابعة الطقس متابعه حيه مباشر المنطقه المظلمه تكون في ساعات الليل
http://66.249.93.104/translate_c?hl=ar&u=http://www.fourmilab.ch/cgi-bin/uncgi/Earth/action%3Fopt%3D-p%26img%3Dvapour.bmp&prev=/search%3Fq%3D%2BSatellite%2BImagery%2B%26hl%3Dar%2 6lr%3D%26sa%3DG

[سالم]

رابط مفيد جدا

ولكن الصورة صغيره كيف يمكن ان اكبرها

[أبو خالد]

جزاك الله خير يا أبو محمد على الرابط وتم حفظه في المفضله
""""""""""""""""""جزاكم الله خير جميعا
"""""""""""""""""""""""""""""
أخوي سالم تبي تقرب الصورة ؟
شفت المستطيل يلي أسفل الصورة وهو خاص بعدد الكيلوات حدد الرقم الذي تريده ومن ثم يطبق لك أن شاء الله تعالى

[أبو خالد]

جدة الساعة 11/40 دقيقة صباحا
اسماء صافية عدا غبار خفييييف
الرياح غرية إلى جنوبية غربية خفيفة

[العنبري]

شقراء

الجديد اليوم خروج بعض السحب المتوسطة والمنخفضة لكن ليست ثقيلة حيث ان سحاب اليوم أفضل من الايام الماضية

وبمشيئة الله يكون الوضع هذا الاسبوع افضل على المناطق الداخلية وتبدا السحب بالزحف والتكون عليها

وبإذن الله نسمع اخبار مفرحة ...


توقعات اليوم مساء (بعد الظهر)

يوجد صورة


http://www.up.mixq8.com/uploads11/o7.gif

[الراصد]

شقراء

الجديد اليوم خروج بعض السحب المتوسطة والمنخفضة لكن ليست ثقيلة حيث ان سحاب اليوم أفضل من الايام الماضية

وبمشيئة الله يكون الوضع هذا الاسبوع افضل على المناطق الداخلية وتبدا السحب بالزحف والتكون عليها

وبإذن الله نسمع اخبار مفرحة ...


توقعات اليوم مساء (بعد الظهر)

يوجد صورة


http://www.up.mixq8.com/uploads11/o7.gif
اشوف نشوء غرب عنكم ..اخي ابوبريهه ..ممكن تعطيني اتجاه الهواء عندكم ..وفيه رطوبه والا لا..والسحب ركاميه والا عاديه..لأن هالمعلومات ممكن نعطي عنها توقعات دقيقه ..حفظك الله

[خالد العوض]

نعم عندك عدة خيارات تحت الصوره منها صور السحب ومنها صور البخار ملون وغير ملون
وتقدر تختار اي جهه من الارض وتصغر وتكبر الصوره مثل ماتبي

http://66.249.93.104/translate_c?hl=...lr%3D%26sa%3DG

[ولد نجد]

نعم عندك عدة خيارات تحت الصوره منها صور السحب ومنها صور البخار ملون وغير ملون
وتقدر تختار اي جهه من الارض وتصغر وتكبر الصوره مثل ماتبي

http://66.249.93.104/translate_c?hl=...lr%3D%26sa%3DG
الرابط ما فيه شي يابومحمد
ياليت تتاكد منه الله يعافيك

[عبد الله الحقيل]

اشوف نشوء غرب عنكم ..اخي ابوبريهه ..ممكن تعطيني اتجاه الهواء عندكم ..وفيه رطوبه والا لا..والسحب ركاميه والا عاديه..لأن هالمعلومات ممكن نعطي عنها توقعات دقيقه ..حفظك الله

المجمعة :

بداية تكون بعض السحب المتوسطة والمنخفضة
والرياح الآن ساكنة مع رطوبة ( أكثر من الأيام الماضية) والجو حااااااااار .

[أبوريان]

في بريدة

درجة الحرارة مرتفعة بشكل كبير اليوم

السماء صافية ....

التوقعات تشير إلى فرصة امطار من الثلاثاء إلى الخميس

الساعة 54-12 ظهراً



الله يعينا على صيف نجد

[خالد العوض]

اعد المحاوله او جرب الرابط الاول
على العموم هذا صوره توضح نشو سريع غرب المنطقه الوسطى الأن الساعه 30-12ظهر الاحد
http://9q9q.com/May/1146995691.jpg

[الشاهين]

السلام عليكم ورحمة الله
الأخ خالد العوض
لاحظ هذا الموقع حيث يظهر لك منطقة النشووسط المملكه اليوم.
وصراحه ممتاز من خلال متابعتي له.
الرابط:
http://en.allmetsat.com/images/nrlmry_medit_tropics_ir.php

[العنبري]

حيا الله الجميع

نعم اخوي الراصد النشو عندنا يزين بسرعة

الساعة 11:30 ماكن فيه سحاب في جهة الغرب بعدها بنصف ساعة تكاثرت السحب وتكونت بسرعة واغلبها متوسطة

ويوجد بعض السحب المنخفظة

الهواء جنوبي شرقي الى جنوبي خفيف والجو فيه رطوبه محسوسة

شف الصورة الساعة 12:00 من جهة الغرب


http://www.up.mixq8.com/uploads11/tt.jpg

http://www.up.mixq8.com/uploads11/rr.jpg

وهذي تو قعات اليوم بمشيئة الله

http://www.up.mixq8.com/uploads11/uu.gif

[خالد العوض]

السلام عليكم ورحمة الله
الأخ خالد العوض
لاحظ هذا الموقع حيث يظهر لك منطقة النشووسط المملكه اليوم.
وصراحه ممتاز من خلال متابعتي له.
الرابط:
http://en.allmetsat.com/images/nrlmry_medit_tropics_ir.php

عليكم السلام ورحمة الله وبركاته
نعم زين بس التحديث يتاخر شف اخر صوره كانت الساعه 30-9 صباح بتوقيت السعوديه
والحين حنا الساعه وحده ظهراً فرق مهو سهل

[العنبري]

لاحظ سرعة تكون السحب الساعة 1:00

1

http://www.up.mixq8.com/uploads11/aa.jpg


2

http://www.up.mixq8.com/uploads11/ss.jpg

[محب الخير]

اخي هادي حياك الباري مامعنى سهيلي قصدك هيفي او مطلع شمس هداك الله الى كل خير اخوي هادي

[خالد العوض]

والله الصوره تبشر بالخير اخوي ابو بريهه
والله كريم

[محب الخير]

يا جماعة الخير عطونا علم عن آخر ما وصل اليه وادي الرمة ارجوكم رجاء حار جدا

[محب الخير]

نداء نداء نداء نداء الى اهل الشمال يقال ان السيول عندكم لم تشهدها المنطقة من 20سنة هل هذا صحيح ارجوكم رجاء حار الافادة

[هاوي بر]

ما شاء الله الاجواء تبشر بل الخير عندكم ابو بريهه

الله يجيب الخير ان شاء الله

[راشد بن محمد]

أبو بريهه

النشو عندكم طيب ماشاء الله تعالى

الله يرزقكم ولا يحرمكم ويعم جميع بلاد المسلمين

[ديم نجد]

ولله الحمد ظهور المزن على المجمعة بعد انقطاع طويل

الله يجيب الخير ان شاء الله

[راشد بن محمد]

وين أهل الدوادمي وعفيف

أشوف النشو عليهم كذلك طيب

الله يرزقهم ويرزقنا

[أبوريان]

يا جماعة الخير عطونا علم عن آخر ما وصل اليه وادي الرمة ارجوكم رجاء حار جدا


حياك الله اخوي محب الخير

امس الصبح (السبت) وصل الوادي عقلة الصقور والمجرى الي بين عطا واللغفيه ماتقطعة السيارات مشاء الله

والله يجيب مطر هاليومين وتزيد قوتة ويوصل بريدة:69: :69:



...............................

اخوي ابوبريهه صور رائعة الله يعطيك العافية



هذي صورة توضح النشو اليوم


http://9q9q.com/May/1146999001.jpg (http://9q9q.com/)








أبو محمد(خالد العوض)

وش نوع السحاب الي على مصر ؟؟؟؟؟

[التميمي]

شقراء يا الله يا كريم الساعه 2 ظهرا الاحد 9 ربيع الاخر

http://alhurayiq.com/pic/pic/20060507010.jpg



http://alhurayiq.com/pic/pic/20060507010_2.jpg




http://alhurayiq.com/pic/pic/20060507012.jpg


والهواء جنوب

اللهم اسقنا الغيث يا ارحم الراحمين

[الشاهين]

وين أهل الدوادمي وعفيف

أشوف النشو عليهم كذلك طيب

الله يرزقهم ويرزقنا


الحين عفيف علينا سحب ركاميه بدأ تتكون مبكراً من الساعه 12:10ظهراً
والجوحار

[أبوريان]

الله يعطيك العافية اخوي حمد صور جميلة ومتابعة رائعة


والشكر موصول لخوي الشاهين على المتابعة

...........

في بريدة الساعة 08-2 ظهراً


بداية لنشو خفيف


والجو حاااااااااااااار


والله كريم

[التميمي]

اتصال من احد الاخوه

على المحمديه تقريبا سحابه طيبه ترعد وتبرق

وان شاء الله نجيب لكم العلوم مسيان

يا الله السيل يا كريم

[الراصد]

ابوبريهه..روح الله يعطيك الف عافيه ..حقيقه ماقصرت الصوره ابلغ من اي كلام ..الغيث قادم باذن الله عليكم لكن قوته غرب عنكم .. والأخ حمد التميمي ماقصر ايضا والصوره اللي عرضها تبين سحابه رعديه اعتقد غرب عن مكان التصوير..والله يغيث السلمين ..
عندنا في الرياض غبارعالق وحر وانخفاض ملموس في الضغط

[محب الخير]

الآن مراويح مزن ركامي يحبه القلب ويطرب له الخاطر الله يأمره باالخير ويعم به اوطان المسلمين تجري الاودية وتمتلأ السدود ويرتفع منسوب المياه في الآبار قولوا جميعا آمين آمين آمين اللهم صيبا نافعا غير ضار اللهم اغثنا ولا تحرمنا اللهم عاملنا بما انت اهله ولا تعاملنا بما نحن اهله ياارحم الرحمين استغفر الله استغفر الله استغفرالله واتوب اليه اللهم انت الله لا اله الا انت انت الغني ونحن الفقراء انزل علينا الغيث ولا تجعلنا من القانطين اللهم اغثنا اللهم اغثنا اللهم اغثنا اكثروا والحوا باالدعاء والاستغفار والتوبة وبذل الصدقة والزكاة المفروضة ولا تنقصوا المكاييل وتجنبوا اكل الحرام والسحت من الربا والقمار والرشوة واكل مال اليتيم قال صلى الله عليه وسلم "دع مايريبك الا مالا يريبك" اوكما قال عليه السلام والله الله الله باالمحافظة على الصلاة مع الجماعة في وقتها وخاصة صلاة الفجروعمل كل خير وتجنب كل شر والمحافظة على جميع ما امرنا الله به واجتناب مانهانا عنه من الاعمال والاقوال لعل الله ان يرحمنا ويغيثنا يغيث قلوبنا باالايمان وارضنا باالامطار انه ولي ذلك والقادر عليه سبحانة وتعالى وصلى الله على محمد وآله وسلم

[الراصد]

جزاك الله خير يامحب الخير..موقعك لوتكرمت
على فكره اسمع بروق قريبه وماهي بطيئه حروتها شمال غرب الرياض 70كم ..مع بداية ظهور سحب ركاميه صغيره ناحية الغرب
والله يستر من العج

[محب الخير]

اخوي ابو ريان اشكرك من سويداء القلب ايها الحبيب الغالي وابشر بحول الله وقدرته بسيول يفرح بها اهل القصيم الغالين "قروم الرجال اهل الطولات والصولات لو ذهب الناس في فج واهل القصيم في فج لسلكت فج القصيم"لله دركم

[محب الخير]

اخي الراصد الحبيب الغالي سكان العاصمة الحبيبة ابشر باالخير من عند الباري الكريم جلا في علاه سبحانه وتعالى تفائلا واحسان ظنا به عز وجل كما امرنا بذلك وليس تأليا على الله اللهم اغثنا استغفرالله

[هيثم المحيلان]

أشكرك يا محب الخير




ولكن

المدينه اليوم أمطار بأذنه جل وعلا
المزن يهول القلب ودك بس تناضره

وهو جهت شرق
وأبشرو يأهل نجد لكني
خايف عليكم العجاج

والله إن المزن يطرب القلب

لكن نصبر ونشوف

[هاوي بر]

جزاك الله خير يامحب الخير..موقعك لوتكرمت
على فكره اسمع بروق قريبه وماهي بطيئه حروتها شمال غرب الرياض 70كم ..مع بداية ظهور سحب ركاميه صغيره ناحية الغرب
والله يستر من العج











الله يبشرك بل الخير الراصد

ان شاء الله نشوف العلوم الزينه اليوم

[الراصد]

اخي الراصد الحبيب الغالي سكان العاصمة الحبيبة ابشر باالخير من عند الباري الكريم جلا في علاه سبحانه وتعالى تفائلا واحسان ظنا به عز وجل كما امرنا بذلك وليس تأليا على الله اللهم اغثنا استغفراللهاللهم لك الحمد في السراء والضراء..ولكن اخي العجان هالأيام..سمه بارزه ولاتستغرب..

[محب الخير]

هاوي بر القصيم الرس اشكركم جميعا الموقع الغاط اللهم اغثنا

[محب الخير]

اخي الراصد قل خير ان شاء الله سيول خالية من اي كدر اللهم اغثنا

[الراصد]

اخي الراصد قل خير ان شاء الله سيول خالية من اي كدر اللهم اغثنا
اللهم آمين..اللهم آمين..اللهم آمين
اللهم تجاوز عن سيئاتنا ياارحم الراحمين

[أبو خالد]

جدة
الرياح غربية خفيفة
السماء غير صافي بها غبار خفيف ويمكن شوية كرة
لعله يبان في الصورة
http://www.tumaer.net/up/upload/hk.jpg

[أبوريان]

جزاك الله خير اخي الحبيب محب الخير على هالكلام الطيب



.............................

في بريدة الساعة 30-3 عصراً

فية نشو خفيف جدا....وهذي صورة


http://www.tumaer.net/up/upload/DSC05301.jpg

[عبدالهادي المفرج التميمي]

الان الساعه اربع الا ربع عصرا

انا الحين في المجمعه

نسمع الرعد ورش خفيف الان

سحابه عريضه جاية من قبله وسحاب مخشم من شمال

الله يجيب الخير

[أبوريان]

ماشاء الله

الله يبشرك بالخير اخوي هادي


خبر مفرح

[ابو عيسى]

جزاك الله خير .. أخوي هادي على هالبشارة الطيبة.
اللهم صيبا نافعا يا رب .
أستغفر الله واتوب إليه.. اللهم أنا نسألك من خير هالسحابة .. اللهم عم بنفعها أرجاء البلاد.
برحمتك يا أرحم الراحمين.

[فتى البره]

يـعطـيكـم الـعافيـه يـاشبـاب عـلـى التـغطيـات والتـصوير المبـاشر

والـلّـه يـجـيب الـخـير إن شاءلـلّـه

أنـتـم بـس كـثروا مـن الإستـغفـار


استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

[عبدالهادي المفرج التميمي]

هلا شباب

ابشرو بالسيل

النقيه شعبانها تمشي الحين

والنقيه قريبه من المجمعه

القادم من القصيم قبل مخرج المجمعه بحوالي 8 كم

السيل يمين ويسار

اللهم لك الحمد والشكر يارب

الصور الليله ان شاء الله

[ولد حريملاء]

السلام عليكم ورحمه الله وبركاته

وأنا اقول وين الناس

الله يقطع سواليفكم ضيقتو صدري من جد

مبروك البراري مبروك الخير بإذن الله وهذه اول طله معكم

صوره للحبايب اللي اختفو عنى يومين كنها سنتين

ما شاء الله عليكم ياهل المجمعه لي اسبوع ما سمعت الرعد ولا شفت برق



http://9q9q.com/May/1147009574.jpg (http://9q9q.com/)

[فتى البره]

هادي

الله يبشرك بالخير

والله يعم به أرجاء البلاد

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

استـغـفـر الـلّـه

[أبو خالد]

حياك الله يا ولد حريملاء
في منتدى البراري

[خالد العوض]

مشاءالله الحقيقه انه اخبار ساره بس وين الصور
ابو ريان السحب اللي على مصر تتبع المنخفض وهي سحب منخفضه

[مخايل المزن]

[center]مطر خفيف على القويعية ، وسمع الرعد أكثر من مرة ، والسماء غائمة
اللهم أغث ديار المسلمين ، يا أرحم الراحمين
:3: /center]

[صوت المطر]

أشكر أخوي جدة غير على الدعوة ...


وأقوله مبرووووووك الإشراف وتستاهل يا أبو خالد ...



_________________________


أما عن حالة الطقس هذا اليوم في غرب بريدة


نشوء طيب من جهة الغرب والشمال الغرب والرادو ما يفصل


حرر في الساعة 5 مساءا من يوم الأحد 9 / 4


صوووووورة من الخبر ..

http://www.imageswebhost.com/uploads/ac2e12e689.jpg

وراح نوافيكم بالجديد إن شاء الله

[أبو خالد]

الطائف أمطار ورعود وبروق شديدة (( أمطار غزيرة على حسب مافهمت من قريبي )) يقولي أنه سيرات الإطفاء والأسعاف والشرطة مسكرين إحدى الطرق يلي تقابلها وأنت رايح للشفا

[ديم نجد]

سحابة قويه تضرب جنوب المجمعة بمطر غزير جداً مع البرد والصواعق ولله الحمد سيول طيبه الآن

[أبو خالد]

الله يبارك فيك يا صوت المطر
وهذا وجبنا ياصوت المطر

[ولد حريملاء]

امطار قويه

حريملاء شمال الرياض 80 كيلو


مع تساقط حبات البرد والمطر والسحاب لا زالت مستمرا


اللهم لك الحمد اللهم لك الحمد

[أبو خالد]

الحمد لله الله يبشرك بالخير
مبروك عليكم المطر أنتم وأهل المجمعة

[عجاج]

مشاءالله تبارك الله

الان في عنيزة نشو زين من جهة الغرب اللهم لك الحمد

[بارق القبله]

مساكم الله بالخير
من مرات غيوم فوق الراس والقبله مخيله
وان شاء الله في حروة سيل الله لا يحرمنا واياكم
واشكر كل من يوافينا بعلوم المطر
وعشقي مرات وينك ووين تقاريرك عجل على الربع

[الصلبوخي]

ماشاء الله تبارك الله

الله يبشركم بالخير

في صلبوخ الآن يسمعون الرعد

اللهم اغثنا اللهم اغثنا اللهم اغثنا

[راشد بن محمد]

:58: :58:

يا أهل القصيم:

استعدوا فالخير قادم إليكم إن شاء الله تعالى


بس ودي تجهزون الكيمرا

وحطو مواعينكم في السطح تجمعون في من مياه الأمطار العذبة ,,, ( يا زينه للشاهي....:1: )


ننتظر الصور في وقت المساء


وتهانينا لكم مقدماً:20:

[راشد بن محمد]

وكذلك أهل سدير ينتظرون الخير تراه مقبل عليهم

[ذيب سواج]

الان الساعه 5:30 يوم الاحد مساءفي عقلة الصقور بالقصيم.....المطر بدأ بالنزول ديم والبرق يشاهد مع رعد متواصل.وقد تسيل العبارات من هذا المطر وهو في بدايته لانه قوي...والمناطق المجاوره قد يكون عليها سيل والله أعلم لان الرعد ماينقطع في كل مكان.والسحاب طيب وعام على المنطقه...........

[هيثم المحيلان]

الحمد لله المدينه المنوره

السماء ملبده بالغيوم
وأسمع صوت الرعد وأنا بالبيت
والحمد لله وأحتري
المطر

أستغفر الله وأتوب أليه

[ولد حريملاء]

شوفو وش زين الصور علينا اللهم لك الحمد اللهم اعمها على جميع قرى وهجر السعوديه




http://9q9q.com/May/1147013776.gif (http://9q9q.com/)

شوفو كيف السحاب تكون بسرعه ما شاء الله تبارك الله اللهم زد وبارك استغفر الله واتوب اليه

http://9q9q.com/May/1147014092.jpg (http://9q9q.com/)

[الصلبوخي]

اخي ولد حريملا

الله يجزاك خير عطنا علوم الدير ة

[أبورهف]

رسالة من الأخ رعدان ( أبو إبراهيم ) يقول فيها


أمطار غزيرة جداً على النقرة غرب عقلة الصقور 40 كيلو والوادي (صلى العصر معهم بالعقلة ) يعني الوادي وصل العقلة

[هيثم المحيلان]

أجل أبشروا الوادي
تبي تزيد قوته


هلا بيك

[أبو خالد]

الحمد لله على كل حال
الأجوا عندنا غبار ولكن ليس كثيف أنما متوسط إلى خفيف
الرياح ساكنة
السماء صافية

[مرات عشقي]

مساكم الله بالخير
من مرات غيوم فوق الراس والقبله مخيله
وان شاء الله في حروة سيل الله لا يحرمنا واياكم
واشكر كل من يوافينا بعلوم المطر
وعشقي مرات وينك ووين تقاريرك عجل على الربع


للاسف انا والله مانيب في الديره بس حقي علي ابشرر بالاخبار الايام الجايه

[هيثم المحيلان]

الحمد لله الآن أن في البيت


وهي ترش رش خفيف


طبعاًفي المدينه

[ولد حريملاء]

لازال المطر مستمرا على حريملاء

اقوى نزول على منطقة الحزم يالصلبوخي


والبروق تشاهد الآن وربنا يزيد ويبارك وما يجي بكره الا شعيب صلبوخ فيه فيضان باذن الله

[nahham]

في اتصال مع احد المعارف في ثادق

بدأ الغبار في الانقشاع ولا يوجد سحاب يذكر ولم يكن هناك امطار ولم يسمعو رعود

الله كريم

[الصلبوخي]

لازال المطر مستمرا على حريملاء

اقوى نزول على منطقة الحزم يالصلبوخي


والبروق تشاهد الآن وربنا يزيد ويبارك وما يجي بكره الا شعيب صلبوخ فيه فيضان باذن الله

الله يجزاك خير اخي الكريم ولد حريملا


الله كريم وفرج الله قريب

[nahham]

ولد حريملا

الله لا يهينك نبي صور لامطار ديرتنا حريملا

عجل علينا

[الشاهين]

هطلت على عفيف أمطار اليوم عصراً الساعه 5:40
جعلها الله أمطار خير وبركه وعم بنفعها البلاد والعباد ولازال الجو ملبد بالغيوم حت إعداد هذا الخبر.

[الصلبوخي]

في اتصال هاتفي

يقول ان العرقوب يمشي بين صلبو خ والقرينة

والمطر طيب على حريملا

عطنا العلم اخي ولد حريملا

اللهم اغثنا اللهم اغثنا اللهماغثنا

[الصلبوخي]

في اتصال هاتفي

مدينةالقصب الآن الشعاب الصغيرة تمشي الساعة 7 مساء الأحد

والمطر على الراس والشعيب الي بجوار لمحطة يمشي

[nahham]

اتصال هاتفي من هاادي

المجمعه الان بروق قوية جدا من شمال وشرق وجنوب

والجو يبشر بالخير ان شاء الله

[nahham]

في اتصال هاتفي من هادي من المجمعه

سيل قوي يدخل سد الملية بالقرينه

[ضحوي]

اخباركم ممتازه ياشباب
والجو عندنا راكد والسحب متفرقه
بحروة خير والله كريم

[ذيب سواج]

الوادي يمشي من بعد العصر المكان مدخل عقلة الصقور الجهة الشرقيه..........

[ضحوي]

يعطيك العافية ياذيب على الخبر
الله كريم يوصل القصيم لنكشت فيه الخميس
تمنيت انك جبت لنا كم صورة

[راعي العقربيه]

ياخوان ارغعوا ايديكم وادعوا لاهل الرياض الخيال مقبل على اشوف اول الخير _أن شاء الله _ فوقي يالله تأمره

السحب وصلت الرياض اشوف القطع فوقي

[عبدالوهاب العطالله]

شكراً وما قصرت يالذيب ويعطيك العافية وإلى الأمام

[خالد العوض]

مشاءالله الوضع في تحسن على عامة منطقة الوسطى والغربيه والشماليه الغربيه
حيث بدء المنخفض الثاني يتعمق
والنقطه المهمه هي انخفاض قوي جداً بالضغط على الهند وباكستان و شرق الامارات حيث يبلغ 1001
وهذا يساعد بأذن الله على تحرك السحب الى الشرق او الجنوب الشرقي بحيث تطال المنطقه الشرقيه والرياض
والله كريم

[الصلبوخي]

في اتصال هاتفي شعيب الميليه يصب ا لآن في السد في القرينة

مساء الأحد الساعة 7.45


اللهم اغثنا اللهم اغثنا

[أبو خالد]

الله يبشركم بالخير
أن شاء الله تعالى عقبال جدة والرياض وباقي ماطق المسلمين
أخوي خالد الله يبشرك بالخير
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه

[أبو خالد]

الله يبشرك بالخير
جزاك الله خير
بيض الله وجهك يوم تبيض وجوه وتسود وجوه
با لينك تحط موضوعك في الموضوع المثبت فوق

[مخاوي سحاب]

مشاءالله الوضع في تحسن على عامة منطقة الوسطى والغربيه والشماليه الغربيه
حيث بدء المنخفض الثاني يتعمق
والنقطه المهمه هي انخفاض قوي جداً بالضغط على الهند وباكستان و شرق الامارات حيث يبلغ 1001
وهذا يساعد بأذن الله على تحرك السحب الى الشرق او الجنوب الشرقي بحيث تطال المنطقه الشرقيه والرياض
والله كريم


صدقت اخوي اشوف السحب بدت تزحف الشرق والجنوب الشرقي

[مرهاش]

نعم اشاهد السحاب الآن فوقنا على شرق الرياض وهو كما ذكر الاخوان يتجه شرقا مع قليل الى الجنوب

[الراصد]

[b]ماشاء الله سحابه قويه على بريده وعنيزه ..وفي اتصال هاتفي الآن عنيزه امطار قويه وبروق مع كل الأتجاهات
الرياض الساعه8:35

[أبوريناد]

اجواء المدينه اليوم كانت طيبه ومطرنا امطارا خفيفه هنا وهناك مع مشاهدت البرق وسماع صوت الرعد وهذه صوتين للغيم قبيل المغرب

http://ata1347.jeeran.com/IMGA0286.JPG

http://ata1347.jeeran.com/IMGA0288.JPG

[ضحوي]

[b]ماشاء الله سحابه قويه على بريده وعنيزه ..وفي اتصال هاتفي الآن عنيزه امطار قويه وبروق مع كل الأتجاهات
الرياض الساعه8:35
بشرك الله بالخير يالراصد
أسأل الله ان يغيثنا ويغيث بلاد المسلمين
بحروة خير والله كريم

[زانت علومك]

[b]ماشاء الله سحابه قويه على بريده وعنيزه ..وفي اتصال هاتفي الآن عنيزه امطار قويه وبروق مع كل الأتجاهات
الرياض الساعه8:35


فعلا سحابه قوية

http://9q9q.com/May/1147024053.jpg (http://9q9q.com/)

[ضحوي]

زانت علومك
جزاك الله خير على الصورة
ياليت تذكر اتجاه السحابه هل هي شرق

[ولد حريملاء]

معليش أخي الصلبوخي


معليش يامشرفنا الغالي nahham


لم أقدر أن أصل لأي معلومات من الساعة السادسة مساءا نظرا لزيارة خاصة للخالة اطال الله في عمرها

هام جدا
لست في حريملاء الآن

[مخاوي سحاب]

وين اهل القصيم عن اخبار هذي السحابه
http://9q9q.com/May/1147024610.jpg (http://9q9q.com/)

[أبوريان]

بروق ورعود تهز بريدة

ورش طيب الان مع رياح قوية وهو في زيادة مشاء الله

نحمد الله ونشكرة

الساعة9 ليلاً من يوم الاحد

[راشد بن محمد]

السلام عليكم


وردت إلى جوالي قبل قليل رسالة من أخونا الغالي إلى نفوسنا (( أبو أســـــامة )) شفاه الله وعافاه

يقول فيها بالحرف الواحد //

[ الآن
السيل الجيد يدخل سد الملية بالقرينة شمال الرياض 70 كم وأنا عنده ]

بشره الله بالخيرات ,,, وبشر الله الجميع كذلك بالغيث المدرار.....





وجزاكم الله خـــــــــــــــــــــــــــــــــــــــيراًً

[أبوريان]

توني جاي من نفود عسيلان (20كيلو شرق بريدة )

جانا عجاج يروع مع هو قوي جداً


البروق نشوفها بعد غروب الشمس جنوب غرب وجنوب


ثم حجب انوار بريدة شي تبين انه عجاج بعد الاتصال على الاهل


قلنا يولد شل قشك جاك العجاج



والله يرحمنا برحمته

[ضحوي]

الحمد لله والشكر له
الآن الساعة 9.15 والبروق ما تفصل على الزلفي من جميع الجهات
الله كريم

[هيثم المحيلان]

الحمد لله أمطار جيده
مشى على أثرها




































شوارع حارتنا
والحمد لله على كل شيء

والمطر كان قبيل المغرب
وكان رش
وبعد المغرب جاء رش طيب
ومن بعده ديمة
والبروق كانت قويه
ومشاهده
والمطر وقف قبل قليل

والحمد لله على كل حال

[خالد العوض]

الحمدلله مطر غزير على البكيريه والشيحيه والرس من سحابه عريضه وبطئة الحركة
ومازال المطر ينهمر حتى الساعه 54-9 لليل من بعد المغرب
المرسل رعدان من الشيحيه وابو انس من البكيريه وابوصالح راعي الرس

[ريح الندى]

ابشركم جانا المغرب مطر مشى الشوارع بعده ديم متواصل حتى اعداد التقرير 9/50 دقيقة اما شمال عنا 25 ك فهطلت بعد المغرب امطار لمدة ساعة كان وبلها غزيرا جدا اما فعله في الأرض فقد سالت الشغاب بخلاف الكبيرة جدا

[المشراق]

في اتصال من ابو اسامة مغرب هذا اليوم سالت القرينة في حريملاء سيل فوق المتوسط ودخل السيل السد , وكذلك هذا اليوم الاحد9/4/1427هـ الغيدانيةالدعوب تمشي جنوب الرس 60 كم جزاه الله كل خير 0

[ضحوي]

بشركم الله بالجنه
واخبار طيبه طاب فالكم
نسأل الله الشفاء لبو أسامة الشفاء

[هيثم المحيلان]

حياك الله يالذيب

وبالنسبه لأبو أسامه تكفى يالمشراق سلملي عليه

أما الموضوع لو أنك وضعته بالتوقعات والأخبار
أحسن وأشكرك يالذيب

[هيثم المحيلان]

جزاكم الله خير على الأخبار الحلوه




يالذيابه

[هاوي بر]

الله يبشركم بل الخير


ان شاء الله باقي مناطق المملكه

[خالد العوض]

جزاكم الله خير على الأخبار الحلوه




يالذيابه

ياليت اخوي القصيم الرس تعفينا من كلامة الذيابه دور على غير اللفظ هذا يكون انسب
والله يحفظك
http://9q9q.com/May/1147030720.jpg

[راشد بن محمد]

مـــــــــــــــــــــــــــــا شـــــــــــــــــــــــــــــــــــــاء الله تبــــــــــــــارك الله

وشــــــــــــــذا العلوم الزينة


الله يبشركم ويزيدكم ويمدنا بفضله وإحســـــــــــــــــــــــــــــانه

[مرات عشقي]

هذي اخر صور للقمر الصناعي تبين اقتراب السحاب ناحية الرياض والله كريم

http://9q9q.com/May/1147031204.jpg

[ضحوي]

جانا رش ما يذكر
والبروق ما تفصل شمال والله كريم

[مرات عشقي]

جانا رش ما يذكر
والبروق ما تفصل شمال والله كريم

88888888888888
88888888
88
8

وين موقعك ياضحوي لو سمحت؟؟

[ضحوي]

88888888888888
88888888
88
8

وين موقعك ياضحوي لو سمحت؟؟
محل السكن: Alzulfi الله يبارك فيك
اللهم اغثنا

[رعدان]

أيها الأخوة

السلام عليكم ورحمة الله وبركاته

أحب ـ أولا ـ أن أحمد الله سبحانه وتعالى أن بدأ الشمل يلتم مرة أخرى بعد تفرقنا من خيمة مكشات التي نحمل لها

أجمل الذكريات ، لايمكن نسيانها أبدا فلعل العاصفة التي اقتلعت خيمتنا تهدأ فنتواجد هنا وهناك .

وثانيا / أحب أن أشكر أخي أبو محمد ( خالد العوض ) لأنه هو الذي دلني على هذا الموقع الجميل وحثني على

التسجيل فيه ، بل هو الذي قام بتسجيلي فالله يجزاه عني خير الجزاء فنعم الرجل أكن له محبة وتقدير فالله يكثر من

أمثاله .

أما أخبار الأمطار كما ذكرها لكم أخوي خالد .. وإن شاء الله غدا الفرصة أكثر . عسى الله يغيثنا غيثا عاما نافعا غير

ضار .

[أبو خالد]

الله يحيك ياعدان في الرحب والسعة
الله يجزاك بالخير ياخالد على دعوة أخوي رعدان إلى المنتدى

[أبوريان]

يااااااااااااااااهلا ومرحبا يارعدان

نورت المنتدى

وش اخبار الشيحية

[أبو خالد]

أجوا هاااااااااادئة
رطبة شوي
سماء صافية عدا غبار خفيف

[الراصد]

مرحبا يارعدان
اخوي ابوريان ..وش آخر اخبار الأمطار عندكم ..يمدحون المطر على عنيزه

[ضحوي]

حيا الله اخوي رعدان وياهلا ومرحبا
شكرا لابومحمد لدعوته لك
وشكرا لك إيجابة الدعوة

[العنبري]

رش خفيف له حوالي ربع ساعة او اكثر بدون بروق

[رعدان]

ما شاء الله ,,, ماشاء الله ... مبارك عليك الإشراف أخوي ( جدة غير ) والله تستاهل كل خير تواجدك دائم هنا

وهناك والله يعطيك العافية ويقويك ، لا أنسى ردودك الطيبة وتفاعلك النشط ... وعسى الله يغيثنا ويغيثكم في جدة

وجميع بلاد المسلمين .

[أبوريان]

حياك الله اخوي الراصد

جانا مطر طيب سيح الشوارع وجنوب بريدة جاها مطر افضل



الجو الان غائم كلي بسحب منخفضة

والرياح جنوبية غربية نشطة

والله يجب الخير

الساعة26-11 ليلاً

[أبو خالد]

اللهم آمين
لقد اشتقت كثييييييييييييييييييييييييييي..................... ....إلخ للمطر
الله يبارك فيك أخوي رعدان

[رعدان]

الله يحييك أخوي ( أبو ريان ) والله يجزاك خير .. أما أخبار الأمطار عندنا في الشيحية متوسطة , وغزارة الأمطار تبدأ

من جنوب الشيحية فهي غزيرة جدا وكذلك البكيرية .

ماتدري يا أبو ريان عن شمال بريدة أو جهة الشقة أو الصوامع أشوف الهملول طيب عليهم .

[رعدان]

الله يحييكم أخوي الراصد , أخوي ضحوي والله يجزاكم خير

[الراصد]

كنت امشي قبل شوي ارفه عن نفسي من هم هالأسهم الله يكفينا شرها وشاهدت برق شمال حروته على بنبان والجو مغبر والهواء شمالي غربي ..فيه ريح مطر

[أبوريان]

هلا اخوي رعدان....

الرشديات شمال بريدة جاها مطر طيب وافضل بكثير من وسط بريدة كما وصف لي ذالك احد الاخوان

[الصلبوخي]

حياك الله اخي الكريم رعدان

والله يجزاكم كل خير

[غار صوار]

ألأن الساعة 12:7 ليلا رشيشات بسيطة على حي الملك فهد بالرياض

[أبو مسفـر]

الله يبشرك بالخير غار صوار

----------------------------------------------

تم حذف الرابط ونعتذر من الاعضاء لوجوده

[ولد حريملاء]

الصلبوخي

ما شاء الله تبارك الله السحابه كلما لها وتنتفخ الله يعطينا خيرها امين

استغفر الله واتوب اليه اللهم زد وبارك




http://9q9q.com/May/1147038560.gif (http://9q9q.com/)

[ابو عيسى]

الرياض/حي السويدي
البرق شوهد على شمال الرياض.والشمال الغربي.
الساعة 12:15 وصلنا عج واستمر فترة قصيرة و بعدها بدا يصفى الجو .
الان الساعة 1:07 وفي سحاب الله يامره علينا وتمطر ان شاء الله ..
وبإذن الله غدا الفرصة أكبر على الرياض وما جاورها.

[الصلبوخي]

الصلبوخي

ما شاء الله تبارك الله السحابه كلما لها وتنتفخ الله يعطينا خيرها امين

استغفر الله واتوب اليه اللهم زد وبارك




http://9q9q.com/May/1147038560.gif (http://9q9q.com/)


هلا وغلا بولد حريملا

ولد الديرة الغالية علينا

الله يبشرك بالخير

والسيل اليوم يقولون على جنوب حريملا اقوى

استغفرالله الذي لا اله الا هو الحي القيوم واتوب اليه

[منصور المناع]

ساعة من الغني تغني

سبحان من امره بين الكاف والنون

شكرا شباب على الاخبار الحلوه

وبالأمس شمال تمير جرحت الأرض حول شعيب الأرطاوي وعلى شعيب السلهمي

جعلها الله أمطار خير وبركه

[عجاج]

اللهم لك الحمد امطرنا بفضل الله ورحمته

تقرير عن امطار عنيزة امس الاحد كما اشار اليها اخوي الرصد

من بعد صلاة المغرب جانا عجاج ثم بدأت البروق من جميع الاتجاهات حتى اذان العشاء

ثم اقتربت البروق مع صلاة العشاء وصارت فوقنا مع بدية رش وهواء شديد

وبعد الصلاة البروق كانت قوية ومخيفة وكنت امس في مكان مرتفع واشاهد الصواعق وهي تضرب بشكل مخيف

ثم بدأ المطر ينهمر علينا كانت الامطار من متوسطة الى غزيرة وأشد شي في شمال عنيزة حيث ذكر احد الاخوان ان

مساحات السيارة ماتلحق واستمر هطول المطر علينا حتى الساعة 11ليلا

[خالد العوض]

صبحكم الله بالخير يالربع
مشاءالله منطقه واسعه من النشو هذا اليوم تشمل باذن الله الوسطى والشماليه الغربيه والغربيه والجنوبيه الغربيه
من المملكه استعدو بعد العصر بأذنه تعالى جهزو الكمرات نبي صور حلوه يالربع الله يجزاكم عن خير

[ابونورة]

الله يبشرك بالخير اخوي خالد العوض

والله يغيثنا من عنده

[التميمي]

وان شاء الله بداية نشوا والله يرزقنا الغيث

[nahham]

صباح الخير شباب

هذه صورة من جهة الغرب في العاصمة الرياض قبل قليل

http://www.tumaer.net/up/upload/ry01.JPG

الله يجيب الخير

اللهم اغثنا

[خالد العوض]

وهذي توقعات خاصة بمنتدى البراري والله كريم يعم الخير ارجاء البلاد
والله اعلم
انتظر يوجد صوره
http://9q9q.com/May/1147072874.jpg

[الشاهين]

وهذي توقعات خاصة بمنتدى البراري والله كريم يعم الخير ارجاء البلاد
والله اعلم
انتظر يوجد صوره
http://9q9q.com/May/1147072874.jpg

خالد العوض .
السحاب توقع يغطي عفيف.


الله يجزاك خير.

[رجع الصدى]

مراقبة الظواهر الجوية من الأرصاد السعودية

يوم الاثنين 10 ربيع الأخر 1427هـ...... بمشيئة الله تعالى تتأثر المناطق الواقعة داخل نطاق اللون الاخضر بتقلبات جوية سريعة تشمل هطول الامطار الرعدية مع نشاط الرياح السطحية مما يحد من مدى الرؤية الى اقل من (5) كيلومتر ........ لذا يجب اخذ الحيطة والحذر ...

http://www.pme.gov.sa/Warnning/file.asp?ID=72

[رجع الصدى]

http://www.pme.gov.sa/Warnning/file.asp?ID=72http://www.pme.gov.sa/Warnning/file.asp?ID=72
ممكن يعطيني احد الاخوان طريقة انزال الصور المرفقه مع الموضوع

[أبو خالد]

جدة رياح خفيييفة جنوبية غربية
السماء بها سدا مابين متوسط إلى كثيف وبعض السحب المتوسطة القليلة والصغير
الساعة 11/20 دقيقة تقريبا
http://www.tumaer.net/up/upload/waleed.jpg

[ديم نجد]

صبحكم الله بالخير يالربع
مشاءالله منطقه واسعه من النشو هذا اليوم تشمل باذن الله الوسطى والشماليه الغربيه والغربيه والجنوبيه الغربيه
من المملكه استعدو بعد العصر بأذنه تعالى جهزو الكمرات نبي صور حلوه يالربع الله يجزاكم عن خير

الله بيشرك بالخير اخوي خالد لكن السما عندنا زرقا بشكل كبير واضح ان مافيه بخار ماء في الجو

[أبو خالد]

وهذه صور الساعة 12/55 تقريبا
http://www.tumaer.net/up/upload/wled.jpg

[خالد العوض]

الشاهين بأذن الله
الحقيل اصبر شوي وتشوف بأذن الله يبدا غرب النشو

[العنبري]

http://www.pme.gov.sa/Warnning/file.asp?ID=72http://www.pme.gov.sa/Warnning/file.asp?ID=72
ممكن يعطيني احد الاخوان طريقة انزال الصور المرفقه مع الموضوع

انسخ رابط الصورة ثم اذهب الى موضوع جديد او رد على الموضوع

http://www.up.mixq8.com/uploads11/t1.gif

http://www.up.mixq8.com/uploads11/t2.gif

ثم معاينة المشاركة للتأكد من خروج الصورة ....

[التميمي]

الله يعطيكم العافيه

والله يجيب الخير

[سداااااح]

انقل لكم موضوع عن نشرة الاخبار الجويه
وهاذالموضوع """ منقوول للافائده
http://met.jometeo.gov.jo/pls/portal/docs/PAGE/JOMETEO/TAB32413/%C7%DA%CF%C7%CF%20%C7%E1%E4%D4%D1%C9%20%C7%E1%CC%E 6%ED%C9.DOC

[خالد العوض]

مشاءالله بداية نشو طيب جهة المدينه المنوره الأن حسب صورة الاقمار
30-12 ظهراً الاثنين

[ولد نجد]

مشاءالله بداية نشو طيب جهة المدينه المنوره الأن حسب صورة الاقمار
30-12 ظهراً الاثنين
الله يبشرك بالخير يابومحمد
ما قصرت وجزاك الله خير على جهودك

[عجاج]

بسم الله الرحمن الرحيم

الان في عنيزة بدأ عندنا ظهور النشو من جهة الغرب

اللهم اجعله ناشئ خير يارب العالمين

[الراصد]

الله بيشرك بالخير اخوي خالد لكن السما عندنا زرقا بشكل كبير واضح ان مافيه بخار ماء في الجو
اخوي الحقيل ..زرقة السماء عندكم دليل خير باذن الله

[ابو عيسى]

الرياض. الان سحب صغيرة متفرقة .. نراقب جهة الغرب والشمال الغربي .نتفائل خير ان شاء الله

اللهم اغثنا اللهم اغثنا اللهم اغثنا.

[العنبري]

بد اية نشو على شقراء الساعة 12:30 مع جميع الاتجاهات ...

الله يجيب الخير ....

[الراصد]

نشوء على الرياض..والغريب ان السحب الركاميه واتي بدأنشؤها بعدالساعه12 شبه ثابته لاتتحرك ..
النشوء غرب القصيم وشمال غربها طيب ويرجى من وراه خير ..احتمال امطار على المحافظات الغربيه للقصيم بدا من الساعه3والله اعلم
الرياض الساعه1:23

[الراصد]

بد اية نشو على شقراء الساعة 12:30 مع جميع الاتجاهات ...

الله يجيب الخير ....
مساك الله بالخير اخوي ابوبريهه..هل شكل السحاب اليوم مثل امس في بداية النشوء..واتجاه الهواء عندكم لوتكرمت ..وعلى فكره القويعيه والي حولها احتمال 70%مطر بأذن الله

[العنبري]

اتجاه الهواء متقلب لكن غالبا مابين غربي الى شمالي غربي واحيانا شمالي
والنشو الى الان متوسط
الى الان والنشو اضعف من الي امس وجهة الشرق افضل الجهات ....

[هاوي مزن]

امطار على المدينه المنوره الأن ماشاء الله تبارك الرحمن جهة جبال البيضاء


عاشق نجد

[أبو خالد]

الله يبشرك بالخير
ياهوي مزن
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه

[هاوي بر]

امطار على المدينه المنوره الأن ماشاء الله تبارك الرحمن جهة جبال البيضاء


عاشق نجد



الله يبشرك بل الخير هاوي مزن




اللهم اغثنا

[هاوي مزن]

قال علي بن ابي طالب رضي الله عنه وأرضاه(عجبت لمن يهلك والنجاة معه؟قيل وماهي قال : الأستغفار!
والله ثم والله أنه له تأثير عجيب في حياتك ويفتحتك أبواب الرزق سبحان الله وبحمده جلا في علا سبحانه؟

[أبو خالد]

قال علي بن ابي طالب رضي الله عنه وأرضاه(عجبت لمن يهلك والنجاة معه؟قيل وماهي قال : الأستغفار!
والله ثم والله أنه له تأثير عجيب في حياتك ويفتحتك أبواب الرزق سبحان الله وبحمده جلا في علا سبحانه؟
جزاك الله خير الله يوفقك في الدنيا والآخرة
""""""""""""""""""""""""
جدة
لا زال بعض من السدا يؤثر على جدة وأحيان يكون السدا كثيف

[هاااوي مطر]

امطار على المدينه المنوره الأن ماشاء الله تبارك الرحمن جهة جبال البيضاء


عاشق نجد



الله يبشرك بالخير

وعطنا الأخبار اول بأول

[عبدالهادي المفرج التميمي]

حنا في تمير بدأ النشو عندنا بس مهوب مثل امس ما يخشم لكن كود الهواء تتغير لانها مهيب راكده وخفيفه

والهواء من الشمال الى الشمال الشرقي يا الله يارب انك ترحمنا برحمته وتسقينا الغيث

مشكوووووووووووووووووور



سلام

[بدر]

الاخ هادي ما قصرت على الصور ولكن جهة السحابة وقوة الهملول من مطر وشبوب وسيل ناحية مخرج جوي وتحديدا على المعيذر حيث سال الوادي منه وكانت الجبال القريبة من المخرج تجاه القصيم "شمال " عبارة عن شلالات ولله الحمد والمنة اللهم زد وبارك وشكرا لك هادي وما قصرت

[عبدالهادي المفرج التميمي]

هذا جهدنا وكنت مشغول بمهرجان الفرق المسرحية ويالله قدرت اطلع واصور

مشكور على التغطية واسف اذا كنت ما اسهمت بالموضوع

ويكفي من موضوعي انك شاركتنا ولو ادري كل غلطة تتجيب مثلك وشروااااك كان اكتب كل اخباري ناقصه

الله يسلمك يالغالي

مشكوووووووووووووووووور



سلام

[أبو خالد]

أخوي بدر
الحمد لله رب العالمين
حياك الله في منتدى البراري
يوجد موضوع يختص بهذا الموضوع
جزاك الله خير (( لا تفتح موضوع خبري عن مطر أو سيل إلا إذا كان مزود بصورة أو صور ))
الكلام موجهك لك يالغالي وللجميع
لذلك سوف يتم الدمج أن شاء الله تعالى

[هيثم المحيلان]

الجو في المدينه
جميل جداً
مع السحب الركاميه الموجوده



وقبل شويء نقطة تنقيط خفيف


والخير جاي بأذنه
جل وعلا

[أبو خالد]

أخوي القصيم الرس
يليت تعطينا صورة عن أجوؤكم
ولا عليك أمر
إذا قدرت

[بدر]

امطار جنوب المجمعة امس العصر غزيرة جدا مع شبوب وتمركزت على وادي المعيذر ومشى منها سميطة وكانت الجبال القريبة شلالات جميلة ورائعة من فضل الله دون ان يكون على داخل المجمعة مطر مما جعل الناس يتوقعون ان المياه المتدفقة في الشارع العام بسبب انكسار ما في شبكة المياه اللهم اغثنا

[هاوي مزن]

قال علي بن ابي طالب رضي الله عنه وأرضاه(عجبت لمن يهلك والنجاة معه)قيل وماهي قال(الأستغفار)
والله ثم والله أنه له تأثير عجيب في حياتك ويفتحلك أبواب الرزق سبحان الله جلا في علا000
الناس اللي ماعندهم ضنى عليكم (بلأستغفار) اللي تبونه ياأخوان في الدنيا والأخره يتحقق الزمو الأستغفار

$عاشق نجد$

[بدر]

شرواك الطيب هادي وانت كما قلت لك ماقصرت بورك فيك وجعل جميع اودية تمير للسيل آمين اللهم اغثنا

[بدر]

ابوخالد جعل جدة غير للسيل آمين اللهم اغثنا

[بدر]

هاوي مزن لا حرمك الله الاجر والمثوبة وجزيت خيرا وزوجت بكرا

[بدر]

القصيم الرس المدينة تقصد بها الرس نفسها او المدينة النبوية اذا كان الرس قل المحافظة واشكرك من الاعماق ياقروم الرجال واهل الطولات والصولات اللهم اغثنا

[هيثم المحيلان]

أبشركم المدينه


الآن ترش
رش خفيف

وأنا الآن بالبيت

والحمد لله على فضله

جده غير لأسف الوصله
ماهي عندي يالذيب لكن أبشر بسعدك
إذا قدرت ودبرته

[هيثم المحيلان]

حياك ربي يابدر





المدينه أقصد بها مدينة الرسول محمد صلى الله عليه وسلم
أفا عليك الرس محافظه الرس
عاصمة الكره الأرضيه

هداك الله

[بدر]

آمين واياك بس رجاء قل المحافظة "محافظة الرس عاصمة الكرة الارضية" جعلها للسيل آمين اللهم اغثنا

[بدر]

اخي جدة غير عندي تصوير كمرة فيديو كيف انزل منها مقطع هل هناك امكانية ام لا اللهم اغثنا

[هيثم المحيلان]

هههههههههههههههههههه
بدر آمين الله يسمع منك


بدر الجوال طيب

[هيثم المحيلان]

الرش وقف



وباين أثر المطر في الشوارع


والحمد لله

[بدر]

اللهم اجعلها امطار خير وبركة اللهم آمين اللهم اغثنا

[أبو خالد]

أخوي بدر لو تسأل غير ي أفضل لأنني ماعندي خبرة في هذه الأشياء (( لو أعرف لأقلك ))

[nahham]

مرحبا اخوي بدر

تقدر ترفع الملف على احد مواقع رفع الملفات اللي تقبل نفس الامتداد اللي عندك

وبعدين تاخذ الرابط وتسويه ضمن الموضوع الذي تكتبه هنا

اتمنى اني قدرت اوصل لك المعلومه

[بدر]

جزاك الله خير الجزاء وبارك فيك اللهم اغثنا

[أبوريان]

وصلتني رسالة من حائل هذا نصها....

رشوش خفيفة على أجزاء من حائل والسحاب ثقيل والخير جاي إن شاء الله

................................

أما في بريدة ....

مزون يحبها قلبك شمال وشمال غرب وجهة الغرب
واليوم السحاب أفضل من امس

والله يجيب الخير


الساعة08-4 عصرا

[هيثم المحيلان]

الأن في المدينه



السحب الركاميه تذهب شرق
جهت نجد


وأشوف سحب ركاميه أيضاً

جايه من الغرب تتبع اللتي قبله وهي على نفس المسار

وشكراً

[هيثم المحيلان]

نسيت لأقولكم إني الآن


أسمع صوت الرعد

والله يجيب الخير

[ولد حريملاء]

يا الله تحي كل بسمه

السلام عليكم ورحمه الله

ما شاء الله السحاب بدى يزين شوفو حائل القصيم والخير مقبل على حريملاء يارب

استغفر الله واتوب اليه وينك يالصلبوخي لا تصير غاطس في شعيب صلبوخ سم الله عليك


http://9q9q.com/May/1147094621.jpg (http://9q9q.com/)

[ذيب سواج]

أجواء رائعه والسماء غائمة كليا مع نزول أمطار هنا وهناك وان كانت خفيفه والرعد يسمع في كل الاتجاهات.على عقلة الصقور وماجاورها.من الساعة 2 ظهرا تقريبا.

[أبو خالد]

حاليا
السماء في جدة
صافية
الرياح خفيفة جنوبية

[العنبري]

الحمد لله السحاب زان وسمعنا صوت الرعد وان شاء الله ان الوضع يبشر بالخير ...

[هيثم المحيلان]

أما عنا

فصوت الرعد إلى الآن وهو مسموع


وأشوف المطر جهت البيضاء والله يجيب الخير

[nahham]

اخوي القصيم الرس

ياليت يالغالي تحدد الجهات حتى نعرف وين المكان

مثلا البيضا كذا كيلو متر شمال او جنوب اوشرق او غرب المدينة المنوره

والكلام للجميع الله يخليكم

الف شكر لكم

[بدر]

اخي هادي انا في كلامي السابق لا الومك يشهد الله انت وفيت وكفيت الوم اعضاء مكشات من ابناء المحافظة الي ماواحد منهم كلف خاطرة يتابع الحدث عن قرب وينقلها هنا مع الصور مما دعاني للدخول ولكن للاسف لا اعرف كيف تحمل الصور مع شكري لك ابن تمير البار والعتب على ابناء محافظة المجمعة اللهم اغثنا

[بدر]

لله درك القصيم الرس على دقة المتابعة والى الامام بس حدد اكثر كما قال المشرف الفاضل اللهم غثنا

[بدر]

ذيب سواج ارجوا التكرم والاجابة سريعا متى وصل وادي الرمة للعقلة ارجوا تحديد اليوم والساعة للاهمية القصوى والآن اين وصل وعلى بعد كم كيلومتر تقريبا عن العقلة مع الف شكر وتقدير لك اللهم اغثنا

[الصلبوخي]

ماشاء الله تبارك الله

الله يبشركم بالخير

ويجزاكم عنا كل خير

[بدر]

اخوي هادي امس من تمير احد الاخوة قال الهواء "سهملي" هل يقصد انه "نسري" اوخلاف ذلك مع الشكر اللهم اغثنا

[مخاوي سحاب]

اجواء الرياض الان
http://9q9q.com/May/1147102164.jpg (http://9q9q.com/)

http://9q9q.com/May/1147102280.jpg (http://9q9q.com/)

[أبوريناد]

وهذه صور لاجواء المدينه قبيل المغرب
http://ata1347.jeeran.com/IMGA0290.JPG

http://ata1347.jeeran.com/IMGA0291.JPG

http://ata1347.jeeran.com/IMGA0293.JPG

[هيثم المحيلان]

ياحبيلك يانهام






البيضاء


مكان يطلعله أهل المدينه
ويتميز بشعبانه الجميله

أما البعد حوالي 30 كلم

والجهه
شمال إلى شمال غرب ولكن يميل لشمال أكثر


وطريقها

لها طريق خاص بها وهو أمتداد طريق العيون
وينتهي الطريق
بأخر البيضاء

وهو الأن تقدر تقول منتزه
لأن أهل المدينه كل خميس متواجدون هناك
ويوجد به من الخيول والدبابات
ولهذا السبب قلت منتزه
وفي طريقه طعس صغير وهو طعس أهل المدينه
ولكن لا يوجد به بنيان أبداً سوى المزارع اللتي في طريقه وهي تسمى الخليل


وشكراً


أما المطر اللذي ذكرته لكم في البيضاء

جت السحابه للمدينه
وقد ذهبت
والشوارع مليئه بالمياه
وهو اليوم الثاني على التوالي
والمطر ينزل ولكن متقطع وهو رش


وبداية تكونه في المدينه أو حولها

لأن المدينه معروفه
بأنها مكان لتكون السحب أو مايسمى النشو


والحمد لله
على فضله

[هيثم المحيلان]

على فكره يأهل نجد


تجهزوا اليوم بأذنه جل وعلا

المطر جايكم يالقصيم والرياض

بس والله خايف عليكم من العجاج
الله يستر

ويلطف بكم

ومع ذلك الله يرزقكم الخير قولو آمين

أكثرو من الأستغفار

[عجاج]

الجو في عنيزة الان ملبد بالغيوم والبرق عنا غرب من مسيان والان قريب جدا

اللهم ياحي ياقيوم انا نستغفرك انك كنت غفار فأرسل السماء علينا مدرارا

[nahham]

اخوي القصيم = الرس

لي معارف عندكم ويرحون بنا للبيضاء

لكن القراء والاعضاء الاخرين يمكن ما يعرفون بعض المناطق بحكم اقامتهم في مناطق اخرى

وهذا القصد من قولي لك ارجو الايضاح

ما قصرت يالغالي وعلمك غانم

[الراصد]

السلام عليكم ..يبعد المسجد عن بيتي حوالي 500م ولما رحت اصلي المغرب وبعد مامشيت حوالي 150م والى الشوارع تمشي ولله الحمد:smile: المهم بد الصلاة قلت اروح اشوف حد السحابه من شمال ومشيت الين تعبت ماوصلت حدها المهم واسمع صوت وشيم الينه صوت حلبه قويه سبحتني ولله الحمد ولمارجعت للبيت لقيت المطر على نفس حده اللأول ..شي غريب سبحان الله حتى شكل السحاب ركامه في مقدمته ومؤخرته سدى يعني عكس الطبيعي..
هنك سحابه قويه حول المجمعه مافيه احد يجيب لنا خبرها
الرياض الساعه7:28