متابعة الطقس وأخبار الأمطار لعام 1427 - 1428 (( 3 ))

[الشفقان 1]

لا ماجانا شيء

جفيل بس وغيم خفيف ومتقطع

ولاجانا ولا رشه انا بالعقيق

[هبايب نجد]

المشاركة الأصلية كتبت بواسطة الشفقان 1

لا ماجانا شيء

جفيل بس وغيم خفيف ومتقطع

ولاجانا ولا رشه انا بالعقيق

مرحبا بجارنا :17: .......................................

[أبوريان]

اتصال من حائل يقول عليهم نشو طيب بالحيل

[راعي الحزم]

ابشركم ولله الحمد والمنه ماقابلت احد من اهل المزارع الا ويتشكر ويحمد ربه على الخير العميم

هذه الامطار وبالوسم لم تهطل منذ عام 1421

اغزر المناطق سيلا شعبان الخشيبي والظاهرية واليوم الساعة 8 صباحا جا سيل طيب على الرس ومزارعه وشمل تقريبا جميع المزارع مع العلم ان السحاب اليوم مايمطر لين ياصل الرس واعتقد يزين شرق

الآن الجو مهيأ اكثر للنشو الجديد والسحب الرعدية

[العنبري]

امطار خفيفة ومتفرقة على الوشم وخصوصا شماله

وسيل طيب على الداهنة شمال شقراء 50 كم

وسيل متوسط على وادي الخليف بين شقراء واشيقر

وامطار مابين خفيفة الى متوسطة شمال اشيقر مع طريق المستوي

وامطار جيدة على المستوي وسيل الخويشات وكان الخويش الشمالي سيله قوي

[عبدالهادي المفرج التميمي]

ابشركم جتنا في تمير قبل ربع ساعه مطر طيب ارتوت منها الارض ومشت

والله والعالم تبي تمشي الشعبان مرة ثانية وكان معها برق ورعد

يالله لك الحمد والشكر

يالله عطا برضا

مشكوووووووورين



سلام

[عبد الله الحقيل]

أبشركم الآن علينا مطر جيد والسحاب المظلم عنا جنوب غرب وهماليله طيبة بالحيل ،،،

[أبوريان]

الله يبشركم بالخير

اخوي راعي الحزم ماتقل دفئ الجو عندكم

عندنا حسينا بدفئ بعد صلاة الظهر

وبشر عسى فية نشو بالرس

[الشفقان 1]

ماشاء الله ماشاء الله

ياليتني معكم يأهل تمير

الحمد لله الحمد لله الحمد لله

مطرنا بفضل الله ورحتة

الله يرزقنا من فضله

يأهل الديار الماطرة الكثروا من الثناء والشكر لله

[برق الضما]

مع بداية يوم امس السبت 27 شوال 1427 هـ الموافق 18 نوفمبر 2006 م
يبدأ موسم الامطار الموسمية على الجزيرة العربية
وهي التي تتميز بأنها امطار شاملة وقد تستمر حتى نهاية هذا الاسبوع ان شاء الله