| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2011-10-16, 02:10 PM
|
|||
|
|||
برد البار - فبراير  هى فترة خمول وماهي نشيطه لأهل البحر تقل روحاتهم وجياتهم وكان الاغلبيه ينشغلون بتصليح قواربهم ينزكونها يعني يخرجونها من البحر نقدر نقول عملية صيانة وتجديد وليست للجميع ينظفونها ويصلحون ثقوبها ويطلونها بالسندروس السندروس نبات يجلب من الهند ويطبخ مع الزيت لعدة ساعات حتى يصبح ماده صمغيه يطلون فيها اسطح الخشب حتى تجف وكانت تستعمل قديماًولازال البعض يستعملها ليومنا هذا وكانت تختص بالقوارب الخشبيه بشتى انواعها تحافظ على الخشب وصلابته من جميع المؤثرات كالطحالب والحشرات وغيرها  بعد خروج الطوبه تظهر على قلوب النخل الطلع هنا والعرق مايمشي بالارض مثل ماعلمناكم يكون الجو رطب بعد خروج بعض السحب من البحر الجو يدفى وناخذ حوالي اسبوع تزيد ثلاثة ايام واحيان اقل السماء تصفى ثمتعود التكونات مرة اخرى وسط البحر هنا يكون نشاط منخفض البحر الأحمر واضح نتيجة الفروقات مابين السطح والسقف العلوي وتاخذ حوالي الاسبوع وتزيد ثم تنزل عليناامطار تكون غزيرة يعود البرد من جديد نسميه برد البار البار هو لقاح النخل وهو خطير على الحيوانات وصغارها برد البار اغلب الناس سواءً بحارة او غيرهم ماتخلى بيوتهم من الماعز او الضان كانو يوقتون بلقاح الغنم انها ماتصادف ولادتهاهذة الايام لأن البهم او الطفلان كانت تموت في مثل هذا الوقت اما من البرد او اللبا اللي هو الحليب اللي في الضرع عند الولاده وكانت الاحتياطات في مثل هذا الوقت ان يكون محل الغنم ذاري وماهو مكشوف للسماء وعند الولاده كانو حريصين انهم يحلبون اللبا حتى يصفى الضرع من اللبا ثم ناخذ حول العشرة الايام ونخرج من مربعانيه الشتاء تدفى الاجواء وتعاود الازيب هبوبها بشكل ملاحظ وهبوبها دليل على خروج البرد وكانت بالايام هذة تجينا امطار كسير تاخذ بعدها الشمال نشاطها وتكثر الصروف وتتغير الاجواء هنا ندخل في فتره انتقاليه اخرى وهي بداية الربيع هذا والله اعلم اقتباس:
برد العجوز – مارس هى بداية الربيع وليالي الشتاء راحت وجاتك ليالي الدفى وشجرة السلم يازين منظرها في هذة الايام تبدأ تسير مزيونه يخضر عودها وتظهر البله عليها البله ازهار السلم والسمر لونها اصفر والسمر لونها ابيض تهب احيان هبوب شماليه شرقيه بارده تاخذ حول ثلاث ليالي الى اسبوع البعض يسميها برد العجوز والبعض يسميها بياع الخبل عباته تظهر مثل السحب هذة وسط البحر ولاحميت الشمس تخف وغالباً ماتكون ممطره عدا الجبال وشرقها للداخل تجيهم امطار  اصحاب القوارب اللي كانو يصلحونها الحين جاهزه يبدون بتكويرها للبحر التكوير عمليه انزال القوارب الخشبيه الكبير منها والصغير وسط البحر سواء جديده او مستعمله وكانو الناس يتفازعون كلهم يد وحده لا في ونشات ولاغيره تبدأ بعدها العريات على البحر الجزر يسير واضح والغزه اللي على العواري تروح تجيك الحين الشماليات منها رياح تسمى بالعوا ذحين بداية توبير النخل تكثر الشماليات الارض بدات تسخن وينخفض ضغطها وزي ماذكرنا البحر بنزول تسمع هدير الموج ملاطم الموج على الكساره تبدا رحلة المدود الشاميه التيارات البحريه القادمة من الشمال تاخذ الرياح حول الاسبوع للعشرة الايام واحيان تطرح الحايه والنهار قام ياخذ من الليل وتحس ان شمس الضحى شوي حاره لكن تلاحظ ان السواحل قامت ترد عليها الحياه تعود الاسماك للعواري الشواطي ولكن بشكل خفيف ويكثر ابو قرن على الجدره الكساره يدخل للعاري ثم يقوم يرعى ويجز العجرين نبات بحري ثم لاجاك الجزر تشوف الجدره تطبخ من كثره ياكل من بقايا العجرين اللى تسحبها التيارات للغزير الاجواء في اغلب هذة الاوقات تكون السما صافيه علينا هذا والله اعلم اقتباس:
|
|
#2
2011-10-16, 02:16 PM
|
|||
|
|||
|
اوقات الشراوي والقمري البحري – ابريل تبدا من اواخر مارس تشد فيه الرياح الشماليه الغربيه بسبب حركة المنخفضات على شرق المتوسط واندفاع كتل هوائية من اصل ازوري وتظهر ظاهرة الجزر بحري اكثر من السابق يبدا موسم الحريد في الجنوب وكل ماتقدم الوقت يكون للشمال تلاحظ ان السحب تركب على الجبال لكن من شرقها بداية السرايات وبشكل خفيف قبل غياب الثريا تكون فيهارياح المدلي وتاخذ حول الاسبوع ثم تغيب الثريا ويقولون لها وقت الكنه جاك القمري البحري سمان على كيف كيفك واغلب الرياح تكون شماليه واحيان تاخذ غربيه اواخر ابريل تكثر الامطار في نجد وشمال شرق المملكه والشرقيه واحيان تجيك امطار على البحر الاحمر وتكون قويه مثل سحابة جده عام 2005 خروج السحاب من البحر قريب الفجر وهو وقت لنشاط منخفضات القرن الافريقي هذا والله اعلم  مايو – يونيو - الغوص وتجارة النهيد واليسر وهنا نجي فى اواخر ابريل والرياح الشماليه على هبوبها تجيك رياح المجلي وتاخذ حول الثلاثة اسابيع الين معاد تشوف السحاب وتستمر الامطار السرايات او المروايح على نجد شمال شرق المملكه وشرقها في حيت تخلب السماء من السحاب عندنا واحيان يظهر نسيل خفيف وتلاحظه وقت غروب الشمس جاك الصيف تبدأ السنابيك والجرادي بالسفر والبحث عن النهيد والمحار واليسر رحلات الغوص على سواحل البحر الاحمر وتصديرها لبرعجم وبيعها في اسواق السودان بور سودان وسواكن ومصوع في اريتريا كانت هناك مصانع لعمل الأزارير تبع الملابس مصنوعه من النهيد والمحار النهيد  اما اليسر كانو يعملون فيه المسابح وكانت افضل السبح المصنوعة من اليسر الحجازيه وتصدر الى منطقتنا ومناطق اوربا وله الوان منها الاحمر والاسود والبني اليسر  صورة مقربه لليسر  يشتد القيض والسموم على الداخل وتشوف الشعاب المرجانيه بشكل واضح بعد انخفاض منسوب البحر وفيه صفوه للبحر وكان البعض لاشاف النهيد او المحار يحسبه على قامات بسيطه ولكن يتفاجأ ان حسابه كان غلط وينزل قامات اكثر من اللي فطنها براسه القامه هي قياس عمق البحر وتساوي حوالي 1.83سم عمق البحر بالقيام يقاس - ويقاس غزره الى ساسه هذا والله اعلم واحكم يوليو – بداية ظهور الرطب في اواخر يونيو تبدأ بواكير الرطب في الظهور ويدخل علينا سابع الاشهر الميلادية ودايم نوثق التواريخ بالميلادي لأنها ثابته وقيس عليها بالهجري وهذا افضل هذا الوقت يسمى بروبه الدم او ميلة العرجون وقت مايحمل القنو على جريد النخل يكثر النوم ويخف النشاط عن اول  ولا زالت رحلات البحث عن المحار والنهيد واليسر مستمره وترتفع درجات الحرارة بعد نص الشهر ويشتد القيض وتهب الرياح الشرقيه السموم تنخفض قيم الضغط جنوب شرق الجزيرة العربيه وتندفع الرياح الشماليه المثيرة للأتربه والغبار على شمال المملكه والخليج وترتفع درجات الحرارة على الجزيرة العربيه يبدأ موسم الأمطار على مرتفعات جنوب البحر الأحمر وتبدأ التكونات على جبال عسير بعد الظهر ويصل مطرها على السواحل الجنوبيه بالليل هي روايح الصيف ومامنها خوف لكن لاقضى الشهر يصبح الوضع اقوى واشد من حيث نزول المطروالرياح على جنوب البحر هذا والله اعلم واحكم اغسطس – سبتمبر - الليل ومد والنهار شامس لايزال البحاره في بحرهم ويبدأ التجار اللي يجلبون القمح والدخن وحتى الادويه برحلاتهم لأريتريا والسودان في اواخر يوليو يبقى الهبوب شمالي غربي وتكبر فيه الصبا احيان وتجي بهبوب حاره سموم في آخر الليل والمدود الشماليه لازالت متواجده فيه اسبوع تكبر فيه الشماليه واحيان تاخذ لعشرة ايام بدا يتوسع منخفض الهند الموسمي على شرق المرتفعات الامطار تزيد على جبال عسير وجيزان ومطرها قوي وسحابها يصل للسودان وتفيض مياه النيل ثم ندخل في حساب السبع في وسط اغسطس يكثر الرطب بالسوق وحتى السمك متوفر واغلبه يجيك سمان  ندخل على حساب نجوم السبع وحسابها 49 يوم وكل نجم فيها ياخذاسبوع و الاولتين اسبوعين ويظهر فيها نجم سهيل اليماني والبدو يقولون لاجاك سهيل لاتامن السيل تكثر السحب على المرتفعات الغربيه ثم تجيك الثالثه مدته اسبوع تقرب المخايل من البحر ومن بعدها الرابعين مدته اسبوع وفيها هبوب مستمره ماتهدا تحس بالبراد بالليل وبالنهار تكثر الصروف السوافي على الساحل ويخف فيها السحاب على الجبال ثم الخامس مدته اسبوع شمسها حارة وتطرح الحايه فيها بالليل تجيك كتمه يقولون الابل من قوة شمس الخامس لاشافت القمره بالليل تحسبها الشمس وتحط رووسها تحت الشجر السمر والبل تبكي من طلوع الخامس - الليل ومد والنهار شامس  ثم السات السادس مدته اسبوع تخف المدود الشامية ويزين الجو ويبرد وتعود التكونات مرة ثانية على الجبال ويدخل علينا السابع مدته اسبوع وتزيد الرطوبه عميش وتبدأ المدود اليمانية وتختفي الشعاب المرجانيه تحت الماء ثم ناخذ حول اسبوعين وتبدأ فروخ السماك وينتظر الأهالي عودة اقاربهم من البحر بعد رحلات العمل الشاق ونعود معكم لبداية الموضوع  نصل معكم الى نهاية الموضوع واتمنى انه نال على رضاكم واستحسانكم واعذرونا من القصور اخوكم ابو عبدالعزيز ممدوح الجهني = =
|
|
#3
2011-10-16, 03:14 PM
|
|||
|
|||
|
ماقصرت كفيت ووفيت استفدنا الكثير من هذا البحث
|
|
#5
2011-10-19, 01:12 PM
|
|||
|
|||
|
مشكور اخوى ممدوح على طرحك المفيد والجديد لنا لاهنت يالغالي
|
|
#6
2011-10-23, 01:01 AM
|
|||
|
|||
|
اقتباس:
اشكر تواجدك الطيب ولاعدمتك يالغالي اقتباس:
اشكر تواجدك الطيب ولاعدمتك يالغالي اقتباس:
اشكر تواجدك الطيب لاعدمتك
|
|
|
|
العرض المتطور
