شبكة البراري - يا جر قلبي جر لدن الغصوني *** أغصون سدرا جرها السيل جرا ... مما راق لي

بسم الله الرحمن الرحيم

قصيده للشاعر دخيل الله بن عبد الله الدجيما ... رحمه الله يقول فيها

يا جرقلبـي جــر لــدن الغصـونـي *** أغصون سـدراً جرهـا السيـل جـرا

وأهله مـن أول بالـورق يورقونـي *** علـى غـديـراً تحـتـه الـمـاء يـقـرا

على الـذي مشيـه تخطـي بهونـي *** والعصر مـن بيـن الفريقـيـن مــرا

وأكثر عذاب القلـب يـوم أسنحونـي *** بـيـح بصـبـري لو بـغـيـت أتـدرا

لا ضاق صدري قمت أباري الضعوني *** مـع الخفـا وعـن الحـسـود اتــدرا

وقلبي عليه أشفق وتبكـي عيونـي *** والـحـال مــن ود الحبـيـب تـبــرا

يا عزتي لـي مــن تـفـرق شطـونـي *** عـزا لـي ارمـي بالسلـب واتـعـرا

أدعـج غنـج يذبـح بسـود العيونـي *** يـذبـح ليا مـنـه هـنـف واسـتـمـرا

أن مت في غالـي حشـاه أدفنونـي *** فـي مستكـن الـروح ماهـوب بـرا

يضفـي علـي بخينـقـه والقـرونـي *** ومبيـسـمٍ عــن الهـبـائـب مـــذرا

وحـداً كماالبـراق وسـط المزونـي *** تقـول بـراق مــن الصـيـف ســرا

وقـفـت عـنـده شايـهـاتٍٍ عيـونـي *** كـنــي غـريــرٍ باللهاوي مـضــرا

فأن كنـت فـي حـدٍ بعيـد أنقلونـي *** علـى هـديّ الزمـل مشـيـه تــدرا

لا مـبـعـد عـنـهـم ولا قــربــونــي *** ولا عـايـفً منـهـم ولانــي مـــورا

ياليـتـهـم بـالـحــب مـا ولـعـونـي *** كـان أبعـدوا عنـي بخـيـراً وشــرا

أوّليتهـم عــن حاجـتـي سايلـونـي *** يـوم أنـي أقـعـد عنـدهـم وتـحـرا

أوّليتـهـم يــوم أنـهــم ولـعـونـي *** خلـونـي آخــذ عـازتــي وتـــدرا

أوليتهـم مــن زادهــم أطعمـونـي *** حيثـي علـى اليّتيـم قـمـت أتـجـرا

وياليتهـم بالـدرب مــا واجهـونـي *** وياليتـهـم مــازدوا الحـلـو مـــرا

لا والله اللـى بالهـوى هوّجـرونـي *** هجـرٍ بـه الحـيـلات عـيـت تـسـرا

*****************

مما راق لي